ਮੁੰਬਈ(ਬਿਊਰੋ)- ਲਤਾ ਮੰਗੇਸ਼ਕਰ ਦਾ ਗੀਤ ਗਾ ਕੇ ਰਾਤੋਂ-ਰਾਤ ਸਟਾਰ ਬਣੀ ਰਾਨੂੰ ਮੰਡਲ ਆਏ ਦਿਨ ਸੁਰਖੀਆਂ ਵਿਚ ਰਹਿੰਦੀ ਹੈ। ਇਸ ਵਾਰ ਰਾਨੂ ਆਪਣੇ ਹਾਈ ਲੈਵਲ ਐਟੀਟਿਊਡ ਕਾਰਨ ਚਰਚਾ ਵਿਚ ਹੈ, ਜਿਸ ਨੂੰ ਦੇਖ ਕੇ ਸੋਸ਼ਲ ਮੀਡੀਆ ’ਤੇ ਲੋਕਾਂ ਦਾ ਗੁੱਸਾ ਵੱਧਦਾ ਜਾ ਰਿਹਾ ਹੈ । ਹਾਲ ਹੀ ਵਿਚ ਰਾਨੂੰ ਮੰਡਲ ਦੀ ਇੱਕ ਹੋਰ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਵਿਚ ਉਹ ਮੀਡੀਆ ਸਾਹਮਣੇ ਕਾਫੀ ਅਜੀਬ ਵਰਤਾਓ ਕਰ ਰਹੀ ਹੈ । ਇਸ ਵੀਡੀਓ ਵਿਚ ਇਕ ਪੱਤਰਕਾਰ ਰਾਨੂੰ ਮੰਡਲ ਨੂੰ ਪੁੱਛਦਾ ਹੈ, ਕੀ ਤੁਸੀਂ ਮੰਨਦੇ ਹੋ ਕਿ ਸੁਪਨੇ ਸੱਚ ਹੁੰਦੇ ਹਨ, ਤੁਹਾਨੂੰ ਕਾਫੀ ਕੁਝ ਮਿਲਿਆ ਹੈ ਜ਼ਿੰਦਗੀ ਵਿਚ।
ਇਹ ਸਵਾਲ ਪੁੱਛੇ ਜਾਣ ਤੇ ਰਾਨੂੰ ਮੰਡਲ ਪੌਪਕੋਰਨ ਖਾਂਦੀ ਦਿਖਾਈ ਦੇ ਰਹੀ ਸੀ, ਫਿਰ ਅਜੀਬ ਮੂੰਹ ਬਣਾ ਕੇ ਕਹਿਦੀ ਹੈ ਕਿ ਕੁਝ ਸੁਣਿਆ ਨਹੀਂ । ਰਾਨੂੰ ਮੰਡਲ ਦਾ ਇਹ ਵੀਡੀਓ ਲਗਾਤਾਰ ਵਾਇਰਲ ਹੋ ਰਿਹਾ ਹੈ ।ਰਾਨੂੰ ਦਾ ਬਦਲਿਆ ਹੋਇਆ ਸੁਭਾਅ ਦੇਖ ਕੇ ਲੋਕ ਉਸ ਨੂੰ ਟਰੋਲ ਕਰ ਰਹੇ ਹਨ । ਇਸ ਤੋਂ ਪਹਿਲਾਂ ਵੀ ਰਾਨੂੰ ਮੰਡਲ ਦਾ ਇਕ ਵੀਡੀਓ ਵਾਇਰਲ ਹੋਇਆ ਸੀ, ਜਿਸ ਵਿਚ ਉਹ ਆਪਣੀ ਕਿਸੇ ਪ੍ਰਸ਼ੰਸਕ ਨਾਲ ਬਦਸਲੂਕੀ ਕਰਦੀ ਨਜ਼ਰ ਆ ਰਹੀ ਹੈ।