ਮੁੰਬਈ(ਬਿਊਰੋ)- ‘ਤੇਰੀ ਮੇਰੀ ਕਹਾਣੀ’ ਦੀ ਸਫਲਤਾ ਤੋਂ ਬਾਅਦ ਰਾਨੂ ਮੰਡਲ ਦਾ ਇਕ ਹੋਰ ਗੀਤ ‘ਆਦਤ’ ਆਉਣ ਵਾਲਾ ਹੈ। ਇਸ ਗੀਤ ਦੀ ਮੇਕਿੰਗ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਕੁਝ ਘੰਟੇ ਪਹਿਲਾਂ ਸਾਹਮਣੇ ਆਈ ਇਸ ਵੀਡੀਓ ਨੂੰ ਹੁਣ ਤੱਕ ਕਈ ਲੋਕ ਦੇਖ ਚੁਕੇ ਹਨ। ਇਸ ਗੀਤ ਨੂੰ ਸੁਣ ਕੇ ਹਰ ਕੋਈ ਰਾਨੂੰ ਮੰਡਲ ਦੀ ਤਾਰੀਫ ਕਰ ਰਿਹਾ ਹੈ। ਇਸ ਵੀਡੀਓ ਨੂੰ ਹਿਮੇਸ਼ ਰੇਸ਼ਮੀਆ ਨੇ ਆਪਣੇ ਇੰਸਟਾਗ੍ਰਾਮ ਤੇ ਸ਼ੇਅਰ ਕੀਤਾ ਹੈ।
ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਹਿਮੇਸ਼ ਨੇ ਰਾਨੂੰ ਮੰਡਲ ਦੀ ਤਾਰੀਫ ਵੀ ਕੀਤੀ ਹੈ । ਹਿਮੇਸ਼ ਰੇਸ਼ਮੀਆ ਨੇ ਲਿਖਿਆ,‘‘ਰਾਨੂ ਮੰਡਲ ਦੀ ਆਵਾਜ਼ ਬਹੁਤ ਹੀ ਪਿਆਰੀ ਹੈ। ‘ਆਦਤ...’ ਦੇ ਰਿਕਾਰਡ ਦੌਰਾਨ ਮੈਂ ਇਹ ਮਹਿਸੂਸ ਕੀਤਾ ਕਿ ਰਾਨੂ ਮੰਡਲ ਵਨ ਸਾਂਗ ਵੰਡਰ ਨਹੀਂ ਹੈ। ਜਦੋਂ ਤੁਸੀਂ ‘ਆਦਤ’ ਸੁਣੋਗੇ ਤਾਂ ਖੁਦ ਇਸ ਗੱਲ ਨੂੰ ਮਨ ਜਾਓਗੇ। ਉਨ੍ਹਾਂ ਦੀ ਆਵਾਜ਼ ਕਾਫੀ ਸ਼ਾਨਦਰਾ ਹੈ।’’
ਇਹ ਵੀ ਖਬਰ ਹੈ ਕਿ ‘ਆਦਤ’ ਤੋਂ ਇਲਾਵਾ ਰਾਨੂੰ ਮੰਡਲ ਹਿਮੇਸ਼ ਦੇ ਨਾਲ ‘ਆਸ਼ਿਕੀ ਮੇਂ ਤੇਰੀ’ ਚ ਵੀ ਕੰਮ ਕਰੇਗੀ । ਇਸ ਤੋਂ ਇਲਾਵਾ ਰਾਨੂੰ ਮੰਡਲ ਦਾ ਪਹਿਲਾ ਗੀਤ ‘ਤੇਰੀ ਮੇਰੀ ਕਹਾਣੀ’ ਕਾਫੀ ਹਿੱਟ ਹੋਇਆ ਸੀ।