ਮੁੰਬਈ(ਬਿਊਰੋ)— ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਦਾ ਫੇਮਸ ਅਤੇ ਸਭ ਤੋਂ ਵਿਵਾਦਿਤ ਸ਼ੋਅ 'ਬਿੱਗ ਬੌਸ 12' ਨੂੰ ਕੈਮਰਨ ਨੇ 16 ਸਤੰਬਰ ਨੂੰ ਆਨ ਏਅਰ ਕਰਨ ਦੀ ਪੂਰੀ ਤਿਆਰੀ ਕਰ ਲਈ ਹੈ। ਹੁਣ ਤਾਂ ਮੇਕਰਸ ਇਕ-ਇਕ ਕਰਕੇ ਸ਼ੋਅ 'ਚ ਐਂਟਰੀ ਲੈਣ ਵਾਲੇ ਕੰਟੈਸਟੈਂਟਸ ਬਾਰੇ ਵੀ ਦੱਸਣਾ ਸ਼ੁਰੂ ਕਰ ਚੁੱਕੇ ਹਨ।
ਪਿਛਲੀ ਵਾਰ ਸ਼ੋਅ 'ਚ ਨੋਇਡਾ ਦੇ ਮਨਵੀਰ ਗੁੱਜਰ ਨੇ ਐਂਟਰੀ ਕੀਤੀ ਸੀ ਤੇ ਸ਼ੋਅ ਦਾ ਜੇਤੂ ਵੀ ਰਿਹਾ ਸੀ। ਹੁਣ ਇਸ ਵਾਰ ਫਿਰ ਨੋਇਡਾ ਤੋਂ ਹੀ ਗੁੱਜਰ ਫੈਮਿਲੀ ਦਾ ਮੁੰਡਾ ਰੌਬਿਨ ਗੁੱਜਰ ਸ਼ੋਅ ਦਾ ਹਿੱਸਾ ਬਣਨ ਜਾ ਰਿਹਾ ਹੈ। ਖਬਰਾਂ ਹਨ ਕਿ ਰੌਬਿਨ ਨੇ 'ਬਿੱਗ ਬੌਸ' ਦਾ ਗਰੁੱਪ ਰਾਊਂਡ ਵੀ ਪਾਰ ਕਰ ਲਿਆ ਹੈ। ਉਸ ਦਾ ਸਿਰਫ ਪਰਸਨਲ ਇੰਟਰਵਿਊ ਹੋਣਾ ਰਹਿ ਗਿਆ ਹੈ। ਜੇਕਰ ਰੌਬਿਨ ਇਸ ਨੂੰ ਕਲੀਅਰ ਕਰ ਲੈਂਦਾ ਹੈ ਤਾਂ ਉਸ ਦੀ ਸ਼ੋਅ 'ਚ ਐਂਟਰੀ ਪੱਕੀ ਹੋ ਜਾਵੇਗੀ।
ਰੌਬਿਨ ਦੇ ਘਰਦਿਆਂ ਨੂੰ ਤਾਂ ਹੁਣ ਤੋਂ ਹੀ ਯਕੀਨ ਹੋ ਗਿਆ ਹੈ ਕਿ ਰੋਬਨਿ 'ਬਿੱਗ ਬੌਸ' ਸ਼ੋਅ 'ਚ ਜ਼ਰੂਰ ਪਹੁੰਚੇਗਾ। ਇਸ ਲਈ ਸਾਰੇ ਕਾਫੀ ਜਸ਼ਨ ਮਨਾ ਰਹੇ ਹਨ। ਰੌਬਿਨ ਨੇ ਖੁਦ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਕੁਝ ਤਸਵੀਰਾਂ ਪੋਸਟ ਕੀਤੀਆਂ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਇਹੀ ਲੱਗ ਰਿਹਾ ਹੈ। ਉਂਝ ਇਸ ਵਾਰ ਦੇ ਸ਼ੋਅ 'ਚ ਮੇਕਰਸ ਨੇ ਜੋੜੀਆਂ ਦੀ ਐਂਟਰੀ ਰੱਖੀ ਹੈ।
ਇਸ ਸ਼ੋਅ ਨਾਲ ਜੁੜੀ ਦੂਜੀ ਖਬਰ ਇਹ ਹੈ ਕਿ ਮੇਕਰ ਨੇ ਸਲਮਾਨ ਖਾਨ ਨੂੰ ਸ਼ੋਅ ਲਈ ਕੁਝ ਵਜ਼ਨ ਘੱਟ ਕਰਨ ਲਈ ਕਿਹਾ ਹੈ ਕਿਉਂਕਿ ਸ਼ੋਅ ਦੇ ਕੈਮਰੇ ਅਜਿਹੇ ਹਨ ਕਿ ਸਲਮਾਨ ਦਾ ਵਜ਼ਨ ਵੱਧ ਨਜ਼ਰ ਆਉਂਦਾ ਹੈ ਤੇ ਆਪਣੀਆਂ ਕੁਝ ਫਿਲਮਾਂ ਕਰਕੇ ਵੀ ਸਲਮਾਨ ਦਾ ਵਜ਼ਨ ਵਧ ਗਿਆ ਹੈ, ਜਿਸ ਨੂੰ ਕੰਟਰੋਲ ਕਰਨਾ ਉਨ੍ਹਾਂ ਲਈ ਵੀ ਜ਼ਰੂਰੀ ਹੈ। ਅੱਜਕਲ ਸਲਮਾਨ ਆਪਣੀ ਅਗਲੀ ਫਿਲਮ ਦੀ ਸ਼ੂਟਿੰਗ ਮਾਲਟਾ 'ਚ ਕਰਨ ਜਾ ਰਹੇ ਹਨ, ਜਿੱਥੇ ਉਸ ਨਾਲ ਉਨ੍ਹਾਂ ਦਾ ਪਰਸਨਲ ਜਿੰਮ ਟਰੇਨਰ ਵੀ ਗਿਆ ਹੈ।