ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ 'ਚ ਰਣਬੀਰ ਕਪੂਰ ਤੇ ਰਣਵੀਰ ਸਿੰਘ 'ਚ ਕਾਫੀ ਤਕਰਾਰ ਰਹਿੰਦਾ ਹੈ। ਦੋਵੇਂ ਇਕ ਤੋਂ ਬਾਅਦ ਇਕ ਆਪਣੀ ਫਿਲਮਾਂ ਨਾਲ ਖੁਦ ਨੂੰ ਸਾਬਿਤ ਕਰਦੇ ਨਜ਼ਰ ਆ ਰਹੇ ਹਨ। ਰਣਬੀਰ ,ਕਪੂਰ ਨੇ ਹਾਲ ਹੀ 'ਚ ਇਸ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਕਿ ਉਹ ਰਣਵੀਰ ਸਿੰਘ ਨਾਲ ਆਪਣੇ ਮੁਕਾਬਲੇ ਨੂੰ ਕਿਸ ਤਰ੍ਹਾਂ ਘੱਟ ਦੇਖਦੇ ਹਨ। ਰਣਵੀਰ ਸਿੰਘ ਤੋਂ ਖਤਰਾ ਹੋਣ ਦੇ ਸਵਾਲ 'ਤੇ ਰਣਬੀਰ ਕਪੂਰ ਨੇ ਕਿਹਾ, ''ਮੈਨੂੰ ਰਣਵੀਰ ਸਿੰਧ ਦੀ ਪ੍ਰਸਿੱਧੀ ਤੋਂ ਕੋਈ ਜਲਨ ਨਹੀਂ ਹੈ ਤੇ ਨਾ ਕੋਈ ਅਸੁਰੱਖਿਆ ਹੈ। ਮੈਂ ਆਪਣੇ ਕਰੀਅਰ ਦੀ ਸ਼ੁਰੂਆਤ 10 ਸਾਲ ਪਹਿਲਾਂ ਕੀਤੀ ਸੀ। ਇੰਡਸਟਰੀ 'ਚ ਆਏ ਸਾਨੂੰ ਦੋਵਾਂ ਨੂੰ ਅਜੇ 10-12 ਸਾਲ ਹੀ ਹੋਏ ਹਨ। ਸਾਡੇ ਦੋਹਾਂ 'ਚ ਕਾਫੀ ਹੈਲਦੀ ਮੁਕਾਬਲਾ ਹੈ। ਮੈਂ ਆਪਣੇ ਚੰਗੇ ਕੰਮ ਨਾਲ ਰਣਵੀਰ ਦਾ ਮੁਕਾਬਲਾ ਕਰਨਾ ਚਾਹੁੰਦਾ ਹਾਂ।'' ਦਮਦਾਰ ਅਦਾਕਾਰੀ ਤੋਂ ਇਲਾਵਾ ਦੋਵਾਂ 'ਚ ਇਕ ਹੋਰ ਗੱਲ ਕਾਮਨ (ਆਮ) ਹੈ। ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਦੋਵਾਂ ਦੀ ਚੰਗੀ ਦੋਸਤ ਹੈ। ਡੇਕੇਨ ਕ੍ਰੋਨੀਕਲ ਦੀ ਰਿਪੋਰਟ ਮੁਤਾਬਕ ਦੀਪਿਕਾ ਲੰਬੇ ਸਮੇਂ ਤੱਕ ਰਣਬੀਰ ਨਾਲ ਸੀਰੀਅਸ ਰਿਲੇਸ਼ਨ 'ਚ ਰਹੀ ਹੈ। ਇਕ ਸਮਾਂ ਅਜਿਹਾ ਸੀ ਕਿ ਜਦੋਂ ਦੀਪਿਕਾ ਰਣਬੀਰ ਕਪੂਰ ਲਈ ਕਰੀਅਰ ਛੱਡ ਕੇ ਘਰ ਵਸਾਉਣਾ ਚਾਹੁੰਦੀ ਸੀ। ਦੀਪਿਕਾ-ਰਣਬੀਰ 'ਚ ਰਿਲੇਸ਼ਨ ਲੰਬੇ ਸਮੇਂ ਤੱਕ ਨਾ ਚੱਲ ਸਕਿਆ। ਇਸ ਦੀ ਵਜ੍ਹਾ ਕਾਰਨ ਦੀਪਿਕਾ ਕਾਫੀ ਦਿਨਾਂ ਤੱਕ ਪਰੇਸ਼ਾਨ ਵੀ ਰਹੀ। ਅੱਜ ਭਾਵੇਂ ਹੀ ਦੋਵੇਂ ਚੰਗੇ ਦੋਸਤ ਹਨ ਪਰ ਰਿਸ਼ਤੇ 'ਚ ਆਈ ਦਰਾਰ ਨੇ ਦੀਪਿਕਾ 'ਤੇ ਗਹਿਰਾ ਅਸਰ ਪਾਇਆ ਹੈ।