ਮੁੰਬਈ(ਬਿਊਰੋ)— ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' ਜਲਦ ਹੀ ਸ਼ੁਰੂ ਹੋਣ ਵਾਲਾ ਹੈ। ਇਸ ਨੂੰ ਲੈ ਕੇ ਲੋਕਾਂ 'ਚ ਲਗਾਤਾਰ ਖਬਰਾਂ ਆ ਰਹੀਆਂ ਹਨ। ਫੈਨਜ਼ ਸ਼ੋਅ ਦੇ ਆਨ-ਏਅਰ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। 'ਬਿੱਗ ਬੌਸ' ਦੇ ਇਸ ਵਾਰ ਦੇ ਸੀਜ਼ਨ 'ਚ ਭਾਰਤੀ ਟੀਮ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਸ਼੍ਰੀਸੰਤ ਵੀ ਹਿੱਸਾ ਲੈ ਰਹੇ ਹਨ।
ਸ਼ੋਅ 'ਚ ਹਿੱਸਾ ਲੈਣ ਲਈ ਸ਼੍ਰੀਸੰਤ ਨੇ ਆਪਣੇ ਆਪ 'ਤੇ ਖੂਬ ਮਿਹਨਤ ਕੀਤੀ ਹੈ। ਉਹ ਹੁਣ ਗਜ਼ਬ ਦੀ ਲੁੱਕ 'ਚ ਨਜ਼ਰ ਆ ਰਹੇ ਹਨ। ਜੀ ਹਾਂ, ਸ਼੍ਰੀਸੰਤ ਨੇ 'ਬਿੱਗ ਬੌਸ' 'ਚ ਹਿੱਸਾ ਲੈਣ ਲਈ ਕਮਾਲ ਦੀ ਬਾਡੀ ਬਣਾਈ ਹੈ। ਇਸ ਲਈ ਉਸ ਨੇ ਜਿਮ 'ਚ ਖੂਬ ਪਸੀਨਾ ਵ੍ਹਾਇਆ ਹੈ। ਸ਼੍ਰੀਸੰਤ ਨੂੰ ਸਾਲ 2013 ਦੇ ਆਈ. ਪੀ. ਐਲ. ਮੈਚ ਫਿਕਸਿੰਗ ਤੋਂ ਬਾਅਦ ਬੈਨ ਕੀਤਾ ਗਿਆ ਸੀ।
ਇਸ ਤੋਂ ਬਾਅਦ ਉਹ ਕ੍ਰਿਕਟ ਤੋਂ ਦੂਰ ਹੋ ਗਏ। ਸ਼੍ਰੀਸੰਤ ਨੂੰ ਆਖਰੀ ਵਾਰ ਟੈਸਟ ਤੇ ਵਨ-ਡੇਅ ਮੈਚ ਖੇਡਦੇ ਹੋਏ ਦੇਖਿਆ ਗਿਆ ਸੀ। ਮੈਚ ਫਿਕਸਿੰਗ 'ਚ ਫਸੇ ਸ਼੍ਰੀਸੰਤ ਨੂੰ ਭਾਰਤੀ ਕ੍ਰਿਕਟ ਬੋਰਡ ਨੇ ਫੈਸਲਾ ਸੁਣਾਉਂਦੇ ਹੋਏ ਆਜੀਵਨ ਬੈਨ ਲਾ ਦਿੱਤਾ ਸੀ।
ਦੱਸ ਦੇਈਏ ਕਿ ਸ਼੍ਰੀਸੰਤ ਨੇ ਬਾਲੀਵੁੱਡ ਤੋਂ ਲੈ ਕੇ ਰਾਜਨੀਤੀ 'ਚ ਆਪਣੀ ਕਿਸਮਤ ਅਜ਼ਮਾ ਚੁੱਕੇ ਹਨ। ਉਹ ਜ਼ਰੀਨ ਖਾਨ ਨਾਲ ਫਿਲਮ 'ਅਕਸਰ-2' 'ਚ ਨਜ਼ਰ ਆਏ ਸੀ। ਹੁਣ ਉਹ ਰਿਐਲਟੀ ਸ਼ੋਅ 'ਖਤਰੋਂ ਕੇ ਖਿਲਾੜੀ' ਦੇ ਸੀਜ਼ਨ-9 'ਚ ਵੀ ਨਜ਼ਰ ਆ ਚੱਕੇ ਹਨ। ਹੁਣ ਸ਼੍ਰੀਸੰਤ ਨੇ 'ਬਿੱਗ ਬੌਸ' ਦੇ ਸੀਜ਼ਨ 12 ਲਈ ਆਪਣੇ ਆਪ ਨੂੰ ਤਿਆਰ ਕਰ ਲਿਆ ਹੈ।
'ਬਿੱਗ ਬੌਸ' 'ਚ ਸ਼੍ਰੀਸੰਤ ਦੀ ਐਂਟਰੀ ਪੱਕੀ ਹੈ, ਜਿਸ ਦਾ ਸਬੂਤ ਵੀ ਮਿਲ ਗਿਆ ਹੈ। ਮੰਗਲਵਾਰ ਨੂੰ ਸ਼੍ਰੀਸੰਤ 'ਬਿੱਗ ਬੌਸ' 'ਚ ਹਿੱਸਾ ਲੈਣ ਲਈ ਮੁੰਬਈ ਪਹੁੰਚੇ, ਜਿਥੇ ਉਹ ਮੀਡੀਆ ਕੈਮਰਿਆਂ 'ਚ ਕੇਦ ਹੋ ਗਏ। ਇਥੇ ਸ਼੍ਰੀਸੰਤ ਕਾਫੀ ਕੂਲ ਅੰਦਾਜ਼ 'ਚ ਨਜ਼ਰ ਆਏ ਅਤੇ ਉਨ੍ਹਾਂ ਨੇ ਮੀਡੀਆ ਨੂੰ ਆਪਣੀ ਫੈਮਿਲੀ ਦੇ ਨਾਲ ਪੋਜ਼ ਵੀ ਦਿੱਤੇ।