ਮੁੰਬਈ— ਫਿਲਮਕਾਰ ਐੱਸ. ਐੱਸ. ਰਾਜਾਮੌਲੀ ਦੀ ਫਿਲਮ 'ਬਾਹੂਬਲੀ : ਦਿ ਕਨਕਲੂਜ਼ਨ' ਦਾ ਚਿਰਾਂ ਤੋਂ ਉਡੀਕਿਆ ਜਾ ਰਿਹਾ ਰਿਹਾ ਟਰੇਲਰ 16 ਮਾਰਚ ਨੂੰ ਰਿਲੀਜ਼ ਹੋਣ ਵਾਲਾ ਹੈ। ਇਸ ਫਿਲਮ ਦਾ ਇੰਤਜ਼ਾਰ ਪਿਛਲੇ 2 ਸਾਲਾਂ ਤੋਂ ਹੋ ਰਿਹਾ ਹੈ। ਖਾਸ ਕਰ ਕੇ ਇਹ ਦੇਖਣ ਲਈ ਕਿ ਆਖਿਰਕਾਰ ਕਟੱਪਾ ਨੇ ਬਾਹੂਬਲੀ ਨੂੰ ਕਿਉਂ ਮਾਰਿਆ। ਹੁਣ 'ਬਾਹੂਬਲੀ 2' ਜਾ ਜੋ ਨਵਾਂ ਪੋਸਟਰ ਰਿਲੀਜ਼ ਹੋਇਆ ਹੈ ਉਸ ਨੂੰ ਦੇਖਣ ਤੋਂ ਬਾਅਦ ਇਸ ਫਿਲਮ ਦਾ ਇੰਤਜ਼ਾਰ ਕਰਨਾ ਹੋਰ ਵੀ ਮੁਸ਼ਕਲ ਹੋ ਜਾਵੇਗਾ। ਜੀ ਹਾਂ 'ਬਾਹੂਬਲੀ 2' ਦੇ ਨਿਰਦੇਸ਼ਕ ਐੱਸ. ਐੱਸ. ਰਾਜਾਮੌਲੀ ਨੇ ਇਹ ਪੋਸਟਰ ਲਾਂਚ ਕੀਤਾ ਹੈ, ਜਿਸ 'ਚ ਕਟੱਪਾ ਦੀ ਗੋਦ 'ਚ ਬਾਹੂਬਲੀ ਹੈ ਅਤੇ ਥੱਲੇ ਕਟੱਪਾ ਦੀ ਬਾਹੂਬਲੀ ਨੂੰ ਮਾਰਦੇ ਦੀ ਤਸਵੀਰ ਹੈ। ਇਹ ਪੋਸਟਰ ਹੁਣ ਤੱਕ ਆਏ ਸਾਰੇ ਪੋਸਟਰਾਂ ਤੋਂ ਜ਼ਿਆਦਾ ਦਿਲਚਸਪ ਹੈ। ਇਸ ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਐੱਸ. ਐੱਸ. ਰਾਜਾਮੌਲੀ ਨੇ ਲਿਖਿਆ ਵੀ ਹੈ The boy he raised..The man he killed।
ਜ਼ਿਕਰਯੋਗ ਹੈ ਕਿ ਫਿਲਮ 28 ਅਪ੍ਰੈਲ ਨੂੰ ਰਿਲੀਜ਼ ਹੋਵੇਗੀ ਅਤੇ ਫਿਲਮ ਦਾ ਪੋਸਟਰ ਆਉਣ ਤੋਂ ਬਾਅਦ ਪੱਕਾ ਹੋ ਗਿਆ ਹੈ ਕਿ ਫਿਲਮ ਦਾ ਟਰੇਟਲ 16 ਮਾਰਚ ਨੂੰ ਰਿਲੀਜ਼ ਹੋ ਰਿਹਾ ਹੈ। ਸਵੇਰੇ 9 ਵਜੇ ਤੋਂ 10 ਵਜੇ 'ਚ ਤੇਲੰਗਨਾ ਅਤੇ ਅੰਧਰਾਪ੍ਰੇਦਸ਼ ਦੇ ਥਿਏਟਰਾਂ 'ਚ ਰਿਲੀਜ਼ ਕੀਤਾ ਜਾਵੇਗਾ। ਉਸ ਦਿਨ ਸ਼ਾਮ 5 ਵਜੇ ਆਨਲਾਈਨ ਟਰੇਟਲ ਰਿਲੀਜ਼ ਕੀਤਾ ਜਾਵੇਗਾ।