ਮੁੰਬਈ (ਬਿਊਰੋ) — ਬਾਲੀਵੁੱਡ ਐਕਟਰ ਰਣਵੀਰ ਸਿੰਘ ਇਨ੍ਹੀਂ ਦਿਨੀਂ ਕ੍ਰਿਕਟਰ ਕਪਿਲ ਦੇਵ ਤੋਂ ਕ੍ਰਿਕੇਟ ਦੀਆਂ ਬਾਰੀਕੀਆਂ ਸਿੱਖ ਰਹੇ ਹਨ। ਖਬਰਾਂ ਮੁਕਾਬਕ, ਕਪਿਲ ਦੇਵ ਤੇ ਰਣਵੀਰ ਸਿੰਘ ਤੇ ਪੂਰੀ ਫਿਲਮ ਦੀ ਸਟਾਰ ਕਾਸਟ ਇਨ੍ਹੀਂ ਦਿਨੀਂ ਧਰਮਸ਼ਾਲਾ ਕ੍ਰਿਕਟ ਸਟੇਡੀਅਮ ਪਹੁੰਚੀ ਹੋਈ ਹੈ। ਰਣਵੀਰ ਕਪਿਲ ਦੇਵ ਤੋਂ ਸਪੈਸ਼ਲ ਟਰੇਨਿੰਗ ਲੈ ਰਹੇ ਹਨ। ਜਿਵੇਂ ਕਿ ਤੁਹਾਨੂੰ ਪਤਾ ਹੈ ਕਿ ਰਣਵੀਰ ਸਿੰਘ ਇਨ੍ਹੀਂ ਦਿਨੀਂ '83' ਫਿਲਮ ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ। ਇਸ 'ਚ ਉਹ ਸਾਬਕਾ ਕ੍ਰਿਕਟਰ ਕਪਿਲ ਦੇਵ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਇਨ੍ਹੀਂ ਦਿਨੀਂ ਰਣਵੀਰ ਸਿੰਘ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਰਣਵੀਰ ਸਿੰਘ ਸਟੇਡੀਅਮ 'ਚ ਭਾਰਤੀ ਕ੍ਰਿਕਟ ਟੀਮ ਦੀ ਟੀ-ਸ਼ਰਟ 'ਚ ਨਜ਼ਰ ਆ ਰਹੇ ਹਨ। ਇਸ ਤੋਂ ਪਹਿਲਾ ਰਣਵੀਰ ਸਿੰਘ ਬਲਵਿੰਦਰ ਸਿੰਘ ਸੰਧੂ ਤੋਂ ਕ੍ਰਿਕਟ ਦੀਆਂ ਬਾਰੀਕੀਆਂ ਸਿੱਖ ਰਹੇ ਸਨ।
ਦੱਸ ਦਈਏ ਕਿ ਭਾਰਤ ਦੇ ਪਹਿਲੇ ਵਰਲਡ ਕੱਪ ਜਿੱਤਣ ਦੌਰਾਨ ਸੰਧੂ ਨੇ ਕਪਿਲ ਦੇਵ ਦੀ ਕਪਤਾਨੀ 'ਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ। ਫਿਲਮ '83' 'ਚ ਰਣਵੀਰ ਸਿੰਘ ਤੋਂ ਇਲਾਵਾ ਤਾਹਿਰ ਰਾਜ ਭਸਿਨ ਸੁਨੀਲ ਗਾਵਸਕਰ ਦਾ ਕਿਰਦਾਰ ਪਲੇਅ ਕਰੇਗਾ। ਇਸੇ ਤਰ੍ਹਾਂ ਸਾਬਿਕ ਸਲੀਮ ਮੋਹਿੰਦਰ ਅਮਰਨਾਥ ਦਾ, ਐਮੀ ਵਰਕ ਬਲਵਿੰਦਰ ਸਿੰਘ ਸੰਧੂ ਦਾ, ਸਾਹਿਲ ਖੱਟੜ ਸੈਯਦ ਕਿਰਮਾਨੀ ਦਾ, ਚਿਰਾਗ ਪਾਟਿਲ ਸੰਦੀਪ ਪਾਟਿਲ ਦਾ, ਹਾਰਡੀ ਸੰਧੂ ਮਦਨਲਾਲ ਦਾ ਕਿਰਦਾਰ ਨਿਭਾਉਣਗੇ। ਕਬੀਰ ਖਾਨ ਫਿਲਮ ਦਾ ਨਿਰਦੇਸ਼ਨ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਕਬੀਰ ਖਾਨ 'ਐਕਸਪ੍ਰੈੱਸ', 'ਫੈਂਟਮ', 'ਏਕ ਥਾ ਟਾਈਗਰ' ਅਤੇ 'ਟਿਊਬਲਾਈਟ' ਵਰਗੀਆਂ ਫਿਲਮਾਂ ਦਾ ਡਾਇਰੈਕਸ਼ਨ ਕੀਤਾ ਸੀ।
ਦੱਸਣਯੋਗ ਗੈ ਕਿ ਫਿਲਮ ਦੀ ਸ਼ੂਟਿੰਗ ਇਸ ਸਾਲ 15 ਮਈ ਤੋਂ ਲੰਡਨ 'ਚ ਸ਼ੁਰੂ ਹੋਵੇਗੀ। ਰਣਵੀਰ ਸਿੰਘ ਕਾਫੀ ਸਮੇਂ ਤੋਂ ਆਪਣੇ ਕਿਰਦਾਰ ਨੂੰ ਲੈ ਕੇ ਤਿਆਰੀ ਕਰ ਰਹੇ ਹਨ। ਸਪੋਰਟਸ ਡਰਾਮਾ '83' ਫਿਲਮ ਦੀ ਕਹਾਣੀ 1983 'ਚ ਭਾਰਤ ਦੇ ਪਹਿਲੇ ਕ੍ਰਿਕਟ ਵਰਲਡ ਕੱਪ ਦੀ ਜਿੱਤ 'ਤੇ ਬੁਣੀ ਗਈ ਹੈ।