ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਰਿਚਾ ਚੱਢਾ ਆਪਣੀ ਆਉਣ ਵਾਲੀ ਫਿਲਮ 'ਦਾਸ ਦੇਵ' ਵਿਚ ਪਾਰੋ ਦਾ ਕਿਰਦਾਰ ਨਿਭਾਉਣ ਲਈ ਅਸਲ ਸਿਆਸੀ ਰੈਲੀਆਂ ਅਤੇ ਬਹਿਸ ਦੇਖ ਕੇ ਮਹਿਲਾ ਨੇਤਾ ਦਾ ਵਿਵਹਾਰ ਸਮਝਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਰਿਚਾ ਨੇ ਇਕ ਬਿਆਨ ਦਿੰਦੇ ਹੋਏ ਕਿਹਾ ਕਿ 'ਦਾਸ ਦੇਵ' ਵਿਚ ਮੇਰਾ ਪਾਰੋ ਦਾ ਕਿਰਦਾਰ 'ਦੇਵਦਾਸ' ਦੇ ਪਿਛਲੇ ਐਡੀਸ਼ਨਾਂ ਤੋਂ ਵੱਖ ਹੈ। ਸਮਾਂ ਬਦਲਣ ਦੇ ਨਾਲ ਉਹ ਹੁਣ ਮਜ਼ਬੂਤ ਅਤੇ ਪ੍ਰਭਾਵਸ਼ਾਲੀ ਹੈ। ਮੈਂ ਇਕ ਨੇਤਾ ਦਾ ਕਿਰਦਾਰ ਨਿਭਾਅ ਰਹੀ ਹਾਂ, ਇਸ ਲਈ ਮੈਂ ਸਿਆਸੀ ਰੈਲੀਆਂ ਅਤੇ ਬਹਿਸਾਂ ਨੂੰ ਦੇਖ ਕੇ ਮਹਿਲਾ ਨੇਤਾ ਵਰਗੇ ਵਿਵਹਾਰ ਦੀਆਂ ਬਾਰੀਕੀਆਂ, ਉਨ੍ਹਾਂ ਦੇ ਭਾਸ਼ਣ ਅਤੇ ਹੋਰ ਚੀਜ਼ਾਂ ਨੂੰ ਸਮਝਣ ਦੀ ਕੋਸ਼ਿਸ਼ ਕਰ ਰਹੀ ਹਾਂ।
ਫਿਲਮ ਵਿਚ ਇਕ ਮਜ਼ਬੂਤ ਅਤੇ ਸਖਤ ਨੇਤਾ ਦਾ ਕਿਰਦਾਰ ਨਿਭਾਅ ਰਹੀ ਰਿਚਾ ਨੇ ਕਿਹਾ ਕਿ ਉਸ ਦਾ ਵਿਸ਼ਲੇਸ਼ਣ ਕਰ ਕੇ ਉਸ ਨੂੰ ਆਪਣਾ ਕਿਰਦਾਰ ਸਮਝਣ ਵਿਚ ਬਹੁਤ ਮਦਦ ਮਿਲੀ।