ਮੁੰਬਈ(ਬਿਊਰੋ)— ਰਿਲੀਜ਼ਿੰਗ ਦੇ ਪਹਿਲੇ ਹੀ ਦਿਨ 100 ਕਰੋੜ ਦੇ ਕਲੱਬ 'ਚ ਜਗ੍ਹਾ ਬਣਾਉਣ ਵਾਲੀ ਕਰਨ ਜੌਹਰ ਦੀ ਫਿਲਮ 'ਏ ਦਿਲ ਹੈ ਮੁਸ਼ਕਿਲ' ਉਸ ਦੇ ਬੇਹੱਦ ਕਰੀਬ ਹੈ। ਕਰਨ ਜੌਹਰ ਨੇ 'ਏਕ ਅਨੋਖਾ ਲੜਕਾ' ਨਾਂ ਦੀ ਇਕ ਕਿਤਾਬ 'ਚ ਇਸ ਫਿਲਮ ਨੂੰ ਲੈ ਕੇ ਕਈ ਰੋਚਕ/ਦਿਲਚਸਪ ਖੁਲਾਸੇ ਕੀਤੇ ਹਨ।
ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਕਰਨ ਜੌਹਰ ਨੇ ਸਾਲ 2014 'ਚ ਇਸ ਫਿਲਮ ਦੀ ਕਹਾਣੀ 'ਚੇ ਕੰਮ ਪੂਰਾ ਕਰ ਲਿਆ ਸੀ। ਫਿਲਮ ਦੀ ਖਾਸ ਗੱਲ ਇਹ ਸੀ ਕਿ ਇਸ ਦੀ ਕਹਾਣੀ ਨੂੰ ਇਕ ਮਹੀਨੇ 'ਚ ਹੀ ਰਚ ਦਿੱਤਾ ਸੀ। ਮਸ਼ਹੂਰ ਲੇਖਿਕਾ ਪੂਨਮ ਸਕਸੈਨਾ ਨੇ ਆਪਣੀ ਕਿਤਾਬ 'ਚ ਕਰਨ ਜੌਹਰ ਬਾਰੇ ਜ਼ਿਕਰ ਕਰਦੇ ਹੋਏ ਦੱਸਿਆ ਕਿ ਕਰਨ ਜੌਹਰ ਨੇ ਇਸ ਫਿਲਮ ਦੀ ਰਚਨਾ ਉਸ ਸਮੇਂ ਕੀਤੀ ਜਦੋਂ ਉਹ ਆਪਣੀ ਮੰਮੀ ਦਾ ਇਲਾਜ ਕਰਵਾਉਣ ਲਈ ਵਿਦੇਸ਼ ਪੁੱਜੇ ਸਨ।
ਕਰਨ ਨੇ ਕਿਹਾ, ''ਮੈਂ ਦੁਬਈ ਤੋਂ ਨਿਊਯਾਰਕ ਜਾਣ ਵਾਲੀ ਅਮੀਰਾਤ ਫਲਾਈਟ 'ਚ ਬੈਠਿਆ ਸੀ। ਇਹ ਕਾਫੀ ਲੰਬੀ ਉਡਾਣ ਹੈ। ਮੈਂ ਇਸ ਫਿਲਮ ਦੀ ਕਹਾਣੀ ਬਾਰੇ ਲਗਾਤਾਰ ਸੋਚ-ਵਿਚਾਰ ਕਰ ਰਿਹਾ ਸੀ। ਤਾਂ ਅਚਾਨਕ ਮਹਿਸੂਸ ਹੋਇਆ ਕਿ ਫਿਲਮ ਦੇ ਕਿਰਦਾਰ ਤੇ ਕਹਾਣੀ ਸਭ ਮੇਰੇ ਦਿਮਾਗ 'ਚ ਆ ਚੁੱਕੇ ਹਨ।''
ਕਰਨ ਜੌਹਰ ਨੇ ਦੱਸਿਆ ਕਿ ਫਿਲਮ 'ਏ ਦਿਲ ਹੈ ਮੁਸ਼ਕਿਲ' ਲਈ ਪੂਰੀ ਰਣਨੀਤੀ ਬਣਾਉਣ ਤੋਂ ਬਾਅਦ ਆਪਣੀ ਦੋਸਤ ਆਰਤੀ ਸ਼ੈੱਟੀ ਨੂੰ ਫੋਨ ਕਰਕੇ ਉਸ ਨੂੰ ਮਿਲਣ ਨੂੰ ਬੁਲਾਇਆ। ਦੋ ਘੰਟੇ ਲਗਾਤਾਰ ਗੱਲ ਕਰਨ ਤੋਂ ਬਾਅਦ ਜਦੋਂ ਕਰਨ ਨੇ ਆਪਣੀ ਦੋਸਤ ਨੂੰ ਦੱਸਿਆ ਕਿ ਉਹ ਇਸ ਫਿਲਮ ਲਈ ਪਟਕਥਾ ਤਿਆਰ ਕਰਵਾਉਣਾ ਚਾਹੁੰਦੇ ਹਨ ਤਾਂ ਆਪਣੀ ਦੋਸਤ ਦੇ ਜਵਾਬ ਤੋਂ ਉਹ ਕਾਫੀ ਹੈਰਾਨ ਰਹਿ ਗਏ ਸਨ।
ਕਰਨ ਜੌਹਰ ਦੀ ਦੋਸਤ ਨੇ ਕਿਹਾ, ''ਕਰਨ ਤੁਸੀਂ ਅਜੇ ਜੋ ਪਟਕਥਾ ਮੈਨੂੰ ਸੁਣਾਈ ਹੈ ਇਸ ਤੋਂ ਲੱਗਦਾ ਹੈ ਕਿ ਫਿਲਮ ਦੀ ਪੂਰੀ ਕਹਾਣੀ ਤੁਹਾਡੇ ਦਿਮਾਹ 'ਚ ਪਹਿਲਾਂ ਤੋਂ ਹੀ ਮੌਜੂਦ ਹੈ।'' ਕਰਨ ਨੇ ਕਿਹਾ, ''ਉਸ ਸਮੇਂ ਮੈਨੂੰ ਮਹਿਸੂਸ ਹੋਇਆ ਕਿ ਅਰੇ ਹਾਂ, ਇਹ ਸਹੀਂ ਗੱਲ ਹੈ, ਪੂਰੀ ਫਿਲਮ ਮੇਰੇ ਦਿਮਾਗ 'ਚ ਹੈ।'' ਇਸ ਤੋਂ ਬਾਅਦ ਕਰਨ ਨੇ ਆਪਣੀ ਦੋਸਤ ਨਾਲ ਹੱਸਦੇ ਹੋਏ ਕਿਹਾ-''ਬਾਵਜੂਦ ਇਸ ਦੇ ਪਟਕਥਾ ਤੇ ਸੰਵਾਦ ਤਾਂ ਹਰ ਫਿਲਮ ਲਈ ਲਿਖਣੇ ਹੀ ਹੁੰਦੇ ਹਨ।''
ਦੱਸਣਯੋਗ ਹੈ ਕਿ 'ਏ ਦਿਲ ਹੈ ਮੁਸ਼ਕਿਲ' ਦਾ ਨਿਰਦੇਸ਼ਨ ਕਰਨ ਜੌਹਰ ਨੇ ਕੀਤਾ ਸੀ। ਇਸ ਫਿਲਮ 'ਚ ਐਸ਼ਵਰਿਆ ਰਾਏ ਬੱਚਨ, ਰਣਬੀਰ ਕਪੂਰ ਤੇ ਅਨੁਸ਼ਕਾ ਸ਼ਰਮਾ ਮੁੱਖ ਭੂਮਿਕਾ 'ਚ ਸਨ। ਇਹ ਫਿਲਮ 28 ਅਕਤੂਬਰ 2016 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ।