ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਦਬੰਗ ਸਟਾਰ ਸਲਮਾਨ ਖਾਨ ਸਿਲਵਰ ਸਕ੍ਰੀਨ 'ਤੇ ਟੀ-ਸੀਰੀਜ਼ ਕੰਪਨੀ ਦੇ ਮਾਲਕ ਸਵ. ਗੁਲਸ਼ਨ ਕੁਮਾਰ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆ ਸਕਦੇ ਹਨ। ਗੁਲਸ਼ਨ ਕੁਮਾਰ ਦੇ ਜੀਵਨ 'ਤੇ ਆਧਾਰਿਤ 'ਮੁਗਲ : ਦਿ ਗੁਲਸ਼ਨ ਕੁਮਾਰ ਸਟੋਰੀ' ਫਿਲਮ ਬਣ ਰਹੀ ਹੈ। ਫਿਲਮ 'ਚ ਪਹਿਲਾਂ ਗੁਲਸ਼ਨ ਕੁਮਾਰ ਦੀ ਭੂਮਿਕਾ ਲਈ ਅਭਿਨੇਤਾ ਅਕਸ਼ੈ ਕੁਮਾਰ ਨੂੰ ਚੁਣਿਆ ਗਿਆ ਸੀ।
ਹੁਣ ਚਰਚਾ ਹੈ ਕਿ ਉਹ ਗੁਲਸ਼ਨ ਕੁਮਾਰ ਦੀ ਬਾਇਓਪਿਕ 'ਚ ਨਜ਼ਰ ਨਹੀਂ ਆਉਣਗੇ। ਅਕਸ਼ੈ ਨੇ ਫਿਲਮ ਨੂੰ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਇਸ ਦੀ ਸਾਈਨਿੰਗ ਅਮਾਊਂਟ ਵੀ ਵਾਪਸ ਕਰ ਦਿੱਤੀ ਹੈ। ਹੁਣ ਕਿਹਾ ਜਾ ਰਿਹਾ ਹੈ ਕਿ ਗੁਲਸ਼ਨ ਕੁਮਾਰ ਦਾ ਰੋਲ ਸਲਮਾਨ ਖਾਨ ਕਰ ਸਕਦੇ ਹਨ। ਉਹ ਇਸ ਫਿਲਮ ਨੂੰ ਲੈ ਕੇ ਉਤਸ਼ਾਹਿਤ ਵੀ ਹਨ।