ਮੁੰਬਈ(ਬਿਊਰੋ)- ਰਿਸ਼ੀ ਕਪੂਰ ਨੇ ਆਪਣੀ ਅਦਾਕਾਰੀ ਨਾਲ ਬਾਲੀਵੁੱਡ ਵਿਚ ਕਾਫੀ ਨਾਂਅ ਚਮਕਾਇਆ ਹੈ ਪਰ ਇਨ੍ਹੀਂ ਦਿਨੀਂ ਉਹ ਸੋਸ਼ਲ ਮੀਡੀਆ ’ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਸੋਸ਼ਲ ਮੀਡੀਆ ’ਤੇ ਉਹ ਕਈ ਸਮਾਜਿਕ ਮੁੱਦਿਆਂ ’ਤੇ ਆਪਣੀ ਰਾਏ ਵੀ ਰੱਖਦੇ ਹਨ । ਹਾਲ ਹੀ ਵਿਚ ਰਿਸ਼ੀ ਕਪੂਰ ਦੇ ਇਕ ਟਵੀਟ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ । ਇਸ ਟਵੀਟ ਰਾਹੀਂ ਰਿਸ਼ੀ ਕਪੂਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਆਪਣਾ ਨਾਂਅ ਬਣਾਉਣ ਲਈ ਕਾਫੀ ਮਿਹਨਤ ਕਰਨੀ ਪਈ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲੋਕਾਂ ਨੂੰ ਬੇਨਤੀ ਕੀਤੀ ਹੈ ਕਿ ਕਦੇ ਵੀ ਕਿਸੇ ਨੂੰ ਆਪਣੇ ਬੱਚੇ ਦੇ ਨਿੱਕ ਨੇਮ ਨਹੀਂ ਰੱਖਣੇ ਚਾਹੀਦੇ । ਰਿਸ਼ੀ ਕਪੂਰ ਦਾ ਇਹ ਟਵੀਟ ਖੂਬ ਵਾਇਰਲ ਹੋ ਰਿਹਾ ਹੈ । ਉਨ੍ਹਾਂ ਨੇ ਇਸ ਟਵੀਟ ਤੇ ਲਿਖਿਆ,‘‘ਬਿਲਕੁਮ ਮੇਰੇ ਨਾਂਅ ਵਰਗਾ, ਰਿਸ਼ੀ ਕਪੂਰ ਬਣਨ ਲਈ ਕਾਫੀ ਮਿਹਨਤ ਕਰਨੀ ਪਈ, ਮਾਤਾ ਪਿਤਾ ਨੂੰ ਕਦੇ ਵੀ ਆਪਣੇ ਬੱਚੇ ਦਾ ਛੋਟਾ ਨਾਂਅ ਨਹੀਂ ਰੱਖਣਾ ਚਾਹੀਦਾ’’।
ਦੱਸ ਦੇਈਏ ਕਿ ਰਿਸ਼ੀ ਕਪੂਰ ਦਾ ਨਿੱਕ ਨੇਮ ਚਿੰਟੂ ਹੈ । ਆਪਣੇ ਟਵਿੱਟਰ ਤੇ ਰਿਸ਼ੀ ਕਪੂਰ ਨੇ ਜੋ ਤਸਵੀਰ ਸ਼ੇਅਰ ਕੀਤੀ ਹੈ, ਉਸ ਵਿਚ ਰਿਸ਼ੀ ਨੇ ਜੋ ਕੈਪ ਪਹਿਨੀ ਹੈ, ਉਸ ਤੇ ਵੀ ਚਿੰਟੂ ਲਿਖਿਆ ਹੈ । ਰਿਸ਼ੀ ਕਪੂਰ ਦੀ ਇਹ ਤਸਵੀਰ ਖੂਬ ਸੁਰਖੀਆਂ ਵਟੋਰ ਰਹੀ ਹੈ।