ਮੁੰਬਈ— ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਨੇ ਕਲਰਜ਼ ਟੀ. ਵੀ. ਦੇ ਸਭ ਤੋਂ ਵਿਵਾਦਿਤ ਅਤੇ ਐਂਟਰਟੇਨਿੰਗ ਰਿਆਲਿਟੀ ਸ਼ੋਅ ਦੀ ਧਮਾਕੇਦਾਰ ਅੰਦਾਜ਼ 'ਚ ਸ਼ੁਰੂਆਤ ਕੀਤੀ।
ਸਲਮਾਨ ਪਿਛਲੇ ਕਈ ਸੀਜ਼ਨਜ਼ ਵਾਂਗ ਇਸ ਵਾਰ ਵੀ 'ਬਿੱਗ ਬੌਸ 11' ਨੂੰ ਹੋਸਟ ਕਰਦੇ ਹੋਏ ਦਿਖਾਈ ਦੇਣਗੇ।
ਮੁੰਬਈ ਦੇ ਤਾਰਾਪੋਰ ਗਾਰਡਨ 'ਚ ਆਯੋਜਿਤ ਇਸ ਖਾਸ ਈਵੈਂਟ ਦੇ ਮੌਕੇ ਸਲਮਾਨ ਕਾਫੀ ਜੋਸ਼ 'ਚ ਨਜ਼ਰ ਆਏ।
ਸਲਮਾਨ ਨੇ ਇੱਥੇ ਜ਼ਬਰਦਸਤ ਐਂਟਰੀ ਤਾਂ ਕੀਤੀ ਹੀ, ਇਸ ਦੇ ਨਾਲ ਹੀ ਇੱਥੇ ਈਵੈਂਟ 'ਤੇ ਮੌਜੂਦ ਮੀਡੀਆ ਕਰਮਚਾਰੀ ਅਤੇ ਆਮ ਲੋਕਾਂ ਨੂੰ ਆਪਣੀਆਂ ਗੱਲਾਂ ਅਤੇ ਜੋਕਸ ਨਾਲ ਰੱਜ ਕੇ ਐਂਟਰਟੇਨ ਕੀਤਾ।
ਸਲਮਾਨ ਨੇ 'ਜੁੜਵਾ 2' ਗੀਤ 'ਤੇ ਮਸਤ ਅੰਦਾਜ਼ 'ਚ ਐਂਟਰੀ ਲਈ। ਇਸ ਤੋਂ ਇਲਾਵਾ ਇਸ ਦੌਰਾਨ ਸਲਮਾਨ ਦਾ ਮਖੌਲੀਆ ਅੰਦਾਜ਼ ਵੀ ਖੂਬ ਦੇਖਣ ਨੂੰ ਮਿਲਿਆ।
ਜ਼ਿਕਰਯੋਗ ਹੈ ਕਿ ਇਸ ਮੌਕੇ ਜਦੋਂ ਸਲਮਾਨ ਤੋਂ ਪੱਛਿਆ ਗਿਆ ਕਿ ਫਿਲਮਾਂ ਦੇ ਨਾਲ-ਨਾਲ ਸ਼ਾਹਰੁਖ-ਅਕਸ਼ੇ ਆਪਣੇ ਨਵੇਂ ਟੀ. ਵੀ. ਸ਼ੋਅਜ਼ ਨਾਲ ਤੁਹਾਡੇ ਨਾਲ ਟੱਕਰ ਲੈਣ ਵਾਲੇ ਹਨ ਤਾਂ ਸਲਮਾਨ ਨੇ ਇਨ੍ਹਾਂ ਦੋਹਾਂ ਦੀ ਪਹਿਲਾਂ ਤਾਰੀਫ ਕੀਤੀ ਬਾਅਦ 'ਚ ਕਿਹਾ ਕਿ ਉਹ ਇਨ੍ਹਾਂ ਦੋਹਾਂ ਨੂੰ ਸਖਤ ਕੰਪੀਟੀਸ਼ਨ ਦੇਣਗੇ।