ਜਲੰਧਰ (ਬਿਊਰੋ) — ਬਾਲੀਵੁੱਡ ਦੀ ਸਦਾਬਹਾਰ ਬਿਊਟੀ ਰੇਖਾ ਸੋਮਵਾਰ ਰਾਤ ਨੂੰ ਸਿੰਗਿੰਗ ਰਿਐਲਿਟੀ ਸ਼ੋਅ 'ਰਾਈਜ਼ਿੰਗ ਸਟਾਰ 3' ਦੇ ਮੰਚ 'ਤੇ ਮਹਿਮਾਨ ਬਣ ਕੇ ਆਈ। ਇਹ ਖਾਸ ਐਪੀਸੋਡ ਸਲਾਮ-ਏ-ਰੇਖਾ ਬੀ-ਟਾਊਨ ਨੂੰ ਡੈਡੀਕੇਟ ਕੀਤਾ ਗਿਆ ਸੀ।
ਇਸ ਦੌਰਾਨ ਦੀਆਂ ਤਸਵੀਰਾਂ ਤੇ ਵੀਡੀਓ ਸੋਸ਼ਲ ਸਾਈਟ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
ਦੱਸ ਦਈਏ ਕਿ ਮਸ਼ਹੂਰ ਐਕਟਰ ਤੇ ਗਾਇਕ ਦਿਲਜੀਤ ਦੋਸਾਂਝ ਨੇ 'ਰਾਈਜ਼ਿੰਗ ਸਟਾਰ 3' ਦੇ ਸੈੱਟ 'ਤੇ ਰੇਖਾ ਲਈ ਗੀਤ ਵੀ ਗਾਇਆ। ਦਿਲਜੀਤ ਦੋਸਾਂਝ ਨੇ ਰੇਖਾ ਲਈ ਆਪਣਾ ਮਸ਼ਹੂਰ ਗੀਤ 'ਪ੍ਰੋਪਰ ਪਟੋਲਾ...' ਗਾਇਆ ਸੀ।
ਦੱਸ ਦਈਏ ਕਿ 'ਰਾਈਜ਼ਿੰਗ ਸਟਾਰ 3' ਦੇ ਸੈੱਟ 'ਤੇ ਰੇਖਾ ਹਮੇਸ਼ਾ ਵਾਂਗ ਟ੍ਰਡੀਸ਼ਨਲ ਲੁੱਕ 'ਚ ਨਜ਼ਰ ਆਈ।
ਇਸ ਦੌਰਾਨ ਉਨ੍ਹਾਂ ਨੇ ਗੋਲਡਨ ਤੇ ਸੀ ਗ੍ਰੀਨ ਕਲਰ ਦੀ ਸਿਲਕ ਦੀ ਸਾੜ੍ਹੀ ਪਾਈ ਸੀ, ਜਿਸ 'ਚ ਉਹ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਗਲੇ 'ਚ ਕੁੰਦਨ ਨੈੱਕਲੇਸ ਤੇ ਟੀਕਾ ਉਨ੍ਹਾਂ ਦੀ ਲੁੱਕ ਨੂੰ ਹੋਰ ਵੀ ਖੂਬਸੂਰਤ ਬਣਾ ਰਿਹਾ ਸੀ। ਰੇਖਾ ਨੇ ਸ਼ੋਅ 'ਚ ਗੀਤ ਵੀ ਗਾਏ ਤੇ ਡਾਂਸ ਵੀ ਕੀਤਾ।
