ਮੁੰਬਈ(ਬਿਊਰੋ)— ਕਲਰਸ ਟੀ. ਵੀ. ਦੇ ਸ਼ੋਅ 'ਸ਼ਕਤੀ ਅਸਤਿਤਵ ਕੇ ਅਹਿਸਾਸ ਕੀ' 'ਚ 'ਕਿੰਨਰ ਨੂੰਹ ਸੌਮਿਆ' ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਰੂਬੀਨਾ ਦਿਲੇਕ 21 ਜੂਨ ਨੂੰ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕੀ ਹੈ। ਰੂਬੀਨਾ ਨੇ ਆਪਣੇ ਪ੍ਰੇਮੀ ਅਭਿਨਵ ਸ਼ੁਕਲਾ ਨਾਲ ਵਿਆਹ ਕਰਵਾਇਆ ਹੈ।
ਅਭਿਨਵ ਤੇ ਰੂਬੀਨਾ ਦਾ ਇਹ ਵਿਆਹ ਉਂਝ ਤਾਂ ਗੁਪਤ ਹੀ ਹੈ ਪਰ ਵਿਆਹ ਦੀਆਂ ਤਸਵੀਰਾਂ ਲਗਾਤਾਰ ਸੋਸ਼ਲ ਮੀਡੀਆ 'ਤੇ ਆ ਰਹੀਆਂ ਹਨ। ਇੰਸਟਾਗ੍ਰਾਮ 'ਤੇ ਆਈਆਂ ਤਸਵੀਕਰਾਂ ਤੇ ਵੀਡੀਓਜ਼ ਨੂੰ ਦੇਖ ਕੇ ਕਿਹਾ ਜਾ ਸਕਦਾ ਹੈ ਕਿ ਅਭਿਨਵ ਤੇ ਰੂਬੀਨਾ ਦੋਵਾਂ ਨੇ ਵਿਆਹ 'ਚ ਖੂਬ ਮਸਤੀ ਕੀਤੀ ਹੈ।
ਰੂਬੀਨਾ ਤੇ ਅਭਿਨਵ ਮਾਡਰਨ ਲਾੜਾ-ਲਾੜੀ ਦੇ ਲੁੱਕ 'ਚ ਨਜ਼ਰ ਆਏ। ਰੂਬੀਨਾ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਉਹ ਵਿਆਹ ਦੇ ਮੰਡਪ 'ਚ ਐਂਟਰੀ ਕਰ ਰਹੀ ਹੈ।
ਇਸ ਦੌਰਾਨ ਅਭਿਨਵ ਨੇ 'ਕਾਲਾ ਚਸ਼ਮਾ' ਗੀਤ 'ਤੇ ਧਮਾਕੇਦਾਰ ਡਾਂਸ ਕੀਤਾ। ਇਨ੍ਹੀਂ ਦਿਨੀਂ ਰੂਬੀਨਾ 'ਸ਼ਕਤੀ' ਸੀਰੀਅਲ 'ਚ ਨਜ਼ਰ ਆ ਰਹੀ ਹੈ, ਜੋ ਟੀ. ਆਰ. ਪੀ. ਦੀ ਲਿਸਟ 'ਚ ਧੂਮ ਮਚਾ ਰਿਹਾ ਹੈ ਜਦਕਿ ਅਭਿਨਵ ਵੀ ਇਨ੍ਹੀਂ ਦਿਨੀਂ ਨਵੇਂ ਸੀਰੀਅਲ 'ਸਿਲਸਿਲਾ ਬਦਲਤੇ ਰਿਸ਼ਤੋਂ ਕਾ' 'ਚ ਨਜ਼ਰ ਆ ਰਹੇ ਹਨ।
ਦੋਵੇਂ ਹੀ ਆਪਣੇ-ਆਪਣੇ ਕੰਮਾਂ 'ਚ ਕਾਫੀ ਰੁੱਝੇ ਹੋਏ ਹਨ ਪਰ ਇਸ ਤੋਂ ਬਾਅਦ ਵੀ ਦੋਵੇਂ ਆਪਣੇ ਵਿਆਹ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ।
