ਮੁੰਬਈ(ਬਿਊਰੋ)— ਬੀਤੇ ਦਿਨੀਂ ਹੀ ਖਬਰਾਂ ਸਨ ਕਿ ਰਣਦੀਪ ਹੁੱਡਾ ਜਲਦ ਹੀ ਆਪਣੀ ਅਗਲੀ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨ ਵਾਲੇ ਹਨ। ਰਣਦੀਪ ਹੁੱਡਾ ਹੁਣ ਵਿਸ਼ੇਸ਼ ਪ੍ਰੋਡਕਸ਼ਨ ਦੀ ਫਿਲਮ 'ਚ ਬੌਕਸਰ ਦਾ ਕਿਰਦਾਰ ਨਿਭਾਉਣਗੇ। ਇਸ ਦੀ ਸ਼ੂਟਿੰਗ ਵੀ ਇਸੇ ਮਹੀਨੇ ਸ਼ੁਰੂ ਹੋ ਸਕਦੀ ਹੈ। ਫਿਲਮ ਦੇ ਮੇਕਰਸ ਨੂੰ ਕਈ ਦਿਨਾਂ ਤੋਂ ਫਿਲਮ ਲਈ ਅਦਾਕਾਰਾਂ ਦੀ ਤਲਾਸ਼ ਸੀ, ਜੋ ਹੁਣ ਖਤਮ ਹੋ ਗਈ ਹੈ।
ਖਬਰਾਂ ਹਨ ਕਿ ਵਿਸ਼ੇਸ਼ ਪ੍ਰੋਡਕਸ਼ਨ ਦੀ ਫਿਲਮ 'ਚ ਰਣਦੀਪ ਹੁੱਡਾ ਨਾਲ ਪਹਿਲੀ ਵਾਰ ਯਾਮੀ ਗੌਤਮ ਦੀ ਜੋੜੀ ਨਜ਼ਰ ਆ ਸਕਦੀ ਹੈ। ਇਸ ਲਈ ਯਾਮੀ ਨੂੰ ਫਿਲਮ 'ਚ ਲੈਣ ਦੀਆਂ ਗੱਲਾਂ ਹੋ ਰਹੀਆਂ ਹਨ। ਫਿਲਮ ਮੇਕਰਸ ਇਸ ਪ੍ਰੋਜੈਕਟ 'ਚ ਕਿਸੇ ਨਵੀਂ ਜੋੜੀ ਨੂੰ ਲੈਣਾ ਚਾਹੁੰਦੇ ਸਨ, ਜਿਸ ਕਰਕੇ ਉਨ੍ਹਾਂ ਨੂੰ ਰਣਦੀਪ ਨਾਲ ਯਾਮੀ ਦੀ ਜੋੜੀ ਚੰਗੀ ਲੱਗੀ। ਫਿਲਮ 'ਚ ਯਾਮੀ ਦਾ ਕਿਰਦਾਰ ਕੀ ਹੋਵੇਗਾ, ਇਸ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਹੈ।
ਇਸ ਤੋਂ ਇਲਾਵਾ ਯਾਮੀ ਦੀ ਭੈਣ ਸੁਰੀਲੀ ਗੌਤਮ ਵੀ ਰਣਦੀਪ ਹੁੱਡਾ ਨਾਲ ਹੀ ਫਿਲਮ 'ਬੈਟਲ ਆਫ ਸਾਰਾਗੜ੍ਹੀ' ਨਾਲ ਆਪਣਾ ਡੈਬਿਊ ਕਰ ਰਹੀ ਹੈ। ਇਸ 'ਚ ਸੁਰੀਲੀ ਰਣਦੀਪ ਦੀ ਪਤਨੀ ਦਾ ਰੋਲ ਪਲੇਅ ਕਰੇਗੀ ਤੇ ਫਿਲਮ ਰਾਜਕੁਮਾਰ ਸੰਤੋਸ਼ੀ ਦੀ ਡਾਇਰੈਕਸ਼ਨ 'ਚ ਬਣ ਰਹੀ ਹੈ।
ਯਾਮੀ ਨੂੰ ਆਖਰੀ ਵਾਰ ਹਾਲ ਹੀ 'ਚ ਸ਼ਾਹਿਦ ਕਪੂਰ-ਸ਼ਰਧਾ ਕਪੂਰ ਨਾਲ ਫਿਲਮ 'ਬੱਤੀ ਗੁੱਲ ਮੀਟਰ ਚਾਲੂ' 'ਚ ਦੇਖਿਆ ਗਿਆ ਸੀ। ਇਸ ਤੋਂ ਇਲਾਵਾ ਯਾਮੀ ਅਗਲੇ ਸਾਲ ਵਿੱਕੀ ਕੌਸ਼ਲ ਨਾਲ 'ਉੜੀ' ਸਰਜੀਕਲ ਸਟ੍ਰਾਈਕ 'ਚ ਵੀ ਨਜ਼ਰ ਆਉਣ ਵਾਲੀ ਹੈ।
