ਮੁੰਬਈ (ਬਿਊਰੋ)— ਇਸ ਖਬਰ ਦੀ ਜਾਣਕਾਰੀ ਪਹਿਲਾਂ ਹੀ ਸਾਹਮਣੇ ਆ ਚੁੱਕੀ ਸੀ ਕਿ ਇਸ ਵਾਰ ਕਲਰਜ਼ ਦੇ ਸਭ ਤੋਂ ਲੋਕਪ੍ਰਿਯ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' ਦੀ ਸ਼ੁਰੂਆਤ ਦਬੰਗ ਸਲਮਾਨ ਖਾਨ ਗੋਆ ਤੋਂ ਕਰਨ ਵਾਲੇ ਹਨ।
ਬੀਤੇ ਦਿਨ ਕੁਝ ਅਜਿਹਾ ਹੀ ਦੇਖਣ ਨੂੰ ਮਿਲਿਆ।
ਦਰਅਸਲ ਬੀਤੇ ਦਿਨ 'ਬਿੱਗ ਬੌਸ 12' ਦੀ ਸ਼ੁਰੂਆਤ ਲਈ ਸਲਮਾਨ ਖਾਨ ਨੇ ਸ਼ੋਅ ਦੀ ਪਹਿਲੀ ਪ੍ਰੈੱਸ ਮੀਟ ਗੋਆ 'ਚ ਕੀਤੀ।
ਸਲਮਾਨ ਇਸ ਈਵੈਂਟ ਲਈ ਆਪਣੇ ਖਾਸ ਅੰਦਾਜ਼ 'ਚ ਸਲੀਵ ਲੈੱਸ ਟੀ-ਸ਼ਰਟ 'ਚ ਕਿਸ਼ਤੀ ਰਾਹੀਂ ਈਵੈਂਟ 'ਚ ਪਹੁੰਚੇ।
ਇਸ ਤੋਂ ਬਾਅਦ ਸਲਮਾਨ ਨੇ ਆਪਣੇ ਗੀਤਾਂ 'ਤੇ ਖੂਬ ਡਾਂਸ ਕੀਤਾ, ਜਿਨ੍ਹਾਂ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ।
ਸਲਮਾਨ ਖਾਨ ਨੇ ਇਸ ਦੌਰਾਨ ਸ਼ੋਅ ਦੀ ਪਹਿਲੀ ਮੁਕਾਬਲੇਬਾਜ਼ ਦੇ ਤੌਰ 'ਤੇ ਭਾਰਤੀ ਸਿੰਘ ਅਤੇ ਉਨ੍ਹਾਂ ਦੇ ਪਤੀ ਹਰਸ਼ ਲਿੰਬਾਚੀਆ ਨੂੰ ਪਹਿਲੇ ਸੈਲੀਬ੍ਰਿਟੀ ਕਪਲ ਦੇ ਤੌਰ 'ਤੇ ਇੰਟਰੋਡਿਊਸ ਵੀ ਕੀਤਾ।
ਇਸ ਮੌਕੇ ਭਾਰਤੀ ਨੇ ਕਿਹਾ, ''ਮੈਂ ਸੋਚ ਸਮਝ ਕੇ ਰਾਈਟਰ ਨਾਲ ਵਿਆਹ ਕੀਤਾ ਹੈ, ਕਿਉਂਕਿ ਰਾਈਟਰ ਦੇ ਬੱਚੇ ਅਜਿਹੇ (ਸਲਮਾਨ ਖਾਨ) ਪੈਦਾ ਹੁੰਦੇ ਹਨ।
ਦਰਅਸਲ ਸਲਮਾਨ ਦੇ ਪਿਤਾ ਸਲੀਮ ਖਾਨ ਵੀ ਰਾਈਟਰ ਹਨ। ਤੁਸੀਂ ਵੀ ਦੇਖੋ ਗੋਆ 'ਚ ਸਲਮਾਨ ਖਾਨ ਦਾ ਖਾਸ ਅੰਦਾਜ਼—
