ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਰਾਣੀ ਮੁਖਰਜੀ ਨੇ ਹਾਲ ਹੀ 'ਚ ਇੱਛਾ ਜਤਾਈ ਹੈ ਕਿ ਸਲਮਾਨ ਖਾਨ ਦੇ ਘਰ ਇਕ ਧੀ ਹੋਵੇ ਤੇ ਉਸ ਦਾ ਵਿਆਹ ਸ਼ਾਹਰੁਖ ਖਾਨ ਲਾਡਲੇ ਬੇਟੇ ਅਬਰਾਮ ਨਾਲ ਹੋਵੇ। ਸ਼ਾਹਰੁਖ ਤੇ ਸਲਮਾਨ ਇਸ ਹਫਤੇ 'ਦਸ ਕਾ ਦਮ' 'ਚ ਇਕੱਠੇ ਨਜ਼ਰ ਆਏ। ਇਸ ਦੌਰਾਨ ਉਨ੍ਹਾਂ ਨਾਲ ਰਾਣੀ ਮੁਖਰਜੀ ਵੀ ਸ਼ਾਮਲ ਹੋ ਗਈ। ਦਰਅਸਲ ਗੱਲਬਾਤ ਦੌਰਾਨ ਸ਼ਾਹਰੁਖ ਨੇ ਦੱਸਿਆ ਸੀ ਕਿ ਉਸ ਦਾ ਨਿੱਕਾ ਮੁੰਡਾ ਅਬਰਾਮ ਬਿਲਕੁਲ ਸ਼ਾਹਰੁਖ ਵਰਗਾ ਹੈ।
ਉਹ ਆਪਣੇ ਮਾਪਿਆਂ ਪ੍ਰਤੀ ਤਾਂ ਪਿਆਰ ਦਿਖਾਉਂਦਾ ਹੀ ਹੈ ਪਰ ਨਾਲ ਹੀ ਜਿਸ ਕਿਸੇ ਵੀ ਕੁੜੀ ਨਾਲ ਮਿਲਦਾ ਹੈ, ਉਸ ਨੂੰ ਲਵ ਯੂ ਬੋਲ ਦਿੰਦਾ ਹੈ। ਇਸ ਸੁਣ ਕੇ ਰਾਣੀ ਨੇ ਸਲਮਾਨ ਨੂੰ ਕਿਹਾ ਕਿ ਉਸ ਦੀ ਇੱਛਾ ਹੈ ਕਿ ਉਸ ਦੇ ਘਰ ਕੁੜੀ ਹੋਵੇ। ਉਹ ਬਹੁਤ ਸੋਹਣੀ ਹੋਏਗੀ। ਉਸ ਨਾਲ ਸਲਮਾਨ ਦੀਆਂ ਸਾਰੀਆਂ ਖੂਬੀਆਂ ਮਿਲਣ ਤੇ ਉਹ ਉਸ ਦੀ ਧੀ ਦਾ ਰਿਸ਼ਤਾ ਸ਼ਾਹਰੁਖ ਦੇ ਮੁੰਡੇ ਨਾਲ ਹੁੰਦਾ ਦੇਖ ਰਹੀ ਹੈ।
ਇਸ ਦੇ ਤੁਰੰਤ ਬਾਅਦ ਸ਼ਾਹਰੁਖ ਨੇ ਕਿਹਾ ਕਿ ਉਨ੍ਹਾਂ ਨੂੰ ਰਾਣੀ ਨੂੰ ਸ਼ੋਅ 'ਤੇ ਨਹੀਂ ਬੁਲਾਉਣਾ ਚਾਹੀਦਾ ਸੀ। ਉਹ ਲੋਕਾਂ ਦੇ ਵਿਆਹ ਕਰਵਾ ਰਹੀ ਹੈ, ਜਿਸ ਕਰਕੇ ਲੋਕ ਸ਼ੋਅ 'ਚ ਆਪਣੇ ਬੱਚਿਆਂ ਦੀ ਯੋਜਨਾ ਬਣਾ ਰਹੇ ਹਨ। ਉਸ ਨੇ ਕਿਹਾ ਕਿ ਰਾਣੀ ਨੂੰ 'ਰਾਣੀ ਮੁਖਰਜੀ' ਨਹੀਂ ਸਗੋਂ 'ਸ਼ਾਦੀ ਮੁਖਰਜੀ' ਦੇ ਨਾਂ ਨਾਲ ਬੁਲਾਉਣਾ ਚਾਹੀਦਾ ਹੈ।