ਨਵੀਂ ਦਿੱਲੀ(ਬਿਊਰੋ)— ਇਨ੍ਹੀਂ ਦਿਨੀਂ ਸਲਮਾਨ ਖਾਨ ਆਪਣੀ ਨਵੀਂ ਫਿਲਮ 'ਰੇਸ 3' ਦੇ ਪ੍ਰਮੋਸ਼ਨ 'ਚ ਕਾਫੀ ਰੁੱਝੇ ਹੋਏ ਹਨ। ਪ੍ਰਮੋਸ਼ਨ ਦੌਰਾਨ ਸਲਮਾਨ ਖਾਨ ਨੇ ਆਪਣੇ ਆਉਣ ਵਾਲੇ ਪ੍ਰੋਜੈਕਟ ਨੂੰ ਲੈ ਕੇ ਕਈ ਖੁਲਾਸੇ ਕੀਤੇ। ਸਲਮਾਨ 'ਭਾਰਤ', 'ਦਬੰਗ 3', 'ਕਿੱਕ 3' ਤੇ ਰੇਮੋ ਦੀ ਡਾਸਿੰਗ ਫਿਲਮ ਤੋਂ ਇਲਾਵਾ 'ਸ਼ੇਰ ਖਾਨ' 'ਚ ਨਜ਼ਰ ਆਉਣ ਵਾਲੇ ਹਨ। ਸਲਮਾਨ ਦੀ ਫਿਲਮ 'ਸ਼ੇਰ ਖਾਨ' ਨੂੰ ਉਨ੍ਹਾਂ ਦੇ ਭਰਾ ਸੋਹੇਲ ਖਾਨ ਬਣਾ ਰਹੇ ਹਨ। ਉਂਝ ਇਸ ਫਿਲਮ 'ਤੇ ਚਰਚਾ ਲੰਬੇ ਸਮੇਂ ਤੋਂ ਹੋ ਰਹੀ ਹੈ ਪਰ ਅੱਧ 'ਚ ਇਹ ਪ੍ਰੋਜੈਕਟ ਬੰਦ ਹੋ ਗਿਆ ਸੀ। ਹਾਲਾਂਕਿ ਸਲਮਾਨ ਖਾਨ ਦੇ ਦੱਸਣ ਤੋਂ ਬਾਅਦ ਇਸ ਪ੍ਰੋਜੈਕਟ ਨੂੰ ਬੰਦ ਨਹੀਂ ਮੰਨਿਆ ਜਾ ਸਕਦਾ। ਦੱਸਣਯੋਗ ਹੈ ਕਿ ਇਹ ਉਹ ਫਿਲਮ ਹੈ, ਜਿਸ ਲਈ ਸੋਹੇਲ ਖਾਨ ਨੇ ਕਾਫੀ ਸਾਲ ਪਹਿਲਾਂ ਕਪਿਲ ਸ਼ਰਮਾ ਨਾਲ ਵਾਅਦਾ ਕੀਤਾ ਸੀ। ਅਸਲ 'ਚ ਉਸ ਸਮੇਂ ਕਪਿਲ 'ਕਾਮੇਡੀ ਸਰਕਸ' 'ਚਨਜ਼ਰ ਆਉਂਦੇ ਸਨ। ਇਸ ਸ਼ੋਅ 'ਚ ਸੋਹੇਲ ਜੱਜ ਦੇ ਤੌਰ 'ਤੇ ਨਜ਼ਰ ਆਉਂਦੇ ਸਨ। ਇਸ ਦੌਰਾਨ ਸੋਹੇਲ ਨੇ ਕਪਿਲ ਨਾਲ ਵਾਅਦਾ ਕੀਤਾ ਸੀ ਕਿ ਉਹ ਉਸ ਨੂੰ ਆਪਣੀ ਅਗਲੀ ਫਿਲਮ 'ਸ਼ੇਰ ਖਾਨ' 'ਚ ਲੈਣਗੇ। ਕਪਿਲ ਸ਼ਰਮਾ ਇਨੀ ਦਿਨੀਂ ਲੰਬੀ ਛੁੱਟੀ 'ਤੇ ਹਨ। ਸਲਮਾਨ ਨਾਲ ਆਉਣਾ ਕਪਿਲ ਲਈ ਸੁਪਨੇ ਦੇ ਸੱਚ ਹੋਣ ਵਰਗਾ ਹੈ। ਇਨੀ ਦਿਨੀਂ ਕਾਮੇਡੀ ਕਿੰਗ ਦਾ ਕਰੀਅਰ ਜਿਸ ਤਰ੍ਹਾਂ ਗੋਤੇ ਖਾ ਰਿਹਾ ਹੈ, ਉਸ ਨੂੰ ਸਲਮਾਨ ਖਾਨ ਸਹੀਂ ਕਿਨਾਰਾ ਦੇ ਸਕਦੇ ਹਨ। ਸਲਮਾਨ ਖਾਨ ਦੀ 'ਰੇਸ 3' ਵੀ ਇਸ ਦੀ ਉਦਾਹਰਨ ਹੈ। ਇਸ ਫਿਲਮ ਨਾਲ ਸਲਮਾਨ ਖਾਨ ਬੌਬੀ ਦਿਓਲ ਤੇ ਡੇਜ਼ੀ ਸ਼ਾਹ, ਸਾਕਿਬ ਦੇ ਕਰੀਅਰ ਨੂੰ ਸਵਾਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।