ਮੁੰਬਈ(ਬਿਊਰੋ)— ਬਾਲੀਵੁੱਡ ਵਿਚ ਆਪਣੀ ਸੰਜੀਦਾ ਅਦਾਕਾਰੀ ਲਈ ਮਸ਼ਹੂਰ ਰਿਚਾ ਚੱਢਾ ਨੂੰ ਫਿਲਮ 'ਸਰਬਜੀਤ' ਵਿਚ ਕੰਮ ਕਰਨ ਦਾ ਪਛਤਾਵਾ ਹੈ। ਰਿਚਾ ਨੇ ਫਿਲਮ 'ਸਰਬਜੀਤ' ਬਾਰੇ ਕਿਹਾ ਕਿ ਇਸ ਫਿਲਮ ਲਈ ਉਸ ਨੂੰ ਅਜਿਹਾ ਲਗਦਾ ਹੈ ਕਿ ਉਹ ਮਿਸਯੂਜ਼ ਹੋਈ ਹੈ। ਉਸਨੇ ਕਿਹਾ ਕਿ ਮੈਨੂੰ ਇਸ ਫਿਲਮ ਨੂੰ ਚੁਣਨ ਦਾ ਪਛਤਾਵਾ ਹੈ। ਫਿਲਮ 'ਗੋਲੀਓਂ ਕੀ ਰਾਸਲੀਲਾ-ਰਾਮਲੀਲਾ' ਵਿਚ ਕੰਮ ਕਰਨਾ ਚੰਗਾ ਤਜਰਬਾ ਰਿਹਾ। ਫਿਲਮ ਵਿਚ ਮੇਰਾ ਕਿਰਦਾਰ ਅਹਿਮ ਸੀ। ਫਿਲਮ 'ਗੈਂਗਸ ਆਫ ਵਾਸੇਪੁਰ' ਵਿਚ 24 ਸਾਲ ਦੀ ਉਮਰ ਵਿਚ ਮਾਂ ਦਾ ਕਿਰਦਾਰ ਨਿਭਾਉਣਾ ਰਿਸਕੀ ਸੀ। ਰਿਚਾ ਫਿਲਮ 'ਮਸਾਨ' ਨੂੰ ਆਪਣੇ ਦਿਲ ਦੇ ਸਭ ਤੋਂ ਨੇੜੇ ਮੰਨਦੀ ਹੈ, ਰਿਚਾ ਨੇ ਕਿਹਾ ਕਿ ਮੈਂ ਖੁਦ ਨੂੰ ਕਿਸਮਤ ਵਾਲੀ ਮੰਨਦੀ ਹਾਂ ਕਿ ਮੈਨੂੰ ਇਸ ਫਿਲਮ ਵਿਚ ਕੰਮ ਕਰਨ ਦਾ ਮੌਕਾ ਮਿਲਿਆ।