ਮੁੰਬਈ(ਬਿਊਰੋ)— ਭੋਜਪੁਰੀ ਫਿਲਮਾਂ ਦੇ ਸੁਪਰਸਟਾਰ ਰਵੀ ਕਿਸ਼ਨ ਅੱਜ ਆਪਣਾ 50ਵਾਂ ਜਨਮਦਿਨ ਮਨਾ ਰਹੇ ਹਨ। ਰਵੀ ਕਿਸ਼ਨ ਨੇ ਨਾ ਸਿਰਫ ਭੋਜਪੁਰੀ ਇੰਡਸਟਰੀ ਦੇ ਸੁਪਰਸਟਾਰ ਹਨ ਸਗੋਂ ਉਹ ਬਾਲੀਵੁੱਡ ਅਤੇ ਦੱਖਣ ਦੀ ਫਿਲਮ ਇੰਡਸਟਰੀ 'ਚ ਵੀ ਛਾਏ ਰਹਿੰਦੇ ਹਨ। ਰਵੀ ਕਿਸ਼ਨ ਫਿਲਮ ਇੰਡਸਟਰੀ ਦੇ ਅੱਜ ਕਾਫੀ ਵੱਡੇ ਸਟਾਰ ਬਣ ਚੁੱਕੇ ਹਨ। ਉਨ੍ਹਾਂ ਨੇ ਨਾ ਸਿਰਫ 'ਚ ਹੀ ਕੰਮ ਕੀਤਾ ਸਗੋਂ ਭੋਜਪੁਰੀ ਟੀ. ਵੀ. ਸ਼ੋਅ ਨਾਲ ਵੀ ਲੋਕਾਂ ਦਾ ਦਿਲ ਜਿਤਿਆ। ਉਹ ਸਾਲ 2006 'ਚ 'ਬਿੱਗ ਬੌਸ' 'ਚ ਵੀ ਹਿੱਸਾ ਲੈ ਚੁੱਕੇ ਹਨ। ਉਸ ਦੌਰਾਨ ਉਸ ਦੀ ਪ੍ਰਸਿੱਧੀ ਕਾਫੀ ਵਧ ਗਈ। ਇਸ ਤੋਂ ਇਲਾਵਾ ਉਸ ਨੇ ਡਾਂਸਿੰਗ ਟੀ. ਵੀ. ਸ਼ੋਅ 'ਝਲਕ ਦਿਖਲਾ ਜਾ' 'ਚ ਵੀ ਆਪਣਾ ਜਲਵਾ ਦਿਖਾ ਚੁੱਕੇ ਹਨ। ਰਵੀ ਪੰਜ ਭਰਾ-ਭੈਣਾਂ 'ਚੋਂ ਸਭ ਤੋਂ ਛੋਟੇ ਹਨ। ਰਵੀ ਦੇ ਪਿਤਾ ਡੇਰੀ ਦਾ ਇਕ ਛੋਟਾ ਜਿਹਾ ਬਿਜ਼ਨੈੱਸ ਕਰਦੇ ਸਨ ਪਰ ਕੰਮ ਬੰਦ ਹੋਣ ਤੋਂ ਬਾਅਦ ਰਵੀ ਪੂਰੇ ਪਰਿਵਾਰ ਨੂੰ ਉਨ੍ਹਾਂ ਦੇ ਹੋਮਟਾਊਨ ਜੈਨਪੁਰ 'ਚ ਸ਼ਿਫਟ ਹੋਣਾ ਪਿਆ। ਉੱਥੇ ਜਾ ਕੇ ਰਵੀ ਦੇ ਪਰਿਵਾਰ ਦੀ ਆਰਥਿਕ ਸਥਿਤੀ ਬਹੁਤ ਖਰਾਬ ਹੋ ਗਈ। ਰਵੀ ਆਪਣੇ ਪੂਰੇ ਪਰਿਵਾਰ ਨਾਲ ਇਕ ਮਿੱਟੀ ਦੇ ਘਰ 'ਚ ਰਹਿੰਦੇ ਸਨ। ਰਵੀ ਦਾ ਮਨ ਕਦੇ ਵੀ ਪੜ੍ਹਾਈ 'ਚ ਨਾ ਲੱਗਾ। ਰਵੀ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਸੀ,''ਸਾਡੇ ਕੋਲ ਇੰਨੇ ਪੈਸੇ ਹੀ ਨਹੀਂ ਸਨ ਕਿ ਦੀਵਾਲੀ 'ਤੇ ਮਾਂ ਲਈ ਸਾੜ੍ਹੀ ਵੀ ਲੈ ਪਾਉਂਦੇ। ਇਹ ਸਭ ਦੇਖ ਕੇ ਮੈਂ ਸੋਚਦਾ ਸੀ ਕਿ ਜਾਂ ਤਾਂ ਮੈਂ ਮਰ ਜਾਵਾਂਗਾ ਜਾਂ ਪਾਗਲ ਹੋ ਜਾਵਾਂਗਾ ਜਾਂ ਗੁੰਡਾ ਬਣ ਜਾਵਾਂਗਾ। ਰਵੀ ਕਿਸ਼ਨ ਦਾ ਪੂਰਾ ਨਾਂ ਰਵੀ ਕਿਸ਼ਨ ਸ਼ੁਕਲਾ ਹੈ। ਉਸ ਨੇ ਦੱਸਿਆ, ਜਦੋਂ ਮੈਂ ਰੇਡੀਓ ਦੀ ਆਵਾਜ਼ ਸੁਣਦਾ ਸੀ ਤਾਂ ਮੇਰੇ ਪੈਰ ਆਪਣੇ ਆਪ ਥਿਰਕਣ ਲੱਗ ਜਾਂਦੇ ਸਨ। ਜਦੋਂ ਵੀ ਕਿਤੋਂ ਬੈਂਡ ਵਾਜੇ ਦੀ ਆਵਾਜ਼ ਆਉਂਦੀ ਹੈ ਤਾਂ ਆਪਣੇ ਆਪ 'ਤੇ ਕੰਟਰੋਲ ਨਹੀਂ ਕਰ ਪਾਉਂਦੇ। ਰਵੀ 200 ਤੋਂ ਜ਼ਿਆਦਾ ਭੋਜਪੁਰੀ ਫਿਲਮਾਂ 'ਚ ਕੰਮ ਕਰ ਚੁੱਕੇ ਹਨ। ਉਸ ਨੇ ਸਾਲ 2008 'ਚ ਟੀ. ਵੀ. ਵਲੋਂ ਮਸ਼ਹੂਰ ਭੋਜਪੁਰੀ ਐਕਟਰ ਦਾ ਐਵਾਰਡ ਮਿਲਿਆ ਸੀ।