ਮੁੰਬਈ (ਬਿਊਰੋ)— ਫਿਲਮ ਤੇ ਟੀ. ਵੀ. ਅਦਾਕਾਰਾ ਰੀਟਾ ਭਾਦੁੜੀ ਦੀ ਪ੍ਰਾਥਨਾ ਸਭਾ ਦਾ ਆਯੋਜਨ ਐਤਵਾਰ ਨੂੰ ਵਿਲੇ ਪਾਰਲੇ ਸਥਿਤ ਮੈਡੀਕਲ ਕਲੱਬ 'ਚ ਕੀਤਾ ਗਿਆ। ਰੀਟਾ ਦਾ 17 ਜੁਲਾਈ ਨੂੰ 62 ਸਾਲ ਦੀ ਉਮਰ 'ਚ ਦਿਹਾਂਤ ਹੋ ਗਿਆ ਸੀ। ਦਰਸਅਲ, ਉਹ ਪਿਛਲੇ ਕਾਫੀ ਸਮੇਂ ਤੋਂ ਕਿਡਨੀ ਦੀ ਬੀਮਾਰੀ ਨਾਲ ਜੂਝ ਰਹੀ ਸੀ।
ਉਨ੍ਹਾਂ ਦੀ ਪ੍ਰਾਥਨਾ ਸਭਾ 'ਚ ਬਾਲੀਵੁੱਡ ਦਾ ਕੋਈ ਵੀ ਵੱਡਾ ਸਟਾਰ ਨਹੀਂ ਪਹੁੰਚਿਆ। ਰੀਟਾ ਆਪਣੇ ਫਿਲਮੀ ਕਰੀਅਰ ਦੌਰਾਨ ਅਮਿਤਾਭ ਬੱਚਨ, ਮਾਧੁਰੀ ਦੀਕਸ਼ਿਤ, ਗੋਵਿੰਦਾ, ਕਰਿਸ਼ਮਾ ਕਪੂਰ, ਅਨਿਲ ਕਪੂਰ ਅਤੇ ਤੱਬੂ ਵਰਗੇ ਸਟਾਰਜ਼ ਨਾਲ ਕੰਮ ਕੀਤਾ ਪਰ ਇਨ੍ਹਾਂ 'ਚੋਂ ਕੋਈ ਵੀ ਸਟਾਰ ਉਸ ਦੀ ਪ੍ਰਾਥਨਾ ਸਭਾ 'ਚ ਨਹੀਂ ਪਹੁੰਚਿਆ।
ਹਾਂ ਪਰ ਟੀ. ਵੀ. ਇੰਡਸਟਰੀ ਦੇ ਕਈ ਸੈਲੇਬਸ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇਣ ਪਹੁੰਚੇ। ਉਨ੍ਹਾਂ ਦੀ ਪ੍ਰਾਥਨਾ ਸਭ 'ਚ ਜੂਹੀ ਪਰਮਾਰ, ਆਸ਼ੀਸ਼ ਵਿਦਿਆਰਥੀ, ਸਚਿਨ, ਜਯਾ ਭੱਟਾਚਾਰਿਆ, ਆਦੀ ਈਰਾਨੀ, ਸ਼ੈਲੇਂਦਰ, ਸਲੀਮ ਘੋਸ਼, ਕੰਵਲਜੀਤ, ਰਮਾ ਵਿੱਜ, ਸੁਲਭਾ ਆਰਿਆ ਸਮੇਤ ਕਈ ਟੀ. ਵੀ. ਸੈਲੇਬਸ ਪਹੁੰਚੇ।
ਦੱਸਣਯੋਗ ਹੈ ਕਿ ਰੀਟਾ ਨੇ 13 ਸਾਲ ਦੀ ਉਮਰ 'ਚ ਫਿਲਮ ਇੰਡਸਟਰੀ 'ਚ ਕਦਮ ਰੱਖਿਆ ਸੀ। ਉਸ ਦੀ ਪਹਿਲੀ ਡੈਬਿਊ ਫਿਲਮ 1968 'ਚ ਆਈ 'ਤੇਰੀ ਤਲਾਸ਼ ਮੇਂ' ਸੀ। ਆਪਣੇ 44 ਸਾਲ ਦੇ ਫਿਲਮੀ ਕਰੀਅਰ 'ਚ ਉਨ੍ਹਾਂ ਕਰੀਬ 70 ਫਿਲਮਾਂ 'ਚ ਕੰਮ ਕੀਤਾ ਪਰ ਕਿਸੇ ਵੀ ਫਿਲਮ 'ਚ ਲੀਡ ਅਭਿਨੇਤਰੀ ਦਾ ਕਿਰਦਾਰ ਨਹੀਂ ਮਿਲਿਆ। 'ਤੇਰੀ ਤਲਾਸ਼ ਮੇਂ' ਤੋਂ ਬਾਅਦ ਉਹ 'ਜੂਲੀ', 'ਅਨੁਰੋਧ', 'ਸਾਵਨ ਕੋ ਆਨੇ ਦੋ', 'ਗੋਪਾਲ ਕ੍ਰਿਸ਼ਣ', 'ਆਈ ਮਿਲਣ ਕੀ ਰਾਤ', 'ਹੀਰੋ ਨੰਬਰ 1', 'ਘਰ ਹੋ ਤੋਂ ਐਸਾ' ਵਰਗੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੀ ਸੀ।
Ashish Vidyarthi
Sulbha Arya
Kanwaljit Singh and Salim Ghouse
Adi Irani and Shailender Singh