ਮੁੰਬਈ(ਬਿਊਰੋ)— ਸਲਮਾਨ ਖਾਨ ਫਿਲਮ ਇੰਡਸਟਰੀ ਦੇ ਸਭ ਤੋਂ ਵੱਡੇ ਸੁਪਰਸਟਾਰ ਕਹੇ ਜਾਂਦੇ ਹਨ। ਸਲਮਾਨ ਦੀ ਵਜ੍ਹਾ ਕਾਰਨ ਉਨ੍ਹਾਂ ਨਾਲ ਜੁੜੇ ਲੋਕ ਵੀ ਚਰਚਾ 'ਚ ਰਹਿੰਦੇ ਹਨ। ਇੰਨ੍ਹਾਂ 'ਚੋਂ ਇਕ ਹਨ ਸੱਲੂ ਭਾਈ ਦੇ ਬਾਡੀਗਾਰਡ ਸ਼ੇਰਾ। ਸ਼ੇਰਾ ਪਿਛਲੇ 20 ਸਾਲ ਨਾਲ ਸਲਮਾਨ ਦਾ ਬਾਡੀਗਾਰਡ ਹੈ। ਹਾਲ ਹੀ 'ਚ ਇਕ ਖਾਸ ਵਜ੍ਹਾ ਕਾਰਨ ਉਹ ਚਰਚਾ 'ਚ ਆ ਗਿਆ ਹੈ।
ਅਸਲ 'ਚ ਸਲਮਾਨ ਖਾਨ ਲਈ ਸੁਰੱਖਿਆ ਦੇ ਤੌਰ 'ਤੇ ਦਿਨ-ਰਾਤ ਨਾਲ ਰਹਿਣ ਕਾਰਨ ਉਨ੍ਹਾਂ ਦੇ ਨਿੱਜੀ ਬਾਡੀਗਾਰਡ ਸ਼ੇਰਾ ਨੂੰ ਉਨ੍ਹਾਂ ਦੀ ਏਜੰਸੀ ਵਲੋਂ 'ਬੈਸਟ ਸਿਕਿਓਰਿਟੀ ਐਵਾਰਡ' ਨਾਲ ਨਵਾਜ਼ਿਆ ਗਿਆ।ਸ਼ੇਰਾ ਨੂੰ ਇਹ ਐਵਾਰਡ ਮਾਧੁਰੀ ਦੀਕਸ਼ਿਤ ਨੇ ਦਿੱਤਾ।
ਸਲਮਾਨ ਉਨ੍ਹਾਂ ਦੇ ਬੇਟੇ ਟਾਈਗਰ ਨੂੰ ਵੀ ਫਿਲਮਾਂ 'ਚ ਲਾਂਚ ਕਰਨ ਦੀ ਤਿਆਰੀ ਕਰ ਰਹੇ ਹਨ। ਇਕ ਵਾਰ ਸਲਮਾਨ ਨੇ ਟਾਈਗਰ ਦੀ ਤਾਰੀਫ ਕਰਦੇ ਹੋਏ ਕਿਹਾ ਸੀ, ''ਉਸ ਦੀ ਸ਼ਖਸੀਅਤ ਤੇ ਲੁੱਕਸ ਦੇ ਆਧਾਰ 'ਤੇ ਮੈਂ ਕਹਿ ਸਕਦਾ ਹਾਂ ਕਿ ਸਾਡੇ ਕੋਲ੍ਹ ਇਕ ਹੀਰੋ ਹੈ।''
ਸਲਮਾਨ ਦੀ ਸਫਲਤਾ ਪਿੱਛੇ ਸ਼ੇਰਾ ਦਾ ਵੀ ਬਹੁਤ ਵੱਡਾ ਹੱਥ ਹੈ। ਸ਼ੇਰਾ ਇਕ ਸਿੱਖ ਪਰਿਵਾਰ ਨਾਲ ਸੰਬੰਧ ਰੱਖਦੇ ਹਨ। ਉਨ੍ਹਾਂ ਦਾ ਅਸਲੀ ਨਾਂ ਗੁਰਮੀਤ ਸਿੰਘ ਜੌਲੀ ਹੈ। 1995 'ਚ ਇਕ ਪਾਰਟੀ ਦੌਰਾਨ ਸ਼ੇਰਾ ਦੀ ਮੁਲਾਕਾਤ ਸਲਮਾਨ ਖਾਨ ਨਾਲ ਹੋਈ।
ਇਸ ਤੋਂ ਬਾਅਦ ਇਕ ਵਾਰ ਸਲਮਾਨ ਖਾਨ ਚੰਡੀਗੜ੍ਹ ਗਏ, ਜਿੱਥੇ ਭੀੜ 'ਚ ਬੁਰੀ ਤਰ੍ਹਾਂ ਫੱਸ ਗਏ। ਉਸ ਸਮੇਂ ਸੋਹੇਲ ਨੇ ਸੋਚਿਆ ਕਿ ਸਲਮਾਨ ਭਰਾ ਨੂੰ ਕਿਸੇ ਚੰਗੇ ਬਾਡੀਗਾਰਡ ਦੀ ਲੋੜ ਹੈ। ਸੋਹੇਲ ਦੇ ਦਿਮਾਗ 'ਚ ਸ਼ੇਰਾ ਆਇਆ। ਸੋਹੇਲ ਸ਼ੇਰਾ ਦੇ ਸਰੀਰ ਤੋਂ ਕਾਫੀ ਪ੍ਰਭਾਵਿਤ ਹੋਏ।ਸੋਹੇਲ ਨੇ ਸ਼ੇਰਾ ਨਾਲ ਕਾਂਟ੍ਰੈਕਟ ਕੀਤਾ ਤੇ ਉਸ ਤੋਂ ਪੁੱਛਿਆ ਕਿ ''ਭਰਾ ਨਾਲ ਹਮੇਸ਼ਾ ਰਹੋਗੇ?''
ਉਸ ਸਮੇਂ ਸ਼ੇਰਾ ਨੇ ਬਿਨਾਂ ਸੋਚੇ-ਸਮਝੇ ਕਹਿ ਦਿੱਤਾ, 'ਹਾਂ'। ਉਸ ਸਮੇਂ ਤੋਂ ਲੈ ਕੇ ਅੱਜਤਕ ਸ਼ੇਰਾ ਸਲਮਾਨ ਖਾਨ ਨਾਲ ਹੈ। ਸ਼ੇਰਾ, ਸਲਮਾਨ ਨੂੰ ਮਾਲਕ ਕਹਿੰਦਾ ਹੈ। ਇਕ ਇੰਟਰਵਿਊ 'ਚ ਸ਼ੇਰਾ ਨੇ ਕਿਹਾ ਸੀ, 'ਮਾਲਕ ਮੇਰੇ ਲਈ ਸਭ ਕੁਝ ਹਨ।
ਉਹ ਮੇਰੇ ਭਗਵਾਨ ਹਨ। ਮਾਲਕ ਜਿੱਥੇ ਜਾਂਦੇ ਹਨ, ਮੈਂ ਉਨ੍ਹਾਂ ਨਾਲ ਹੁੰਦਾ ਹਾਂ। ਮੈਂ ਉਨ੍ਹਾਂ ਨੂੰ ਇਕ ਝੜੀਟ ਤੱਕ ਨਹੀਂ ਆਉਣ ਦਿੰਦਾ।' ਸ਼ੇਰਾ, ਸਲਮਾਨ ਲਈ ਸਿਰਫ ਇਕ ਬਾਡੀਗਾਰਡ ਨਹੀਂ ਬਲਕਿ ਉਨ੍ਹਾਂ ਦੀ ਫੈਮਿਲੀ ਦਾ ਹਿੱਸਾ ਹੈ।
ਆਪਣੀ ਸਿਕਿਓਰਿਟੀ ਲਈ ਸਲਮਾਨ ਸ਼ੇਰਾ ਨੂੰ 15 ਲੱਖ ਦੀ ਮੋਟੀ ਸੈਲਰੀ ਦਿੰਦੇ ਹਨ। ਸਲਮਾਨ ਦੀ ਫਿਲਮ ਬਾਡੀਗਾਰਡ ਸ਼ੇਰਾ ਦੀ ਜ਼ਿੰਦਗੀ ਤੋਂ ਹੀ ਪ੍ਰੇਰਿਤ ਸੀ। ਸ਼ੇਰਾ ਅਮਿਤਾਭ ਬੱਚਨ ਵਰਗੇ ਵੱਡੇ ਕਲਾਕਾਰਾਂ ਨੂੰ ਵੀ ਸਿਕਿਓਰਿਟੀ ਦੇ ਚੁੱਕਾ ਹੈ। ਇਸ ਦੇ ਨਾਲ ਹੀ ਉਹ '' ਨਾਂ ਦੀ ਇਕ ਕੰਪਨੀ ਵੀ ਚਲਾਉਂਦਾ ਹੈ।