ਮੁੰਬਈ (ਬਿਊਰੋ)— ਬਾਲੀਵੁੱਡ ਦੇ ਰਾਕਸਟਾਰ ਰਣਬੀਰ ਕਪੂਰ ਸਿਲਵਰ ਸਕ੍ਰੀਨ 'ਤੇ ਭਾਰਤੀ ਫੌਜ ਦੇ ਸਾਬਕਾ ਫੀਲਡ ਮਾਰਸ਼ਲ ਮਾਣਿਕ ਸ਼ਾਅ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆ ਸਕਦੇ ਹਨ। ਰਣਬੀਰ ਕਪੂਰ ਨੇ ਹੁਣੇ ਜਿਹੇ ਸੰਜੇ ਦੱਤ ਦੀ ਬਾਇਓਪਿਕ 'ਸੰਜੂ' 'ਚ ਕੰਮ ਕੀਤਾ ਹੈ। ਸੰਜੂ ਬਾਕਸ ਆਫਿਸ 'ਤੇ ਸੁਪਰ-ਡੁਪਰ ਹਿੱਟ ਸਾਬਤ ਹੋਈ ਹੈ। ਕਈ ਡਾਇਰੈਕਟਰ ਰਣਬੀਰ ਨੂੰ ਆਪਣੀਆਂ ਫਿਲਮਾਂ 'ਚ ਲੈਣਾ ਚਾਹੁੰਦੇ ਹਨ।
ਰਣਬੀਰ ਕਪੂਰ ਇਨ੍ਹੀਂ ਦਿਨੀਂ ਅਯਾਨ ਮੁਖਰਜੀ ਦੀ ਫਿਲਮ 'ਬ੍ਰਹਮਾਸਤਰ' ਦੀ ਸ਼ੂਟਿੰਗ ਕਰ ਰਹੇ ਹਨ। ਇਸ ਫਿਲਮ 'ਚ ਉਨ੍ਹਾਂ ਨਾਲ ਆਲੀਆ ਭੱਟ, ਅਮਿਤਾਭ ਬੱਚਨ ਤੇ ਮੌਨੀ ਰਾਏ ਨਜ਼ਰ ਆਉਣਗੇ, ਉਥੇ ਉਹ 'ਸ਼ਮਸ਼ੇਰਾ' ਫਿਲਮ 'ਚ ਵੀ ਨਜ਼ਰ ਆਉਣਗੇ। ਬਾਲੀਵੁੱਡ ਨਿਰਦੇਸ਼ਕ ਮੇਘਨਾ ਗੁਲਜ਼ਾਰ ਭਾਰਤੀ ਫੌਜ ਦੇ ਸਾਬਕਾ ਪ੍ਰਧਾਨ ਸੈਮ ਮਾਣਿਕ ਸ਼ਾਅ ਦੀ ਬਾਇਓਪਿਕ ਦੀ ਤਿਆਰੀ 'ਚ ਜੁਟੀ ਹੈ।