ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਸੈਫ ਅਲੀ ਖਾਨ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ ਨੂੰ ਲੈ ਕੇ ਚਰਚਾ 'ਚ ਹੈ। ਸੈਫ ਦੀ ਆਉਣ ਵਾਲੀ ਫਿਲਮ 'ਹੰਟਰ' ਸਤੰਬਰ 'ਚ ਰਿਲੀਜ਼ ਹੋਵੇਗੀ। ਦੱਸ ਦੇਈਏ ਕਿ ਫਿਲਮ ਦਾ ਨਿਰਮਾਣ ਆਨੰਦ ਐੱਲ ਰਾਏ ਦਾ ਪ੍ਰੋਡਕਸ਼ਨ ਹਾਊਸ 'ਕਲਰ ਯੈਲੋ ਪ੍ਰੋਡਕਸ਼ਨ' ਕਰ ਰਿਹਾ ਹੈ।
ਖਬਰਾਂ ਮੁਤਾਬਕ 1780 ਦੇ ਕਾਲ 'ਤੇ ਆਧਾਰਿਤ ਇਸ ਫਿਲਮ 'ਚ ਸੈਫ ਨੂੰ ਅਸਫਲ ਸਾਧੂ ਦਿਖਾਇਆ ਗਿਆ ਹੈ। ਨਵਦੀਪ ਸਿੰਘ ਦੇ ਨਿਰਦੇਸ਼ਨ 'ਚ ਬਣ ਰਹੀ ਇਸ ਫਿਲਮ 'ਚ 'ਮੁੱਕਾਬਾਜ਼' ਦੀ ਅਦਾਕਾਰਾ ਜੋਯਾ ਹੂਸੈਨ ਅਤੇ ਮਾਨਵ ਵਿਜ ਵੀ ਨਜ਼ਰ ਆਉਣਗੇ। ਹੁਣ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ ਕਿ ਫਿਲਮ ਕਿੰਨੀ ਸਫਲ ਹੋ ਪਾਉਂਦੀ ਹੈ।