ਮੁੰਬਈ (ਬਿਊਰੋ)— ਅੱਜਕਲ ਸਲਮਾਨ ਅਤੇ ਯੂਲੀਆ ਵਿਚਕਾਰ ਕੁਝ ਵੀ ਸਹੀ ਨਹੀਂ ਚੱਲ ਰਿਹਾ। ਇਹ ਅਸੀਂ ਨਹੀਂ ਕਹਿ ਰਹੇ ਬਲਕਿ ਖਬਰਾਂ ਆ ਰਹੀਆਂ ਹਨ ਅਤੇ ਸ਼ਾਇਦ ਕਿਤੇ ਨਾ ਕਿਤੇ ਇਹ ਖਬਰਾਂ ਸਹੀ ਵੀ ਹਨ, ਕਿਉਂਕਿ ਸਲਮਾਨ ਤਾਂ ਕੈਟਰੀਨਾ ਨੂੰ ਲੈ ਕੇ ਅਮਰੀਕਾ ਰਵਾਨਾ ਵੀ ਹੋ ਗਏ ਅਤੇ ਯੂਲੀਆ 'ਆਈਫਾ 2018' 'ਚ ਸਿਰਫ ਇਕ ਗੈਸਟ ਦੀ ਭੂਮਿਕਾ ਨਿਭਾਉਣ ਇਕੱਲੀ ਪਹੁੰਚੀ।
ਯੂਲੀਆ-ਸਲਮਾਨ ਵਿਚਕਾਰ ਆਈ ਕੈਟਰੀਨਾ
ਖਬਰਾਂ ਭਾਵੇਂ ਜੋ ਵੀ ਹੋਣ ਪਰ ਸਲਮਾਨ ਖਾਨ ਹਮੇਸ਼ਾ ਲਾਈਮਲਾਈਟ 'ਚ ਬਣੇ ਰਹਿੰਦੇ ਹਨ। ਇਸ ਵਾਰ ਉਨ੍ਹਾਂ ਦੇ ਲਾਈਮਲਾਈਟ 'ਚ ਬਣਨ ਦਾ ਕਾਰਨ ਕੈਟਰੀਨਾ-ਯੂਲੀਆ ਹਨ।
ਅਸਲ 'ਚ ਅਜਿਹੀ ਜਾਣਕਾਰੀ ਮਿਲ ਰਹੀ ਹੈ ਕਿ ਯੂਲੀਆ ਅਤੇ ਸਲਮਾਨ 'ਚ ਕਿਸੇ ਗੱਲ ਨੂੰ ਲੈ ਕੇ ਨਾਰਾਜ਼ਗੀ ਚੱਲ ਰਹੀ ਹੈ, ਜਿਸ ਤੋਂ ਬਾਅਦ ਦੋਹਾਂ ਦੇ ਰਸਤੇ ਵੱਖਰੇ ਹੋ ਗਏ ਹਨ।
ਅੱਜਕਲ ਸਲਮਾਨ ਦਾ ਝੁਕਾਅ ਕੈਟਰੀਨਾ ਵੱਲ ਵਧੇਰੇ ਹੋ ਗਿਆ ਹੈ। ਰਿਪੋਰਟ ਮੁਤਾਬਕ ਸਲਮਾਨ ਖਾਨ, ਕੈਟਰੀਨਾ ਕੈਫ ਨੂੰ ਲੈ ਕੇ 'ਦਿ ਬੈਂਗ ਟੂਰ' ਲਈ ਅਮਰੀਕਾ ਰਵਾਨਾ ਹੋ ਗਏ ਅਤੇ ਯੂਲੀਆ ਨੂੰ ਇਕੱਲਾ ਛੱਡ ਗਏ। ਜੇਕਰ ਦੋਹਾਂ ਵਿਚਕਾਰ ਸਭ ਸਹੀ ਹੁੰਦਾ ਤਾਂ ਸਲਮਾਨ, ਯੂਲੀਆ ਨੂੰ ਵੀ ਲੈ ਕੇ ਜਾਂਦੇ।