ਮੁੰਬਈ(ਬਿਊਰੋ)- ਰਣਬੀਰ ਕਪੂਰ ਇਨ੍ਹੀਂ ਦਿਨੀਂ ਆਪਣੀ ਅਗਲੀ ਫਿਲਮ ‘ਬ੍ਰਹਮਾਸਤਰ’ ਨੂੰ ਲੈ ਕੇ ਚਰਚਾ ਵਿਚ ਬਣੇ ਹੋਏ ਹਨ। ਫਿਲਮਾਂ ਤੋਂ ਇਲਾਵਾ ਰਣਬੀਰ ਕਪੂਰ ਨੂੰ ਫੁੱਟਬਾਲ ਖੇਡਣ ਦਾ ਵੀ ਬਹੁਤ ਸ਼ੌਕ ਹੈ। ਅਕਸਰ ਉਨ੍ਹਾਂ ਨੂੰ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨਾਲ ਫੁੱਟਬਾਲ ਖੇਡਦੇ ਦੇਖਿਆ ਜਾਂਦਾ ਹੈ। ਹਾਲ ਹੀ ਵਿਚ ਰਣਬੀਰ ਫੁੱਟਬਾਲ ਖੇਡਦੇ ਦੇਖੇ ਗਏ। ਇੱਥੇ ਖੇਡਦੇ ਹੋਏ ਰਣਬੀਰ ਨੂੰ ਸੱਟ ਲੱਗ ਗਈ। ਰਣਬੀਰ ਦੇ ਬੁੱਲ੍ਹਾਂ ’ਚੋਂ ਖੂਨ ਨਿਕਲ ਰਿਹਾ ਸੀ। ਸੱਟ ਨੂੰ ਲੁਕਾਉਂਦੇ ਹੋਏ ਜਦੋਂ ਉਹ ਗਰਾਊਂਡ ’ਚੋਂ ਬਾਹਰ ਨਿਕਲੇ। ਉਦੋਂ ਹੀ ਫੈਨਜ਼ ਨੇ ਉਨ੍ਹਾਂ ਨੂੰ ਘੇਰ ਲਿਆ। ਸੱਟ ਲੱਗਣ ਦੇ ਬਾਵਜੂਦ ਰਣਬੀਰ ਨੇ ਆਪਣੇ ਸਾਰੇ ਫੈਨਜ਼ ਨੂੰ ਸੈਲਫੀ ਦਿੱਤੀ। ਫੈਂਸ ਨਾਲ ਤਸਵੀਰਾਂ ਖਿਚਵਾਉਂਦੇ ਰਣਬੀਰ ਦਾ ਵੀਡੀਓ ਸੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋ ਰਿਹਾ ਹੈ।
ਦੱਸ ਦੇਈਏ ਕਿ ਪਿਛਲੇ ਦਿਨੀਂ ਰਣਬੀਰ ‘ਬ੍ਰਹਮਾਸਤਰ’ ਦੀ ਸ਼ੂਟਿੰਗ ਲਈ ਮਨਾਲੀ ਗਏ ਸਨ। ਇੱਥੇ ਉਨ੍ਹਾਂ ਨਾਲ ਅਮਿਤਾਭ ਬੱਚਨ ਅਤੇ ਆਲੀਆ ਭੱਟ ਵੀ ਸਨ। ਤਿੰਨਾਂ ਦੀ ਸੈੱਟ ਤੋਂ ਤਸਵੀਰਾਂ ਵਾਇਰਲ ਹੋਈਆਂ ਸਨ। ਰਣਬੀਰ ਦੇ ਕੋਲ ‘ਬ੍ਰਹਮਾਸਤਰ’ ਤੋਂ ਇਲਾਵਾ ਫਿਲਮ ‘ਸ਼ਮਸ਼ੇਰਾ’ ਵੀ ਹੈ। ਇਸ ਫਿਲਮ ਨੂੰ ਅਜੈ-ਅਤੁੱਲ ਦੀ ਜੋੜੀ ਨਿਰਦੇਸ਼ਿਤ ਕਰੇਗੀ। ਫਿਲਮ ਵਿਚ ਰਣਬੀਰ ਨਾਲ ਸੰਜੈ ਦੱਤ ਅਤੇ ਵਾਣੀ ਕਪੂਰ ਵੀ ਅਹਿਮ ਭੂਮਿਕਾ ਨਿਭਾਉਣਗੇ।
ਇਸ ਤੋਂ ਇਲਾਵਾ ਫਿਲਮੇਕਰ ਲਵ ਰੰਜਨ ਦੀ ਅਗਲੀ ਫਿਲਮ ਵਿਚ ਰਣਬੀਰ ਅਤੇ ਸ਼ਰਧਾ ਕਪੂਰ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਇਸ ਫਿਲਮ ਦਾ ਨਾਮ ਅਜੇ ਸਾਹਮਣੇ ਨਹੀਂ ਆਇਆ ਹੈ।
ਫਿਲਮ ਦਾ ਨਿਰਮਾਣ ਲਵ ਰੰਜਨ ਅਤੇ ਅੰਕੁਰ ਗਰਗ ਆਪਣੇ ਬੈਨਰ ਲਵ ਫਿਲਮਸ ਦੇ ਤਹਿਤ ਕਰਨਗੇ। ਇਹ ਫਿਲਮ ਸਾਲ 2021 ਵਿਚ ਨੂੰ ਰਿਲੀਜ਼ ਹੋਵੇਗੀ।