ਜਲੰਧਰ(ਬਿਊਰੋ)— ਬਾਲੀਵੁੱਡ ਐਕਟਰ ਸਲਮਾਨ ਖਾਨ ਆਪਣੇ ਭਾਣਜੇ ਆਹਿਲ ਸ਼ਰਮਾ ਦੇ ਬਹੁਤ ਜ਼ਿਆਦਾ ਕਰੀਬ ਹਨ ਇਹ ਤਾਂ ਸਾਰੇ ਹੀ ਜਾਣਦੇ ਹਨ। ਸਲਮਾਨ ਆਏ ਦਿਨ ਆਹਿਲ ਨਾਲ ਆਪਣੀਆਂ ਤਸਵੀਰਾਂ ਸ਼ੇਅਰ ਕਰਦੇ ਰਹਿੰਦੇ ਹਨ। ਸ਼ਨੀਵਾਰ ਰਾਤ ਹੀ ਸਲਮਾਨ ਨੇ ਆਹਿਲ ਦਾ ਤੀਜਾ ਬਰਥਡੇ ਸੈਲੀਬ੍ਰੇਟ ਕੀਤਾ। ਇਸ ਮੌਕੇ 'ਤੇ ਆਲਿਹ ਦੇ ਤਿੰਨਾਂ ਮਾਮਿਆਂ ਸਲਮਾਨ, ਸੁਹੇਲ ਖਾਨ ਅਤੇ ਅਰਬਾਜ਼ ਖਾਨ ਨੇ ਇਸ ਦਿਨ ਨੂੰ ਸਪੈਸ਼ਲ ਬਣਾਉਣ 'ਚ ਕੋਈ ਕਸਰ ਨਹੀਂ ਛੱਡੀ।
ਆਹਿਲ ਦੇ ਜਨਮਦਿਨ 'ਤੇ ਖਾਸ ਤਰ੍ਹਾਂ ਦੇ ਕੇਕ ਦਾ ਇੰਤਜ਼ਾਮ ਕੀਤਾ ਗਿਆ ਸੀ। ਕੇਕ ਏਵੇਂਜਰਸ ਥੀਮ ਨਾਲ ਸਜਾਇਆ ਗਿਆ ਸੀ, ਜਿਸ 'ਚ ਸਪਾਈਡਰਮੈਨ, ਸੁਪਰਮੈਨ ਵਰਗੇ ਕਈ ਸੁਪਰ ਹੀਰੋ ਦੀਆਂ ਤਸਵੀਰਾਂ ਸਨ। ਇਸ ਤੋਂ ਇਲਾਵਾ ਸੋਸ਼ਲ ਮੀਡੀਆ 'ਤੇ ਇਕ ਹੋਰ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ 'ਚ ਆਹਿਲ ਦੇ ਫੇਵਰੇਟ ਮਾਮੂ ਜਾਨ ਸਲਮਾਨ ਖਾਨ ਨਾਲ ਟਾਈਮ ਬਿਤਾਉਂਦੇ ਨਜ਼ਰ ਆ ਰਹੇ ਹਨ।
ਸਲਮਾਨ ਆਹਿਲ ਨੂੰ ਬਹੁਤ ਪਿਆਰ ਕਰਦੇ ਹਨ। ਉਨ੍ਹਾਂ ਨੂੰ ਜਦੋਂ ਵੀ ਮੌਕਾ ਮਿਲਦਾ ਹੈ ਉਹ ਆਹਿਲ ਨਾਲ ਮਸਤੀ ਕਰਨ ਲੱਗ ਜਾਂਦੇ ਹਨ।