FacebookTwitterg+Mail

‘ਆਦਤ’ ਤੋਂ ਬਾਅਦ ਰਾਨੂ ਮੰਡਲ ਦਾ ਤੀਜਾ ਗੀਤ ਵਾਇਰਲ

ranu mondal himesh reshammiya new song
03 September, 2019 09:58:44 AM

ਮੁੰਬਈ(ਬਿਊਰੋ)- ਰੇਲਵੇ ਸਟੇਸ਼ਨ ’ਤੇ ਗੀਤ ਗਾ ਕੇ ਗੁਜ਼ਾਰਾ ਕਰਨ ਤੋਂ ਲੈ ਕੇ ਬਾਲੀਵੁੱਡ ਤੱਕ ਦਾ ਸਫਰ ਤੈਅ ਕਰਨ ਵਾਲੀ ਰਾਨੂ ਮੰਡਲ ਹੁਣ ਸਟਾਰ ਬਣ ਚੁਕੀ ਹੈ। ਉਨ੍ਹਾਂ ਨੂੰ ਬਾਲੀਵੁੱਡ ਡੈਬਿਊ ਕਰਵਾਉਣ ਵਾਲੇ ਹਿਮੇਸ਼ ਰੇਸ਼ਮੀਆ ਇਕ ਤੋਂ ਬਾਅਦ ਇਕ ਰਾਨੂ ਦੇ ਗੀਤ ਰਿਲੀਜ਼ ਕਰ ਰਹੇ ਹਨ। ‘ਤੇਰੀ ਮੇਰੀ ਕਹਾਣੀ’ ਤੇ ‘ਆਦਤ’ ਗੀਤ ਦੀ ਝਲਕ ਤੋਂ ਬਾਅਦ ਹੁਣ ਹਿਮੇਸ਼ ਨੇ ਰਾਨੂ ਦੇ ਤੀਜੇ ਗੀਤ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਨਵੇਂ ਗੀਤ ’ਚ ਸਭ ਤੋਂ ਖਾਸ ਗੱਲ ਹੈ, ਰਾਨੂ ਦਾ ਅੰਦਾਜ਼। ਇਸ ਵਾਰ ਰਾਨੂ ਜ਼ਿਆਦਾ ਆਤਮਵਿਸ਼ਵਾਸ ਨਾਲ ਗਾਉਂਦੀ ਨਜ਼ਰ ਆ ਰਹੀ ਹੈ। ਉਹ ਹਿਮੇਸ਼ ਨਾਲ ਗੀਤ ਨੂੰ ਇੰਜੁਆਏ ਕਰਦੀ ਨਜ਼ਰ ਆ ਰਹੀ ਹੈ।


ਰਾਨੂ ਇਸ ਵੀਡੀਓ ’ਚ ਹੱਸਦੀ ਵੀ ਦਿਖਾਈ ਦੇ ਰਹੀ ਹੈ। ਹਿਮੇਸ਼ ਰੇਸ਼ਮੀਆ ਨੇ ਇਹ ਗੀਤ ਸ਼ੇਅਰ ਕਰਦੇ ਹੋਏ ਲਿਖਿਆ,‘‘ਆਉਣ ਵਾਲੇ ਗੀਤ ‘ਆਸ਼ਿਕੀ ਮੇਂ ਤੇਰੀ’ ਦੀ ਝਲਕ। ਇਹ ਗੀਤ 13 ਸਾਲ ਪਹਿਲਾਂ ਯਾਨੀ 2006 ’ਚ ਰਿਲੀਜ਼ ਹੋਈ ਫਿਲਮ ‘36 ਚਾਇਨਾ ਟਾਊਨ’ ਦੇ ਗੀਤ ‘ਆਸ਼ਿਕੀ ਮੇਂ ਤੇਰੀ’ ਦਾ ਰੀਮੇਕ ਹੈ।  ਹਰ ਵਾਰ ਦੀ ਤਰ੍ਹਾਂ ਇਸ ਗੀਤ ਨੂੰ ਵੀ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਹਰ ਕੋਈ ਰਾਨੂ ਨੇ ਦੀ ਆਵਾਜ਼ ਅਤੇ ਨਵੇਂ ਅੰਦਾਜ਼ ਦਾ ਫੈਨ ਹੋਇਆ ਜਾ ਰਿਹਾ ਹੈ।


ਦੱਸ ਦੇਈਏ ਕਿ ਰਾਨੂ ਮੰਡਲ ਨੇ ਹਿਮੇਸ਼ ਰੇਸ਼ਮੀਆ ਦੀ ਫਿਲਮ ‘ਹੈਪੀ ਹਾਰਡੀ ਓਰ ਹੀਰ’ ਲਈ ਗੀਤ ਗਾਏ ਹਨ। ਹੁਣ ਤੱਕ ਤਿੰਨ ਗੀਤ ਸਾਹਮਣੇ ਆ ਚੁੱਕੇ ਹਨ ਅਤੇ ਹੁਣ ਦੇਖਣਾ ਹੋਵੇਗਾ ਕਿ ਰਾਨੂ ਹੁਣ ਕਿਸ ਗੀਤ ਨਾਲ ਆਪਣੇ ਫੈਨਜ਼ ਦਾ ਦਿਲ ਜਿੱਤਣ ਵਾਲੀ ਹੈ। 10 ਸਾਲ ਤੱਕ ਕਦੇ ਰੇਲਵੇ ਸਟੇਸ਼ਨ ਤਾਂ ਕਦੇ ਗਲੀਆਂ ‘ਚ ਗੀਤ ਗਾ ਕੇ ਗੁਜ਼ਾਰਾ ਕਰਨ ਵਾਲੀ ਰਾਨੂ ਹੁਣ ਆਪਣੇ ਟੈਲੇਂਟ  ਦੇ ਦਮ ’ਤੇ ਮਸ਼ਹੂਰ ਹੋ ਚੁਕੀ ਹੈ। ਰਾਨੂ ਦੀ ਦੁੱਖ ਭਰੀ ਕਹਾਣੀ ਸੁਣਨ ਤੋਂ ਬਾਅਦ ਤਾਂ ਲੋਕ ਹੋਰ ਵੀ ਉਨ੍ਹਾਂ ਦੇ ਮੁਰੀਦ ਹੋ ਚੁਕੇ ਹਨ।


Tags: Ranu MondalHimesh ReshammiyaNew SongVideo ViralInstagramBollywood Celebrity News In Punjabi

About The Author

manju bala

manju bala is content editor at Punjab Kesari