ਮੁੰਬਈ(ਬਿਊਰੋ)— ਫਿਲਮਕਾਰ ਨੀਰਜ ਘੇਵਨ ਦੀ 'ਜੂਸ' ਲਈ ਸ਼ਲਾਘਾ ਖੱਟ ਚੁੱਕੀ ਅਦਾਕਾਰਾ ਰਿਚਾ ਚੱਢਾ ਨੇ ਕਿਹਾ ਕਿ ਉਹ ਲਘੂ ਫਿਲਮ ਦੀ ਮੁੱਖ ਅਦਾਕਾਰਾ ਸ਼ੇਫਾਲੀ ਸ਼ਾਹ ਨੂੰ ਪਰਦੇ 'ਤੇ ਹੋਰ ਜ਼ਿਆਦਾ ਦੇਖਣਾ ਚਾਹੁੰਦੀ ਹੈ। ਫਿਲਮਫੇਅਰ ਸ਼ਾਟ ਫਿਲਮਸ ਐਵਾਰਡਜ਼ 2018 ਵਿਚ 'ਜੂਸ' ਨੂੰ ਸਰਵਸ੍ਰੇਸ਼ਠ ਫਿਲਮ ਚੁਣਿਆ ਗਿਆ ਹੈ ਅਤੇ ਸ਼ੇਫਾਲੀ ਨੇ ਇਸ ਵਿਚ ਸਰਵਸ੍ਰੇਸ਼ਠ ਅਦਾਕਾਰਾ ਦਾ ਖਿਤਾਬ ਜਿੱਤਿਆ ਹੈ।
ਰਿਚਾ ਨੇ ਟਵੀਟ ਕੀਤਾ ਕਿ ਨੀਰਜ, ਫਿਲਮ ਅਦਭੁੱਤ ਸੀ। ਇੰਨੀ ਅਸਲੀਅਤ ਜਿਵੇਂ ਕਿ ਅਸੀਂ ਆਪਣੇ ਹੀ ਲਿਵਿੰਗ ਰੂਮ ਤੋਂ ਦੇਖ ਰਹੇ ਹੋਈਏ। ਮੈਂ ਫਿਲਮਾਂ ਵਿਚ ਹਰ ਸੰਭਵ ਮਾਧਿਅਮ ਵਿਚ ਸ਼ੇਫਾਲੀ ਨੂੰ ਹੋਰ ਜ਼ਿਆਦਾ ਦੇਖਣਾ ਚਾਹੁੰਦੀ ਹਾਂ।
ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਨੀਰਜ ਘੇਵਨ ਨੇ ਕੋਈ ਪੁਰਸਕਾਰ ਜਿੱਤਿਆ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਫਿਲਮ 'ਮਸਾਨ' ਲਈ 63ਵੇਂ ਭਾਰਤੀ ਰਾਸ਼ਟਰੀ ਫਿਲਮ ਪੁਰਸਕਾਰਾਂ ਵਿਚ ਨਿਰਦੇਸ਼ਕ ਦੀ ਸਰਵਸ੍ਰੇਸ਼ਠ ਡੈਬਿਊ ਫਿਲਮ ਲਈ ਇੰਦਰਾ ਗਾਂਧੀ ਪੁਰਸਕਾਰ ਪ੍ਰਾਪਤ ਕੀਤਾ ਸੀ।