ਮੁੰਬਈ— ਬਾਲੀਵੁੱਡ ਅਦਾਕਾਰਾ ਰੀਆ ਸੇਨ ਨੇ ਆਪਣੇ ਪ੍ਰੇਮੀ ਸ਼ਿਵਮ ਤਿਵਾੜੀ ਨਾਲ ਇਕ ਨਿੱਜੀ ਸਮਾਗਮ 'ਚ ਵਿਆਹ ਕਰ ਲਿਆ ਹੈ। ਪਹਿਲੇ ਖਬਰਾਂ ਆ ਰਹੀਆਂ ਸਨ ਕਿ ਉਹ ਇਸ ਮਹੀਨੇ ਦੇ ਆਖੀਰ 'ਚ ਵਿਆਹ ਕਰ ਸਕਦੀ ਹੈ ਪਰ ਉਨ੍ਹਾਂ ਨੇ ਬਿਨਾਂ ਕਿਸੇ ਨੂੰ ਸੂਚਨਾ ਦਿੱਤੇ ਅਚਾਨਕ ਵਿਆਹ ਕਰ ਲਿਆ ਹੈ।
ਰੀਆ ਨਾਲ ਜੁੜੇ ਕੁਝ ਸੂਤਰਾਂ ਨੇ ਦੱਸਿਆ ਕਿ ਰੀਆ ਨੇ ਪੁਣੇ 'ਚ ਵਿਆਹ ਕਰ ਲਿਆ ਹੈ। ਇਸ ਵਿਆਹ 'ਚ ਦੋਹਾਂ ਦਾ ਪਰਿਵਾਰ ਅਤੇ ਕੁਝ ਕਰੀਬ ਦੋਸਤ ਸ਼ਾਮਲ ਹੋਏ ਸਨ। ਫਿਲਮੀ ਗਲੀਆਂ 'ਚ ਇਹ ਚਰਚਾ ਵੀ ਜ਼ੋਰਾਂ 'ਤੇ ਹੈ ਕਿ ਰੀਆ ਗਰਭਵਤੀ ਹੈ ਅਤੇ ਇਸੇ ਕਾਰਨ ਇੰਨੀ ਛੇਤੀ 'ਚ ਵਿਆਹ ਹੋਇਆ ਹੈ।
ਪਿਛਲੇ ਕੁਝ ਦਿਨਾਂ ਤੋਂ ਰੀਆ ਸ਼ਿਵਮ ਨੂੰ ਡੇਟ ਕਰ ਰਹੀ ਸੀ। ਰੀਆ ਦੇ ਵਿਆਹ ਦੀਆਂ ਤਸਵੀਰਾਂ ਤਾਂ ਫਿਲਹਾਲ ਸਾਹਮਣੇ ਨਹੀਂ ਆਈਆਂ ਹਨ ਪਰ ਉਨ੍ਹਾਂ ਦੀ ਭੈਣ ਨੇ ਸਮਾਗਮ ਤੋਂ ਕੁਝ ਤਸਵੀਰਾਂ ਪੋਸਟ ਕੀਤੀਆਂ ਹਨ।
ਜ਼ਿਕਰਯੋਗ ਹੈ ਕਿ 2005 'ਚ ਰੀਆ ਦਾ ਇਕ ਐੱਮ. ਐੱਮ. ਐੱਸ. ਸਾਹਮਣੇ ਆਇਆ ਸੀ, ਜਿਸ 'ਚ ਉਹ ਐਕਟਰ ਅਸ਼ਮਿਤ ਪਟੇਲ ਨਾਲ ਨਜ਼ਰ ਆ ਰਹੀ ਸੀ। ਇਸ ਤੋਂ ਪਹਿਲਾਂ ਰੀਆ ਨੇ ਫਿਲਮ 'ਸਟਾਈਲ' (2001) ਨਾਲ ਡੈਬਿਊ ਕੀਤਾ ਸੀ। ਇਸ ਫਿਲਮ 'ਚ ਉਨ੍ਹਾਂ ਦੇ ਆਪੋਜ਼ਿਟ ਸ਼ਰਮਨ ਜੋਸ਼ੀ ਅਤੇ ਸਾਹਿਲ ਖਾਨ ਸਨ। ਬਾਅਦ 'ਚ ਉਹ 'ਦਿਲ ਵਿਲ ਪਿਆਰ ਵਿਆਰ' (2002), 'ਝਨਕਾਰ ਬੀਟਸ' (2003), 'ਕਿਆਮਤ' (2003), 'ਸ਼ਾਦੀ ਨੰਬਰ-1' (2005) ਵਰਗੀਆਂ ਕਈ ਫਿਲਮਾਂ 'ਚ ਨਜ਼ਰ ਆਈ। ਰੀਆ ਸਿੰਗਰ ਫਾਲਗੁਨੀ ਪਾਠਕ ਦੇ ਵੀਡੀਓ ਐਲਬਮ 'ਚੂੜੀ ਜੋ ਖਨਕੇ...' 'ਚ ਅਤੇ ਜਗਜੀਤ ਸਿੰਘ ਨਾਲ ਗੀਤ 'ਜਬ ਸਾਹਮਣੇ ਤੁੰਮ ਆ ਜਾਤੇ ਹੋ' 'ਚ ਵੀ ਕੰਮ ਕਰ ਚੁੱਕੀ ਹੈ।