ਮੁੰਬਈ(ਬਿਊਰੋ)- ਪਿਛਲੇ ਸਾਲ ਰਣਬੀਰ ਕਪੂਰ ਦੀ ਫਿਲਮ ‘ਸੰਜੂ’ ਸੁਪਰਹਿੱਟ ਹੋਈ ਸੀ। ਹੁਣ ਉਨ੍ਹਾਂ ਦੀ ਜਲਦ ਹੀ ਫਿਲਮ ‘ਬ੍ਰਹਮਾਸਤਰ’ ਆਉਣ ਵਾਲੀ ਹੈ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਹੁਣ ‘ਸ਼ਮਸ਼ੇਰਾ’ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਸ ਫਿਲਮ ਲਈ ਰਣਬੀਰ ਨੇ ਆਪਣੀ ਲੁੱਕ ‘ਤੇ ਕਾਫੀ ਕੰਮ ਕੀਤਾ ਹੈ। ਜਿਸ ਦੀਆਂ ਤਿਆਰੀਆਂ ਤੋਂ ਹੀ ਸਾਫ ਹੈ ਕਿ ‘ਸੰਜੂ’ ਤੋਂ ਬਾਅਦ 'ਸ਼ਮਸ਼ੇਰਾ' ਨਾਲ ਰਣਬੀਰ ਫੈਨਜ਼ ਨੂੰ ਆਪਣੀ ਲੁੱਕ ਨਾਲ ਇੰਪਰੈਸ ਕਰਨ ਦੀ ਤਿਆਰੀ ਕਰ ਰਹੇ ਹਨ।
ਫਿਲਮ ਦੇ ਸੈੱਟ ਤੋਂ ਰਣਬੀਰ ਦਾ ਲੁੱਕ ਲੀਕ ਹੋ ਗਿਆ ਹੈ ਅਤੇ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਇਸ ਲੁੱਕ ‘ਚ ਰਣਬੀਰ ਕਾਫੀ ਵੱਖਰੇ ਅੰਦਾਜ਼ ‘ਚ ਨਜ਼ਰ ਆ ਰਹੇ ਹਨ। ਫਿਲਮ ‘ਸ਼ਮਸ਼ੇਰਾ’ ਬਾਰੇ ਗੱਲ ਕਰਦੇ ਹੋਏ ਰਣਬੀਰ ਕਪੂਰ ਨੇ ਕਿਹਾ ਕਿ ਫਿਲਮ ਕਾਮੇਡੀ, ਐਕਸ਼ਨ ਅਤੇ ਡਰਾਮੇ ਨਾਲ ਭਰੀ ਹੈ। ਜਿਸ ਚ’ ਉਨ੍ਹਾਂ ਦਾ ਕਿਰਦਾਰ ਸਾਰੇ ਕਿਰਦਾਰਾਂ ਤੋਂ ਵੱਖਰਾ ਹੋਣ ਵਾਲਾ ਹੈ।