ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਪੂਜਾ ਭੱਟ ਦੀ 1991 'ਚ ਬਣੀ ਫਿਲਮ 'ਸੜਕ' ਦੇ ਸੀਕਵਲ ਦੀਆਂ ਖਬਰਾਂ ਆ ਰਹੀਆਂ ਹਨ।
ਫਿਲਮ 'ਚ ਆਲੀਆ ਭੱਟ, ਸੰਜੇ ਦੱਤ ਦੇ ਨਾਲ ਆਦਿੱਤਿਆ ਰਾਏ ਕਪੂਰ ਨਜ਼ਰ ਆਉਣ ਵਾਲੇ ਹਨ।
ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਇਸ ਦੀ ਰਿਲੀਜ਼ ਡੇਟ ਦਾ ਐਲਾਨ ਹੋ ਗਿਆ ਹੈ, ਜੋ ਅਗਲੇ 15 ਨਵੰਬਰ ਨੂੰ ਰੱਖੀ ਗਈ ਹੈ।
ਫਿਲਮ ਦੀ ਸ਼ੂਟਿੰਗ ਤੋਂ ਪਹਿਲਾਂ ਤਿੰਨ ਸਟਾਰਸ ਨੂੰ ਆਪਸ 'ਚ ਮਿਲਦੇ ਦੇਖਿਆ ਗਿਆ ਹੈ।
ਖਬਰਾਂ ਤਾਂ ਇਹ ਵੀ ਹਨ ਕਿ ਸੀਕਵਲ 'ਸੜਕ-2' 'ਚ ਭੱਟ ਸਿਸਟਰਸ ਭਾਵ ਆਲੀਆ ਨਾਲ ਪੂਜਾ ਭੱਟ ਵੀ ਨਜ਼ਰ ਆ ਸਕਦੀ ਹੈ।
ਫਿਲਮ 'ਚ ਆਦਿੱਤਿਆ ਰਾਏ ਦਾ ਵੀ ਰੋਲ ਅਹਿਮ ਹੋਣ ਵਾਲਾ ਹੈ। ਫਿਲਮ ਕਾਫੀ ਖਾਸ ਹੋਣ ਵਾਲੀ ਹੈ।
ਇਸ ਦੇ ਨਾਲ ਹੀ 'ਸੜਕ-2' 'ਚ 1991 ਤੋਂ ਬਾਅਦ ਪੂਜਾ ਭੱਟ ਤੇ ਸੰਜੇ ਦੱਤ ਦੀ ਜੋੜੀ ਸਕ੍ਰੀਨ 'ਤੇ ਨਜ਼ਰ ਆ ਸਕਦੀ ਹੈ।
ਦੱਸ ਦੇਈਏ ਕਿ ਫਿਲਮ ਦੀ ਕਹਾਣੀ ਇਮੋਸ਼ਨਲ ਹੋਵੇਗੀ ਪਰ ਇਸ ਦੇ ਨਾਲ ਹੀ ਇਹ ਲਵ ਸਟੋਰੀ ਵੀ ਹੋਵੇਗੀ।
ਮਹੇਸ਼ ਭੱਟ 'ਸੜਕ-2' ਦੀ ਕਹਾਣੀ ਤੇ ਕਿਰਦਾਰ ਲਿਖ ਰਹੇ ਹਨ।
ਕੁਝ ਦਿਨ ਪਹਿਲਾਂ ਪੂਜਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਫੋਟੋ ਵੀ ਪੋਸਟ ਕੀਤੀ ਸੀ, ਜਿਸ 'ਚ ਉਹ ਸੰਜੇ ਦੱਤ ਤੇ ਪਾਪਾ ਮਹੇਸ਼ ਭੱਟ ਨਾਲ ਨਜ਼ਰ ਆਈ ਸੀ।
ਆਡੀਅੰਸ ਇਸ ਤੋਂ ਪਹਿਲਾਂ ਆਲੀਆ ਤੇ ਆਦਿੱਤਿਆ ਦੀ ਜੋੜੀ ਨੂੰ 'ਡੀਅਰ ਜ਼ਿੰਦਗੀ' 'ਚ ਦੇਖ ਚੁੱਕੀ ਹੈ।
ਇਸ ਤੋਂ ਇਲਾਵਾ ਆਲੀਆ ਤੇ ਆਦਿੱਤਿਆ ਦੋਵੇਂ ਕਰਨ ਜੌਹਰ ਦੀ ਫਿਲਮ 'ਕਲੰਕ' 'ਚ ਵੀ ਨਜ਼ਰ ਆਉਣਗੇ ਪਰ ਕਿਸੇ ਜੋੜੀ 'ਚ ਨਹੀਂ।