ਮੁੰਬਈ (ਬਿਊਰੋ) : ਟੀ. ਵੀ. ਅਦਾਕਾਰਾ ਰਸ਼ਮੀ ਦੇਸਾਈ ਇਨ੍ਹੀਂ ਦਿਨੀਂ ਗੰਭੀਰ ਬੀਮਾਰੀ ਨਾਲ ਜੂਝ ਰਹੀ ਹੈ। ਟੀ. ਵੀ. ਸੀਰੀਅਲ 'ਉਤਰਨ' 'ਚ ਤਪੱਸਿਆ ਯਾਨੀ ਤੱਪੂ ਦਾ ਕਿਰਦਾਰ ਨਿਭਾਇਆ ਸੀ। ਅੱਜ ਵੀ ਲੋਕ ਰਸ਼ਮੀ ਦੇਸਾਈ ਨੂੰ ਇਸੇ ਕਿਰਦਾਰ ਦੇ ਨਾਂ ਨਾਲ ਜਾਣਦੇ ਹਨ।
ਇਸ ਸੀਰੀਅਲ ਨੂੰ ਕਰਨ ਤੋਂ ਬਾਅਦ ਰਸ਼ਮੀ ਕੁਝ ਹੋਰ ਸੀਰੀਅਲਸ 'ਚ ਵੀ ਨਜ਼ਰ ਆਈ ਪਰ ਇਸ ਤੋਂ ਬਾਅਦ ਰਸ਼ਮੀ ਦਾ ਜਾਦੂ ਨਹੀਂ ਚੱਲ ਸਕਿਆ।
ਦੱਸ ਦਈਏ ਕਿ ਲੰਬੇ ਸਮੇਂ ਤੋਂ ਉਹ ਛੋਟੇ ਪਰਦੇ ਤੋਂ ਦੂਰ ਹੈ ਅਤੇ ਹੁਣ ਉਹ ਮੁੜ ਤੋਂ ਚਰਚਾ 'ਚ ਹੈ। ਇਸ ਕਰਕੇ ਨਹੀਂ ਕਿ ਉਤਰਨ ਵਰਗਾ ਕੋਈ ਹੋਰ ਯਾਦਗਾਰ ਕਿਰਦਾਰ ਉਹ ਨਿਭਾਉਣ ਜਾ ਰਹੀ ਹੈ ਸਗੋਂ ਇਸ ਵਾਰ ਉਸ ਦੀ ਚਰਚਾ ਦਾ ਕਾਰਨ ਉਸ ਦੀ ਬੀਮਾਰੀ ਹੈ।
ਦਰਅਸਲ ਰਸ਼ਮੀ ਨੂੰ ਸੋਰਾਇਸਸ ਨਾਂ ਦੀ ਬੀਮਾਰੀ ਦੀ ਬੀਮਾਰੀ ਹੈ। ਇਸ ਬੀਮਾਰੀ ਨੇ ਨਾਂ ਸਿਰਫ ਉਸ ਦਾ ਕਰੀਅਰ ਤਬਾਹ ਕਰਕੇ ਰੱਖ ਦਿੱਤਾ ਹੈ ਸਗੋਂ ਉਸ ਦਾ ਵਜ਼ਨ ਵੀ ਪਹਿਲਾਂ ਨਾਲੋਂ ਵੱਧ ਚੁੱਕਿਆ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ ਰਸ਼ਮੀ ਨੇ ਇਸ ਗੱਲ ਦਾ ਖੁਲਾਸਾ ਖੁਦ ਕੀਤਾ ਹੈ ਕਿ ਉਹ ਸੋਰਾਇਸਿਸ ਦੀ ਬੀਮਾਰੀ ਨਾਲ ਪੀੜ੍ਹਤ ਹੈ।
