ਮੁੰਬਈ— ਰਣਵੀਰ ਸਿੰਘ ਅਜੀਬ ਹਰਕਤਾਂ ਕਾਰਨ ਹਮੇਸ਼ਾ ਤੋਂ ਹੀ ਮੀਡੀਆ ਦਾ ਧਿਆਨ ਆਪਣੇ ਵੱਲ ਖਿੱਚਦੇ ਆਏ ਹਨ। ਅਜਿਹਾ ਹੀ ਉਹ ਸੋਸ਼ਲ ਮੀਡੀਆ 'ਤੇ ਵੀ ਕਰਦੇ ਰਹਿੰਦੇ ਹਨ। ਇਸ ਵਾਰ ਉਨ੍ਹਾਂ ਨੇ ਕਰਿਸ਼ਮਾ ਕਪੂਰ ਨਾਲ ਉਸ ਦੀ ਫਿਲਮ 'ਰਾਜਾ ਬਾਬੂ' ਦੇ ਮਸ਼ਹੂਰ ਗੀਤ 'ਸਰਕਾਏ ਲੋ ਖਟੀਆ' 'ਤੇ ਵੀਡੀਓ ਬਣਾ ਦਿੱਤੀ ਹੈ, ਜਿਸ 'ਚ ਉਹ ਮਸਤੀ ਦੇ ਮੂਡ 'ਚ ਨਜ਼ਰ ਆ ਰਹੇ ਹਨ।
ਰਣਵੀਰ ਇਨ੍ਹੀਂ ਦਿਨੀਂ ਫਿਲਮ 'ਪਦਮਾਵਤੀ' ਦੀ ਸ਼ੂਟਿੰਗ ਤੋਂ ਫਰੀ ਹੋਏ ਹਨ ਤੇ ਉਨ੍ਹਾਂ ਨੇ ਆਪਣੀ ਦਾੜ੍ਹੀ ਕਟਾ ਲਈ ਹੈ। ਕਲੀਨ ਸ਼ੇਵ ਹੋ ਕੇ ਉਹ ਸੋਸ਼ਲ ਮੀਡੀਆ 'ਤੇ ਮਸਤੀ ਕਰਨ 'ਚ ਰੁੱਝੇ ਹੋਏ ਹਨ। ਇਸ ਵੀਡੀਓ 'ਚ ਉਹ ਕਰਿਸ਼ਮਾ ਕਪੂਰ ਨਾਲ ਕਿਸੇ ਰੈਸਟੋਰੈਂਟ 'ਚ ਨਜ਼ਰ ਆ ਰਹੇ ਹਨ।
ਕਰਿਸ਼ਮਾ ਇਨ੍ਹੀਂ ਦਿਨੀਂ ਫਿਲਮਾਂ ਨਹੀਂ ਕਰ ਰਹੀ ਹੈ ਤੇ ਉਹ ਆਪਣੇ ਦੂਜੇ ਵਿਆਹ ਕਾਰਨ ਸੁਰਖੀਆਂ 'ਚ ਰਹਿੰਦੀ ਹੈ। ਰਣਵੀਰ ਨਾਲ ਸੋਸ਼ਲ ਮੀਡੀਆ 'ਤੇ ਉਸ ਦੀ ਇਹ ਵੀਡੀਓ ਵਾਇਰਲ ਹੋ ਰਹੀ ਹੈ। ਰਣਵੀਰ ਸਿੰਘ ਉਂਝ ਵੀ ਯੰਗ ਇੰਡੀਆ ਦੇ ਸਭ ਤੋਂ ਫੇਵਰੇਟ ਤੇ ਵਾਇਰਲ ਸਟਾਰਸ 'ਚੋਂ ਇਕ ਹਨ। ਪਿਛਲੇ ਦਿਨੀਂ ਉਨ੍ਹਾਂ ਨੇ 'ਟਾਇਲੇਟ : ਏਕ ਪ੍ਰੇਮ ਕਥਾ' ਦੀ ਪ੍ਰਮੋਸ਼ਨ ਲਈ ਅਕਸ਼ੇ ਕੁਮਾਰ ਨਾਲ ਵੀ ਇਕ ਅਜਿਹੀ ਹੀ ਧਮਾਕੇਦਾਰ ਵੀਡੀਓ ਬਣਾਈ ਸੀ।