ਮੁੰਬਈ (ਬਿਊਰੋ)— ਅੱਜ 28 ਸਤੰਬਰ ਨੂੰ ਬਾਲੀਵੁੱਡ ਦੇ ਰਾਕਸਟਾਰ ਰਣਬੀਰ ਕਪੂਰ ਆਪਣਾ 36ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ ਅੱਜ ਅਸੀਂ ਤੁਹਾਨੂੰ ਦੱਸ ਰਹੇ ਹਾਂ ਉਨ੍ਹਾਂ ਦੀ ਜ਼ਿੰਦਗੀ ਦੀ ਇਕ ਦਿਲਚਸਪ ਲਵ ਸਟੋਰੀ ਦੇ ਬਾਰੇ 'ਚ। ਭਾਵੇਂ ਅੱਜ ਰਣਬੀਰ ਦਾ ਆਲੀਆ ਭੱਟ ਨਾਲ ਰਿਸ਼ਤਾ ਹੋਵੇ ਪਰ ਇਕ ਸਮਾਂ ਅਜਿਹਾ ਵੀ ਸੀ ਜਦੋਂ ਉਹ ਇਕ ਲੜਕੀ ਦੇ ਦੀਵਾਨੇ ਹੁੰਦੇ ਸਨ।
ਇੱਥੇ ਅਸੀਂ ਕੈਟਰੀਨਾ ਕੈਫ ਜਾਂ ਦੀਪਿਕਾ ਪਾਦੂਕੋਣ ਦੀ ਗੱਲ ਨਹੀਂ ਕਰ ਰਹੇ। ਬਲਕਿ ਅਸੀਂ ਤਾਂ ਗੱਲ ਕਰ ਰਹੇ ਹਾਂ ਅਵੰਤਿਕਾ ਮਲਿੱਕ ਦੀ, ਜੋ ਅੱਜ ਬਾਲੀਵੁੱਡ ਐਕਟਰ ਇਮਰਾਨ ਖਾਨ ਦੀ ਪਤਨੀ ਹੈ ਅਤੇ ਇਸ ਦੇ ਨਾਲ ਹੀ ਆਮਿਰ ਖਾਨ ਨੂੰਹ ਹੈ।
ਦਰਅਸਲ ਇਮਰਾਨ, ਆਮਿਰ ਖਾਨ ਦੀ ਭੈਣ ਦੇ ਬੇਟੇ ਹਨ, ਜਿਸ ਕਾਰਨ ਅਵੰਤਿਕਾ ਰਿਸ਼ਤੇ 'ਚ ਆਮਿਰ ਦੀ ਨੂੰਹ ਹੋਈ।
ਰਣਬੀਰ ਦਾ ਪਹਿਲਾਂ ਕਰੱਸ਼ ਸੀ ਅਵੰਤਿਕਾ
ਇਕ ਇੰਗਲਿਸ਼ ਵੈੱਬਸਾਈਟ ਮੁਤਾਬਕ ਰਣਬੀਰ ਇਕ ਸਮੇਂ ਅਵੰਤਿਕਾ ਨੂੰ ਵੀ ਡੇਟ ਕਰ ਚੁੱਕੇ ਹਨ। ਹਾਲਾਂਕਿ ਇਹ ਕਾਫੀ ਪੁਰਾਣੀ ਗੱਲ ਹੈ, ਜੋ 90 ਦੇ ਦਹਾਕੇ ਦੀ ਹੈ। ਉਸ ਸਮੇਂ ਦੋਹਾਂ ਦੀ ਉਮਰ ਟੀਨੇਜ ਸਨ। ਰਣਬੀਰ ਦਾ ਅਵੰਤਿਕਾ 'ਤੇ ਬਹੁਤ ਵੱਡਾ ਕਰੱਸ਼ ਸੀ।
ਅਵੰਤਿਕਾ 'ਜਸਟ ਮੁਹੱਬਤ' ਟੀ. ਵੀ. ਸੀਰੀਅਲ 'ਚ ਚਾਈਲਡ ਆਰਟਿਸਟ ਦੇ ਤੌਰ 'ਤੇ ਕੰਮ ਕਰ ਚੁੱਕੀ ਹੈ। ਰਣਬੀਰ ਨੂੰ ਅਵੰਤਿਕਾ ਇੰਨੀ ਪਸੰਦ ਸੀ ਕਿ ਉਹ ਰੋਜ਼ ਹੀ ਇਸ ਟੀ. ਵੀ. ਸ਼ੋਅ ਦੇ ਸੈੱਟ 'ਤੇ ਉਨ੍ਹਾਂ ਨੂੰ ਮਿਲਣ ਪਹੁੰਚ ਜਾਂਦੇ ਸਨ।
ਖਬਰਾਂ ਦੀ ਮੰਨੀਏ ਤਾਂ ਦੋਵੇਂ ਕਰੀਬ ਪੰਜ ਸਾਲ ਤੱਕ ਇਕ-ਦੂਜੇ ਨੂੰ ਡੇਟ ਕਰ ਚੁੱਕੇ ਹਨ। ਕਾਫੀ ਸਮੇਂ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਦੋਵੇਂ ਵੱਖ ਹੋਏ ਸਨ।
ਕਿਵੇਂ ਇਕ-ਦੂਜੇ ਦੇ ਹੋਏ ਅਵੰਤਿਕਾ ਤੇ ਇਮਰਾਨ
ਇਮਰਾਨ ਨੂੰ ਡੇਟ ਕਰਨ ਤੋਂ ਪਹਿਲਾਂ ਰਣਬੀਰ ਨਾਲ ਅਵੰਤਿਕਾ ਦਾ ਬ੍ਰੇਕਅੱਪ ਹੋ ਚੁੱਕਾ ਸੀ। ਇਮਰਾਨ ਅਤੇ ਅਵੰਤਿਕਾ ਨੇ 8 ਸਾਲ ਦੀ ਡੇਟਿੰਗ ਤੋਂ ਬਾਅਦ ਇਕ-ਦੂਜੇ ਨਾਲ ਵਿਆਹ ਕੀਤਾ ਸੀ।
ਦੋਹਾਂ ਦੀ ਹੁਣ ਇਕ ਬੇਟੀ ਵੀ ਹੈ। ਰਣਬੀਰ ਨੇ ਅਵੰਤਿਕਾ ਨਾਲ ਬ੍ਰੇਕਅੱਪ ਤੋਂ ਬਾਅਦ ਫਿਲਮ 'ਸਾਂਵਰੀਆ' ਨਾਲ ਬਾਲੀਵੁੱਡ ਡੈਬਿਊ ਕੀਤਾ ਅਤੇ ਅਵੰਤਿਕਾ ਨਾਲ ਉਨ੍ਹਾਂ ਦੀ ਦੋਸਤੀ ਬਰਕਰਾਰ ਰਹੀ।
ਇਸ ਤਸਵੀਰ ਨਾਲ ਤੁਸੀਂ ਅੰਦਾਜ਼ਾ ਲਗਾ ਸਕਦੇ ਹੋ ਕਿ ਦੋਹਾਂ ਵਿਚਕਾਰ ਬ੍ਰੇਕਅੱਪ ਤੋਂ ਬਾਅਦ ਕੋਈ ਖੱਟਾਸ ਨਹੀਂ ਆਈ।