ਮੁੰਬਈ— ਬਾਲੀਵੁੱਡ ਅਭਿਨੇਤਰੀ ਰੀਆ ਸੇਨ ਨੇ 16 ਅਗਸਤ 2017 ਨੂੰ ਆਪਣੇ ਬੁਆਏਫਰੈਂਡ ਸ਼ਿਵਮ ਨਾਲ ਇਕ ਨਿੱਜੀ ਸੈਰਾਮਨੀ ਦੌਰਾਨ ਚੋਰੀ-ਛਿਪੇ ਵਿਆਹ ਕਰਵਾ ਲਿਆ ਸੀ। ਇਸ ਵਿਚਾਲੇ ਖਬਰਾਂ ਆਈਆਂ ਕਿ ਰੀਆ ਵਿਆਹ ਤੋਂ ਪਹਿਲਾਂ ਗਰਭਵਤੀ ਹੋ ਗਈ ਸੀ, ਇਸ ਲਈ ਉਸ ਨੇ ਜਲਦਬਾਜ਼ੀ 'ਚ ਵਿਆਹ ਦਾ ਫੈਸਲਾ ਲਿਆ।
ਪਹਿਲੀ ਵਾਰ ਵਿਆਹ ਤੋਂ ਬਾਅਦ ਰੀਆ ਨੇ ਇਕ ਇੰਟਰਵਿਊ ਦਿੱਤਾ ਹੈ, ਜਿਸ 'ਚ ਉਸ ਨੇ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ।
ਰੀਆ ਕਹਿੰਦੀ ਹੈ, 'ਮੈਨੂੰ ਪਤਾ ਸੀ ਕਿ ਜਲਦਬਾਜ਼ੀ 'ਚ ਵਿਆਹ ਕਰਨ ਨਾਲ ਮੇਰੇ ਗਰਭਵਤੀ ਹੋਣ ਬਾਰੇ ਕਿਆਸ ਲਗਾਈ ਜਾਵੇਗੀ ਪਰ ਮੈਂ ਇਸ 'ਤੇ ਕੋਈ ਟਿੱਪਣੀ ਨਹੀਂ ਕਰਨਾ ਚਾਹੁੰਦੀ। ਮੇਰੇ ਹਿਸਾਬ ਨਾਲ ਰਿਲੇਸ਼ਨਸ਼ਿਪ ਤੋਂ ਬਾਅਦ ਵਿਆਹ ਵਿਸ਼ਵਾਸ ਨੂੰ ਇਕ ਲੰਬਾ ਗੈਪ ਦੇਣਾ ਹੁੰਦਾ ਹੈ।
ਵਿਆਹ ਕਿਸੇ ਚੀਜ਼ ਦੀ ਗਾਰੰਟੀ ਨਹੀਂ ਹੈ। ਇਸ ਨਾਲ ਸਭ ਸਹੀ ਹੋ ਜਾਵੇਗਾ, ਇਹ ਜ਼ਰੂਰੀ ਨਹੀਂ ਹੈ। ਵਿਆਹ ਦੇ ਮਾਇਨੇ ਸੱਚਾ ਪਿਆਰ, ਇੱਜ਼ਤ, ਈਮਾਨਦਾਰੀ, ਸਮਝਦਾਰੀ ਤੇ ਦੋ ਲੋਕਾਂ ਵਿਚਾਲੇ ਦੀ ਸੱਚਾਈ ਹੈ। ਜਿਸ ਨੂੰ ਤੁਸੀਂ ਖੁਦ ਬਣਾਉਂਦੇ ਹੋ। ਆਪਣੇ ਲਈ ਤਾਂ ਕਿ ਕੋਈ ਰਿਸ਼ਤਾ ਲੰਮਾ ਚੱਲ ਸਕੇ।'
ਰੀਆ ਦੱਸਦੀ ਹੈ, 'ਇਕ ਦਿਨ ਦੀ ਗੱਲ ਹੈ। ਜਦੋਂ ਸ਼ਿਵਮ ਸਵੇਰੇ ਉਠੇ ਤੇ ਕਹਿਣ ਲੱਗੇ, ਚਲੋ ਅਸੀਂ ਵਿਆਹ ਕਰ ਲੈਂਦੇ ਹਾਂ। ਵਿਆਹ ਕਰਨ ਦਾ ਫੈਸਲਾ ਸ਼ਿਵਮ ਦਾ ਸੀ, ਇਹ ਕਾਫੀ ਜਲਦੀ 'ਚ ਲਿਆ ਗਿਆ। ਮੈਂ ਇਸ ਨੂੰ ਬਿਆਨ ਨਹੀਂ ਕਰ ਸਕਦੀ।'