ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਸਲਮਾਨ ਖਾਨ ਨਵੇਂ ਸਾਲ ਦੀਆਂ ਛੁੱਟੀਆਂ ਮਨਾ ਕੇ ਗੋਆ ਤੋਂ ਵਾਪਿਸ ਮੁੰਬਈ ਆ ਗਏ ਹਨ। ਬੀਤੇ ਦਿਨ ਸਲਮਾਨ ਆਪਣੀ ਕਥਿਤ ਪ੍ਰੇਮਿਕਾ ਯੂਲੀਆ ਵੰਤੂਰ ਤੇ ਅਰਬਾਜ਼ ਦੇ ਮੁੰਡੇ ਅਰਹਾਨ ਖ਼ਾਨ ਨਾਲ ਏਅਰ ਪੋਰਟ 'ਤੇ ਸਪਾਟ ਕੀਤਾ ਗਿਆ। ਏਅਰਪੋਰਟ 'ਤੇ ਸਲਮਾਨ ਆਪਣੇ ਦਬੰਗ ਅੰਦਾਜ਼ 'ਚ ਨਜ਼ਰ ਆਏ। ਉਨ੍ਹਾਂ ਨੇ ਕਾਲਾ ਚਸ਼ਮਾ, ਫੁੱਲ ਬਾਹਾਂ ਵਾਲੀ ਟੀ-ਸ਼ਰਟ ਪਹਿਨੀ ਹੋਈ ਸੀ। ਦੱਸ ਦੇਈਏ ਕਿ ਸਲਮਾਨ, ਅਰਹਾਨ ਤੇ ਯੂਲੀਆ ਨੇ ਗੋਆ 'ਚ ਨਵਾਂ ਸਾਲ ਮਨਾਇਆ। ਬਾਲੀਵੁੱਡ ਦੇ ਕਈੇ ਆਪਣੀਆਂ ਛੁੱਟੀਆਂ ਮਨਾ ਕੇ ਵਾਪਿਸ ਆ ਰਹੇ ਹਨ। ਸਲਮਾਨ ਤੇ ਯੂਲੀਆ ਅਕਸਰ ਇਕੱਠੇ ਦੇਖੇ ਜਾਂਦੇ ਹਨ। ਯੂਲੀਆ ਸਲਮਾਨ ਖ਼ਾਨ ਦੇ ਪਰਿਵਾਰ ਦੇ ਵੀ ਕਾਫ਼ੀ ਕਰੀਬ ਹੈ। ਫਿਲਮਾਂ ਦੀ ਗੱਲ ਕਰੀਏ ਤਾਂ ਸਲਮਾਨ ਖਾਨ ਦੀ 'ਭਾਰਤ' ਈਦੇ 'ਤੇ ਰਿਲੀਜ਼ ਹੋ ਰਹੀ ਹੈ। ਜਿਸ 'ਚ ਸਲਮਾਨ ਨਾਲ ਕੈਟਰੀਨਾ ਕੈਫ, ਸੁਨੀਲ ਗਰੋਵਰ, ਜੈਕੀ ਸ਼ਰਾਫ, ਤੱਬੂ, ਨੋਰਾ ਫਤੇਹੀ ਅਤੇ ਦਿਸ਼ਾ ਪਾਟਨੀ ਨਜ਼ਰ ਆਉਣ ਵਾਲੇ ਹਨ। ਇਹ ਫਿਲਮ ਸਾਊਥ ਕੋਰੀਅਨ ਫਿਲਮ 'ਓਥ ਟੂ ਮਾਈ ਫਾਦਰਾ' ਦਾ ਹਿੰਦੀ ਰੀਮੇਕ ਹੈ।