ਮੁੰਬਈ(ਬਿਊਰੋ)— ਦਿੱਲੀ ਦੇ ਬਿਜ਼ਨੈੱਸਮੈਨ ਐੱਨ. ਐੱਲ. ਰੁੰਗਟਾ ਦੀ ਬੇਟੀ ਤਨੂੰਸ਼੍ਰੀ ਸੈਰੇਮਨੀ 'ਚ ਬਾਲੀਵੁੱਡ ਸਿਤਾਰਿਆਂ ਨੇ ਚਾਰ ਚੰਨ ਲਾ ਦਿੱਤੇ। ਹਿੰਦੀ ਫਿਲਮਾਂ ਦੇ ਮਸ਼ਹੂਰ ਸਿਤਾਰਿਆਂ ਨੇ ਆਪਣੀ ਧਮਾਕੇਦਾਰ ਡਾਂਸ ਪਰਫਾਰਮੈਂਸ ਦੇ ਕੇ ਮਹਿਫਲ ਲੁੱਟ ਲਈ।
ਇਸ ਦੌਰਾਨ ਕੈਟਰੀਨਾ ਕੈਫ, ਰਣਵੀਰ ਸਿੰਘ, ਸ਼ਾਹਿਦ ਕਪੂਰ, ਸ਼ਰਧਾ ਕਪੂਰ, ਕਰਨ ਜੌਹਰ ਸਮੇਤ ਕਈ ਬਾਲੀਵੁੱਡ ਸਿਤਾਰਿਆਂ ਨੇ ਸੰਗੀਤ ਦੇ ਦਿਨ ਹਿੱਟ ਨੰਬਰਸ 'ਤੇ ਪਰਫਾਰਮ ਕੀਤਾ, ਜਿਸ ਦੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੇ ਹਨ।
ਇਸ ਦੌਰਾਨ ਸਭ ਤੋਂ ਧਮਾਕੇਦਾਰ ਪਰਫਾਰਮੈਂਸ ਰਣਵੀਰ ਸਿੰਘ ਦੀ ਰਹੀ। ਉਸ ਨੇ 'ਪਦਮਾਵਤ' ਦੀ 'ਖਲੀਬਲੀ', 'ਬਾਜੀਰਾਓ ਰਾਓ ਮਸਤਾਨੀ' ਦੇ 'ਮਲਹਾਰੀ' ਸਮੇਤ ਕਈ ਹਿੱਟ ਗੀਤਾਂ 'ਤੇ ਡਾਂਸ ਕੀਤਾ।
ਇਸ ਤੋਂ ਇਲਾਵਾ ਸ਼ਾਹਿਦ ਕਪੂਰ ਨੇ ਵੀ ਸਟੇਜ 'ਤੇ ਸ਼ਾਨਦਾਰ ਡਾਂਸ ਕਰਕੇ ਲੋਕਾਂ ਦਾ ਮਨੋਰੰਜਨ ਕੀਤਾ। ਸ਼ਰਧਾ ਕਪੂਰ ਵੀ ਆਪਣੇ ਹਿੱਟ ਗਾਣਿਆਂ 'ਤੇ ਨੱਚਦੀ ਨਜ਼ਰ ਆਈ। ਇਸ ਮੌਕੇ ਡਿਜ਼ਾਈਨਰ ਮਨੀਸ਼ ਮਲਹੋਤਰਾ ਵੀ ਨਜ਼ਰ ਆਏ।
ਸੰਗੀਤ ਸੈਰੇਮਨੀ 'ਚ ਤਨੂੰਸ਼੍ਰੀ ਨੇ ਮਨੀਸ਼ ਦਾ ਡਿਜ਼ਾਈਨ ਕੀਤਾ ਲਹਿੰਗਾ ਪਾਇਆ ਸੀ, ਜਿਸ 'ਚ ਉਹ ਕਾਫੀ ਸ਼ਾਨਦਾਰ ਲੱਗ ਰਹੀ ਸੀ।
