ਮੁੰਬਈ(ਬਿਊਰੋ)— ਬਾਲੀਵੁੱਡ ਨਿਰਦੇਸ਼ਕ ਰੇਮੋ ਡਿਸੂਜ਼ਾ ਦਾ ਕਹਿਣਾ ਹੈ ਕਿ ਸਲਮਾਨ ਖਾਨ ਅਤੇ ਸੈਫ ਅਲੀ ਖਾਨ ਵਿਚਾਲੇ ਤੁਲਨਾ ਸਹੀ ਨਹੀਂ ਹੈ। ਰੇਮੋ ਦੇ ਨਿਰਦੇਸ਼ਨ 'ਚ ਬਣੀ ਫਿਲਮ 'ਰੇਸ-3' 'ਚ ਸਲਮਾਨ ਨੇ ਮੁੱਖ ਭੂਮਿਕਾ ਨਿਭਾਈ ਹੈ। ਇਸ ਤੋਂ ਪਹਿਲਾਂ 'ਰੇਸ' ਅਤੇ 'ਰੇਸ-2' ਵਿਚ ਸੈਫ ਅਲੀ ਖਾਨ ਨੇ ਅਹਿਮ ਭੂਮਿਕਾ ਨਿਭਾਈ ਸੀ। ਰੇਮੋ ਡਿਸੂਜ਼ਾ ਨੇ ਕਿਹਾ ਕਿ ਸਲਮਾਨ ਖਾਨ ਅਤੇ ਸੈਫ ਅਲੀ ਖਾਨ ਵੱਖ-ਵੱਖ ਤਰ੍ਹਾਂ ਦੀਆਂ ਸ਼ਖਸੀਅਤਾਂ ਹਨ। ਦੋਵਾਂ ਦੀ ਵੱਖ-ਵੱਖ ਤਰ੍ਹਾਂ ਦੀ ਫੈਨ ਫਾਲੋਇੰਗ ਹੈ। ਸੈਫ ਨੇ ਫਿਲਮ ਦੇ ਪਹਿਲੇ 2 ਹਿੱਸਿਆਂ 'ਚ ਬਿਹਤਰੀਨ ਕੰਮ ਕੀਤਾ ਹੈ ਅਤੇ ਹੁਣ ਸਲਮਾਨ ਦੀ ਵਾਰੀ ਹੈ।
ਦੱਸਣਯੋਗ ਹੈ ਕਿ 'ਰੇਸ 3' ਨਾਲ ਬੌਬੀ ਦਿਓਲ ਆਪਣਾ ਕਰੀਅਰ ਸਵਾਰਨ ਜਾ ਰਿਹਾ ਹੈ। ਕਾਫੀ ਸਮੇਂ ਬਾਅਦ ਬੌਬੀ ਦਿਓਲ ਨੂੰ 'ਰੇਸ 3' ਦੇ ਜਰੀਏ ਜ਼ਬਰਦਸਤ ਕਿਰਦਾਰ 'ਚ ਦੇਖਿਆ ਜਾਵੇਗਾ। ਇਸ ਫਿਲਮ 'ਚ ਸਲਮਾਨ ਖਾਨ ਤੇ ਬੌਬੀ ਦਿਓਲ ਤੋਂ ਇਲਾਵਾ ਅਨਿਲ ਕਪੂਰ, ਜੈਕਲੀਨ ਫਰਨਾਂਡੀਜ਼, ਡੈਜ਼ੀ ਸ਼ਾਹ ਵਰਗੀਆਂ ਸ਼ਖਸੀਅਤਾਂ ਮੁੱਖ ਭੂਮਿਕਾ 'ਚ ਹਨ।