ਮੁੰਬਈ (ਬਿਊਰੋ)— ਬਾਲੀਵੁੱਡ ਵਿਚ ਭੱਟ ਪਰਿਵਾਰ ਇਕ ਅਜਿਹਾ ਪਰਿਵਾਰ ਹੈ ਜੋ ਸਾਰਿਆਂ ਲਈ ਇਕ ਮਿਸਾਲ ਬਣ ਕੇ ਸਾਹਮਣੇ ਆਉਂਦਾ ਹੈ। ਸਭ ਇਕੱਠੇ ਰਹਿੰਦੇ ਹਨ ਅਤੇ ਇਕ ਹੀ ਕੰਪਨੀ ਨੂੰ ਸੰਭਾਲਦੇ ਹਨ। ਮਹੇਸ਼ ਭੱਟ ਅਤੇ ਮੁਕੇਸ਼ ਭੱਟ ਇਸ ਕੰਪਨੀ ਦੇ ਮਾਲਿਕ ਹਨ ਜਿਸਦਾ ਨਾਮ ਹੈ ''ਵਿਸ਼ੇਸ਼ ਫਿਲਮਸ'' ਜੋ ਕਿ ਮੁਕੇਸ਼ ਭੱਟ ਦੇ ਬੇਟੇ ਵਿਸ਼ੇਸ਼ ਦੇ ਨਾਮ 'ਤੇ ਪਈ ਹੈ। ਮੁਕੇਸ਼ ਭੱਟ ਦੀ ਧੀ ਸਾਕਸ਼ੀ ਨੇ ਐਤਵਾਰ ਨੂੰ ਪਰਿਵਾਰਿਕ ਸਮਾਗਮ 'ਚ ਮੰਗਣੀ ਕਰ ਲਈ। ਪੂਰੇ ਪਰਿਵਾਰ ਦੇ ਮੈਂਬਰ ਬਾਂਦਰੇ ਦੇ ਇਕ ਹੋਟਲ 'ਚੋਂ ਬਾਹਰ ਤਸਵੀਰਾਂ ਖਿਚਵਾਉਂਦੇ ਦਿਖਾਈ ਦਿੱਤੇ। ਦੱਸ ਦਈਏ ਕਿ ਸਾਕਸ਼ੀ ਨੇ ਲੰਡਨ ਤੋਂ ਪੜ੍ਹਾਈ ਕੀਤੀ ਹੈ। ਸਾਕਸ਼ੀ ਕੈਮਰੇ ਦੇ ਪਿੱਛੇ ਕੰਮ ਸੰਭਾਲਣਾ ਚਾਹੁੰਦੀ ਹੈ। ਉਹ ਆਪਣੇ ਪਿਤਾ ਮੁਕੇਸ਼ ਭੱਟ ਦੀ ਤਰ੍ਹਾਂ ਨਿਰਮਾਤਾ ਬਣਨਾ ਚਾਹੁੰਦੀ ਹੈ। ਇਸ ਸਮਾਰੋਹ 'ਚ ਮੁਕੇਸ਼ ਭੱਟ, ਉਨ੍ਹਾਂ ਦੀ ਪਤਨੀ ਨੀਲਿਮਾ, ਬੇਟਾ ਵਿਸ਼ੇਸ਼ ਅਤੇ ਉਸ ਦੀ ਪਤਨੀ ਕਨਿਕਾ ਸ਼ਾਮਿਲ ਹੋਏ। ਇਸ ਤੋਂ ਇਲਾਵਾ ਮਹੇਸ਼ ਭੱਟ ਆਪਣੀ ਬੇਟੀ ਪੂਜਾ ਭੱਟ ਨਾਲ ਪਹੁੰਚੇ। ਇਸ ਦੇ ਨਾਲ ਹੀ ਇਮਰਾਨ ਆਸ਼ਮੀ ਵੀ ਆਪਣੀ ਪਤਨੀ ਅਤੇ ਬੇਟੇ ਨਾਲ ਸ਼ਾਮਿਲ ਹੋਏ।