ਮੁੰਬਈ(ਬਿਊਰੋ)— ਰੇਖਾ ਦਾ ਡੱਬੂ ਰਤਨਾਨੀ ਦੇ ਕੈਲੰਡਰ ਲਾਂਚ ਦੇ ਮੌਕੇ ਦਾ ਵੀਡੀਓ ਖੂਬ ਵਾਇਰਲ ਹੋ ਰਿਹਾ ਹੈ। ਬਾਲੀਵੁੱਡ ਅਦਾਕਾਰਾ ਰੇਖਾ ਇਸ ਵੀਡੀਓ 'ਚ ਬਹੁਤ ਖੂਬਸੂਰਤ ਲੁੱਕ 'ਚ ਨਜ਼ਰ ਆ ਰਹੀ ਹੈ ਪਰ ਅਮਿਤਾਭ ਬੱਚਨ ਦੀ ਤਸਵੀਰ ਨੂੰ ਦੇਖ ਕੇ ਰੇਖਾ ਕੁਝ ਇਸ ਤਰ੍ਹਾਂ ਦਾ ਰਿਐਕਸ਼ਨ ਦਿੰਦੀ ਹੈ ਕਿ ਸਭ ਹੈਰਾਨ ਰਹਿ ਜਾਂਦੇ ਹਨ। ਰੇਖਾ ਦਾ ਇਹ ਵੀਡੀਓ ਵਾਰ-ਵਾਰ ਦੇਖਿਆ ਜਾ ਰਿਹਾ ਹੈ ਅਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਬਾਲੀਵੁੱਡ ਦੇ ਮਸ਼ਹੂਰ ਫੋਟੋਗ੍ਰਾਫਰ ਡੱਬੂ ਰਤਨਾਨੀ ਦੇ ਕੈਲੰਡਰ ਲਾਂਚ ਮੌਕੇ ਤੇ ਬਾਲੀਵੁੱਡ ਦੀਆਂ ਜ਼ਿਆਦਾਤਰ ਮਸ਼ਹੂਰ ਹਸਤੀਆਂ ਮੌਜੂਦ ਸਨ। ਰੇਖਾ ਦੇ ਇਸ ਵੀਡੀਓ ਨੂੰ ਇਕ ਫੈਨ ਪੇਜ਼ 'ਤੇ ਪੋਸਟ ਕੀਤਾ ਗਿਆ ਹੈ। ਰੇਖਾ ਇਸ ਵੀਡੀਓ 'ਚ ਡੱਬੂ ਰਤਨਾਨੀ ਅਤੇ ਬੱਚਿਆਂ ਨਾਲ ਫੋਟੋਸ਼ੂਟ ਕਰਵਾ ਰਹੀ ਹੈ।
ਜਦੋਂ ਕਿ ਉੱਥੇ ਮੌਜੂਦ ਫੋਟੋਗ੍ਰਾਫਰ ਉਨ੍ਹਾਂ ਨੂੰ ਪੋਜ ਦੇਣ ਦੇ ਲਈ ਕਹਿ ਰਹੇ ਹਨ। ਰੇਖਾ ਵੀ ਬਹੁਤ ਹੀ ਕੂਲ ਅੰਦਾਜ਼ 'ਚ ਤਸਵੀਰਾਂ ਖਿਚਵਾਉਂਦੀ ਹੈ। ਫੋਟੋਗ੍ਰਾਫਰ ਰੇਖਾ ਨੂੰ ਇਕੱਲੇ ਪੋਜ ਦੇਣ ਲਈ ਕਹਿੰਦੇ ਹਨ ਅਤੇ ਰੇਖਾ ਪੋਜ ਦੇਣ ਤੋਂ ਪਹਿਲਾਂ ਪਿੱਛੇ ਮੁੜ ਕੇ ਦੇਖਦੀ ਹੈ ਅਤੇ ਫੋਟੋਗ੍ਰਾਫਰਜ਼ ਦੀ ਸ਼ਰਾਰਤ ਸਮਝ ਜਾਂਦੀ ਹੈ। ਰੇਖਾ ਪਿਛੇ ਮੁੜ ਕੇ ਦੇਖਦੀ ਹੈ ਤਾਂ ਉੱਥੇ ਅਮਿਤਾਭ ਬੱਚਨ ਦੀ ਤਸਵੀਰ ਨਜ਼ਰ ਆਉਂਦੀ ਹੈ ਅਤੇ ਉਹ ਉੱਥੋਂ ਜ਼ਬਰਦਸਤ ਰਿਐਕਸ਼ਨ ਦੇ ਕੇ ਚਲੀ ਜਾਂਦੀ ਹੈ
ਦੱਸ ਦੇਈਏ ਕਿ ਰੇਖਾ ਨੂੰ ਅਕਸਰ ਫਿਲਮਾਂ ਨਾਲ ਜੁੜੇ ਖਾਸ ਮੌਕਿਆਂ ਤੇ ਦੇਖਿਆ ਜਾ ਸਕਦਾ ਹੈ। ਡੱਬੂ ਰਤਨਾਨੀ ਕੈਲੰਡਰ ਲਾਂਚ ਬਾਲੀਵੁੱਡ ਦਾ ਬਹੁਤ ਵੱਡਾ ਮੌਕਾ ਰਹਿੰਦਾ ਹੈ, ਜਿਸ 'ਚ ਦਿੱਗਜ਼ ਸਿਤਾਰੇ ਨਜ਼ਰ ਆਉਂਦੇ ਹਨ। ਇਸ ਮੌਕੇ ਤੇ ਰੇਖਾ ਸ਼ਾਨਦਾਰ ਅੰਦਾਜ਼ 'ਚ ਨਜ਼ਰ ਆਈ ਅਤੇ ਉਨ੍ਹਾਂ ਦੀ ਬਲੈਕ ਡਰੈੱਸ ਕਾਫੀ ਚਰਚਾ 'ਚ ਵੀ ਰਹੀ।
64 ਸਾਲ ਰੇਖਾ ਨੇ 1966 'ਚ ਤੇਲੁਗੂ ਫਿਲਮ ਤੋਂ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ, ਅਮਿਤਾਭ ਬੱਚਨ ਨਾਲ ਰੇਖਾ ਦੀ ਆਨਸਕ੍ਰੀਨ ਜੋੜੀ ਸੁਪਰਹਿੱਟ ਰਹੀ ਸੀ। ਉੱਥੇ ਬਾਲੀਵੁੱਡ ਦੇ ਮਸ਼ਹੂਰ ਫੋਟੋਗ੍ਰਾਫਰ ਡੱਬੂ ਰਤਨਾਨੀ ਨੇ ਆਪਣਾ ਸਾਲ 2019 ਦਾ ਕੈਲੰਡਰ ਲਾਂਚ ਕਰ ਦਿੱਤਾ ਹੈ।
ਜਿੱਥੇ ਇਸ ਦੇ ਲਾਂਚ ਤੇ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਜਿੱਥੇ ਰੇਖਾ, ਟਾਈਗਰ ਸ਼ਰਾਫ, ਕਾਰਤਿਕ ਆਰਿਅਨ ਸਮੇਤ ਕਈ ਸਿਤਾਰੇ ਨਜ਼ਰ ਆਏ।
ਇਸ ਦੇ ਨਾਲ ਹੀ ਇਸ ਸਾਲ ਡੱਬੂ ਦੇ ਕੈਲੰਡਰ 'ਚ ਸ਼ਰਧਾ ਕਪੂਰ, ਅਮਿਤਾਭ ਬੱਚਨ, ਅਭਿਸ਼ੇਕ ਬੱਚਨ, ਕਿਆਰਾ ਅਡਵਾਣੀ, ਸਨੀ ਲਿਓਨੀ ਸਮੇਤ ਕਈ ਵੱਡੇ ਦਿੱਗਜ਼ ਸਿਤਾਰੇ ਨਜ਼ਰ ਆ ਰਹੇ ਹਨ।