ਜਲੰਧਰ(ਬਿਊਰੋ)— ਸੁਰਾਂ ਦੀ ਮੱਲਿਕਾ ਰੁਪਿੰਦਰ ਹਾਂਡਾ ਹਮੇਸ਼ਾ ਹੀ ਆਪਣੇ ਬੋਲਾਂ ਨਾਲ ਦਰਸ਼ਕਾਂ ਦੇ ਦਿਲ ਲੁੱਟਦੀ ਹੈ। ਸੋਰਤਿਆਂ ਦੀ ਝੋਲੀ 'ਚ ਆਨੇਕਾਂ ਹੀ ਸੱਭਿਆਚਾਰਕ ਗੀਤ ਪਾਉਣ ਵਾਲੀ ਗਾਇਕਾ ਰੁਪਿੰਦਰ ਹਾਂਡਾ ਇਨ੍ਹੀਂ ਦਿਨੀਂ ਕਾਫੀ ਸੁਰਖੀਆਂ 'ਚ ਛਾਈ ਹੋਈ ਹੈ। ਸੁਰਖੀਆਂ ਦੀ ਵਜ੍ਹਾ ਹਰਿਆਣਾ ਜੀ. ਕੇ. ਪ੍ਰਸ਼ਨ ਪੱਤਰ 'ਚ ਉਨ੍ਹਾਂ ਨੂੰ ਲੈ ਕੇ ਇਕ ਸਵਾਲ ਪੁੱਛਿਆ ਗਿਆ। ਦਰਅਸਲ ਜੀ. ਕੇ. ਦੇ ਪ੍ਰਸ਼ਨ ਪੱਤਰ 'ਚ ਪੁੱਛਿਆ ਗਿਆ ਸੀ ਕਿ, ਪੰਜਾਬੀ ਗਾਇਕਾ ਰੁਪਿੰਦਰ ਹਾਂਡਾ ਕਿੱਥੇ ਦੀ ਰਹਿਣ ਵਾਲੀ ਹੈ? ਰੁਪਿੰਦਰ ਹਾਂਡਾ ਲਈ ਇਹ ਗੱਲ ਕਾਫੀ ਮਾਣ ਵਾਲੀ ਹੈ ਕਿ ਜੇ. ਕੇ. ਦੇ ਪੇਪਰ 'ਚ ਉਸ ਨੂੰ ਲੈ ਕੇ ਸਵਾਲ ਪੁੱਛਿਆ ਗਿਆ।
ਦੱਸ ਦੇਈਏ ਕਿ ਇਹ ਪ੍ਰਸ਼ਨ ਪੱਤਰ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਦੱਸ ਦੇਈਏ ਕਿ ਰੁਪਿੰਦਰ ਹਾਂਡਾ ਹੁਣ ਤੱਕ 'ਨਾ ਰੁਸਦੀ', 'ਸਟੈਂਡ', 'ਪਰਵਾਹ ਨੀ ਕਰਦੀ', 'ਦੁੱਖ', 'ਤੇਰੀ ਮੇਰੀ', 'ਟੋਰ', 'ਕਿਸੇ ਬਹਾਨੇ', 'ਸਾਹਾਂ ਵਿਚ' ਸਮੇਤ ਆਨੇਕਾਂ ਗੀਤ ਗਾ ਚੁੱਕੀ ਹੈ। ਹਾਲ ਹੀ 'ਚ ਰੁਪਿੰਦਰ ਹਾਂਡਾ ਦਾ 'ਬੇਰੁਖੀਆਂ' ਗੀਤ ਰਿਲੀਜ਼ ਹੋਇਆ ਸੀ ਅਤੇ ਨਾਲ ਹੀ ਉਨ੍ਹਾਂ ਨੇ ਨਵੇਂ ਗੀਤ ਦਾ ਐਲਾਨ ਵੀ ਕਰ ਦਿੱਤਾ ਹੈ, ਜਿਸ ਦਾ ਨਾਂ 'ਕੁਈਨ ਆਫ ਸਰਦਾਰ' ਹੈ। ਇਹ ਗੀਤ ਜਲਦ ਹੀ ਰਿਲੀਜ਼ ਹੋ ਰਿਹਾ ਹੈ।