ਮੁੰਬਈ (ਬਿਊਰੋ) : ਕੁਝ ਮਹੀਨੇ ਪਹਿਲਾਂ ਹੀ ਬਾਲੀਵੁੱਡ ਅਦਾਕਾਰਾ ਰਾਣੀ ਮੁਖਰਜੀ ਦੀ ਸਾਲ 2014 'ਚ ਆਈ ਫਿਲਮ 'ਮਰਦਾਨੀ' ਦੇ ਸੀਕਵਲ ਦਾ ਐਲਾਨ ਹੋਇਆ ਸੀ। ਹਾਲ ਹੀ 'ਚ ਰਾਣੀ ਮੁਖਰਜੀ ਨੇ ਆਪਣੀ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਹੈ। ਕੁਝ ਦਿਨ ਪਹਿਲਾ ਹੀ ਫਿਲਮ ਦੇ ਸੈੱਟ ਤੋਂ ਉਸ ਦੀ ਪਹਿਲੀ ਝਲਕ ਸਾਹਮਣੇ ਆਈ ਸੀ। ਇਸ ਤੋਂ ਇਲਾਵਾ ਹੁਣ ਇਕ ਵਾਰ ਫਿਲਮ ਸੈੱਟ ਤੋਂ ਉਸ ਦੀ ਇਕ ਹੋਰ ਤਸਵੀਰ ਸਾਹਮਣੇ ਆਈ ਹੈ, ਜਿਸ 'ਚ ਰਾਣੀ ਮੁਖਰਜੀ ਕਿਸੇ ਕੇਸ ਦੀ ਤਹਿਕੀਕਾਤ ਕਰਦੀ ਨਜ਼ਰ ਆ ਰਹੀ ਹੈ।
ਦੱਸ ਦਈਏ ਕਿ ਇਸ ਤਸਵੀਰ 'ਚ ਰਾਣੀ ਮੁਖਰਜੀ ਅੰਧੇਰੀ 'ਚ ਕੁਝ ਔਰਤਾਂ ਤੋਂ ਪੁੱਛਗਿੱਛ ਕਰਦੀ ਨਜ਼ਰ ਰਹੀ ਹੈ। ਤਸਵੀਰ 'ਚ ਰਾਣੀ ਨੇ ਵ੍ਹਾਈਟ ਕਲਰ ਸ਼ਰਟ ਤੇ ਪੈਂਟ ਪਾਈ ਹੈ, ਜਿਸ 'ਚ ਉਹ ਕਾਫੀ ਦਮਦਾਰ ਲੱਗ ਰਹੀ ਹੈ। ਇਸ ਫਿਲਮ 'ਚ ਰਾਣੀ ਮੁਖਰਜੀ 21 ਸਾਲਾ ਦੇ ਵਿਲੇਨ ਦਾ ਸਾਹਮਣਾ ਕਰਦੀ ਨਜ਼ਰ ਆਵੇਗੀ। ਫਿਲਮ ਦਾ ਡਾਇਰੈਕਸ਼ਨ ਗੋਪੀ ਪੁਥਰਾਮ ਕਰ ਰਹੇ ਹਨ, ਜਿਨ੍ਹਾਂ ਨੇ ਮਰਦਾਨੀ ਦੀ ਕਹਾਣੀ ਲਿਖੀ ਸੀ। 'ਮਰਦਾਨੀ 2' ਦਾ ਪ੍ਰੋਡਕਸ਼ਨ ਆਦਿਤਿਆ ਚੋਪੜਾ ਕਰ ਰਹੇ ਹਨ। ਹਾਲਾਂਕਿ ਫਿਲਮ ਦੀ ਰਿਲੀਜ਼ਿੰਗ ਡੇਟ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।