ਮੁੰਬਈ(ਬਿਊਰੋ)— ਜਦੋਂ ਵੀ ਬਾਲੀਵੁੱਡ ਦੇ ਸਭ ਤੋਂ ਕਿਊਟ ਸਟਾਰਕਿੱਡ ਦੀ ਗੱਲ ਕੀਤੀ ਜਾਂਦੀ ਹੈ ਤਾਂ ਸਭ ਤੋਂ ਪਹਿਲਾਂ ਨਾਂ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਖਾਨ ਦੇ ਛੋਟੇ ਨਵਾਬ ਤੈਮੂਰ ਅਲੀ ਖਾਨ ਦਾ ਆਉਂਦਾ ਹੈ। ਜਦੋਂ ਤੋਂ ਤੈਮੂਰ ਦਾ ਜਨਮ ਹੋਇਆ ਹੈ ਉਦੋਂ ਤੋਂ ਹੀ ਉਸ ਨੇ ਲੱਖਾਂ ਲੋਕਾਂ ਨੂੰ ਆਪਣਾ ਦੀਵਾਨਾ ਬਣਾ ਲਿਆ ਹੈ।
ਤੈਮੂਰ ਦੇ ਨਾਂ ਤੋਂ ਕਈ ਸਾਰੇ ਇੰਸਟਾਗ੍ਰਾਮ ਅਕਾਊਂਟ ਬਣੇ ਹਨ, ਜਿਸ 'ਤੇ ਆਏ ਦਿਨ ਉਸ ਦੀਆਂ ਤਸਵੀਰਾਂ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਸਿਰਫ ਆਮ ਜਨਤਾ ਹੀ ਨਹੀਂ ਸਗੋਂ ਬਾਲੀਵੁੱਡ ਦੇ ਵੀ ਕਈ ਸੈਲੇਬਸ ਤੈਮੂਰ ਦੇ ਦੀਵਾਨੇ ਹਨ। ਹਾਲ ਹੀ 'ਚ ਕਰਨ ਜੌਹਰ ਦੇ ਸ਼ੋਅ 'ਕਾਫੀ ਵਿਦ ਕਰਨ ਸੀਜਨ 6' ਦੇ ਦੂਜੇ ਐਪੀਸੋਡ 'ਚ ਅਕਸ਼ੇ ਕੁਮਾਰ ਅਤੇ ਰਣਵੀਰ ਸਿੰਘ ਦੀ ਜੋੜੀ ਨਜ਼ਰ ਆਈ ਸੀ। ਇਸ ਸ਼ੋਅ 'ਚ ਦੋਵੇਂ ਹੀ ਸਟਾਰਸ ਨੇ ਮਿਲ ਕੇ ਖੂਬ ਧਮਾਲ ਕੀਤਾ। ਇਸ ਦੌਰਾਨ ਰਣਵੀਰ ਨੇ ਇਸ ਗੱਲ ਦਾ ਖੁਲਾਸਾ ਕੀਤਾ ਕਿ ਉਹ ਤੈਮੂਰ ਦੇ ਦੀਵਾਨੇ ਹਨ।
ਰਅਸਲ ਕਰਨ ਨੇ ਸ਼ੋਅ 'ਚ ਇਕ ਰੈਪਿਡ ਫਾਇਰ ਰਾਊਂਡ ਖੇਡਿਆ ਸੀ, ਜਿਸ 'ਚ ਉਨ੍ਹਾਂ ਨੇ ਸਵਾਲ ਕੀਤਾ ਸੀ ਕਿ ਤਿੰਨਾਂ ਖਾਨਜ਼ 'ਚੋਂ ਉਹ ਕਿਸ ਨਾਲ ਕੰਮ ਕਰਨਾ ਚਾਹੁਣਗੇ- ਸਲਮਾਨ ਖਾਨ, ਸ਼ਾਹਰੁਖ ਖਾਨ ਜਾਂ ਆਮਿਰ ਖਾਨ? ਇਸ ਦੇ ਜਵਾਬ 'ਚ ਰਣਵੀਰ ਨੇ ਕਿਹਾ, ''ਇਹਨਾਂ ਤਿੰਨਾਂ ਤੋਂ ਇਲਾਵਾ ਕੀ ਉਹ ਕਿਸੇ ਹੋਰ ਖਾਨ ਦਾ ਨਾਂ ਲੈ ਸਕਦਾ ਹੈ?
ਇਸ ਤੋਂ ਬਾਅਦ ਰਣਵੀਰ ਨੇ ਤੈਮੂਰ ਅਲੀ ਖਾਨ ਦਾ ਨਾਂ ਲਿਆ ਅਤੇ ਕਿਹਾ ਕਿ ਉਹ ਤੈਮੂਰ ਅਲੀ ਖਾਨ ਦੇ ਨਾਲ ਕੰਮ ਕਰਨਾ ਚਾਹੁੰਦਾ ਹੈ। ਉਹ ਕਰੀਨਾ ਅਤੇ ਸੈਫ ਦੋਵਾਂ ਦਾ ਫੈਨ ਹੈ ਅਤੇ ਮੈਨੂੰ ਉਸ ਦਿਨ ਦਾ ਇੰਤਜ਼ਾਰ ਹੈ ਜਦੋਂ ਤੈਮੂਰ ਅਤੇ ਮੈਨੂੰ ਇਕੱਠੇ ਕਿਸੇ ਫਿਲਮ ਲਈ ਕਾਸਟ ਕੀਤਾ ਜਾਵੇਗਾ।
ਇੰਨਾ ਹੀ ਨਹੀਂ ਰਣਵੀਰ ਨੇ ਅੱਗੇ ਕਿਹਾ ਕਿ ਜਦੋਂ ਤੈਮੂਰ ਅਦਾਕਾਰ ਬਣ ਜਾਵੇਗਾ ਤਾਂ ਮੈਂ ਉਸ ਦੇ ਪਿਤਾ ਦਾ ਕਿਰਦਾਰ ਨਿਭਾਉਗਾ। ਤੈਮੂਰ ਮੇਰੇ ਬੁਢਾਪੇ ਦਾ ਸਹਾਰਾ ਬਣੇਗਾ।'' ਰਣਵੀਰ ਦੇ ਇਹ ਜਵਾਬ ਨੂੰ ਸੁਣਕੇ ਕਰਨ ਜੌਹਰ ਤੇ ਅਕਸ਼ੇ ਕੁਮਾਰ ਸਮੇਤ ਉੱਥੇ ਮੌਜੂਦ ਸਾਰੇ ਲੋਕ ਹੱਸਣ ਲੱਗ ਗਏ।