ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਸੁਪਰਸਟਾਰ ਸਲਮਾਨ ਖਾਨ ਨੇ ਫਿਲਮ ਇੰਡਸਟਰੀ 'ਚ 30 ਸਾਲ ਪੂਰੇ ਕਰ ਲਏ ਹਨ। ਦਬੰਗ ਖਾਨ ਨੇ ਆਪਣੇ ਇੰਨੇ ਸਾਲਾਂ ਦੇ ਕਰੀਅਰ 'ਚ ਕਈ ਉਤਰਾਅ-ਚੜਾਅ ਦੇਖੇ ਹਨ। ਕਦੇ ਚਾਕਲੇਟੀ ਇਮੇਜ਼ ਵਾਲੇ ਸਲਮਾਨ ਖਾਨ ਤੋਂ ਕਿਸੇ ਨੂੰ ਉਮੀਦ ਨਹੀਂ ਸੀ ਕਿ ਕਦੇ ਉਹ ਵੀ ਬਾਲੀਵੁੱਡ 'ਤੇ ਰਾਜ਼ ਕਰਨਗੇ।
ਸਲਮਾਨ ਦੇ ਸਟਾਰਡਮ 'ਤੇ ਅੱਜ ਕਿਸੇ ਦੇ ਬੋਲਣ ਦੀ ਲੋੜ ਹੀ ਨਹੀਂ ਕਿਉਂਕਿ ਸਲਮਾਨ ਦਾ ਨਾਂ ਹੀ ਕਾਫੀ ਹੈ। ਅੱਜ ਸਲਮਾਨ ਕੋਈ ਨਾਂ ਨਹੀਂ ਸਗੋਂ ਬ੍ਰਾਂਡ ਬਣ ਚੁੱਕਿਆ ਹੈ। ਸਲਮਾਨ ਨੇ ਸਾਰਿਆਂ ਨੂੰ ਆਪਣੇ ਪਰਿਵਾਰ ਦੀ ਤਰ੍ਹਾਂ ਹੀ ਮੰਨਿਆ ਹੈ। ਇਹ ਗੱਲ ਡਿਜ਼ਾਈਨਰ ਐਸ਼ਲੇ ਰਿਬੇਲੋ ਨੇ ਆਖੀ ਹੈ।
ਐਸ਼ਲੇ ਨੇ ਇੰਡਸਟਰੀ 'ਚ ਸਲਮਾਨ ਦੇ 30 ਸਾਲ ਪੂਰੇ ਹੋਣ 'ਤੇ ਆਪਣੀਆਂ ਭਾਵਨਾਵਾਂ ਨੂੰ ਸ਼ੇਅਰ ਕਰਦਿਆਂ ਕਿਹਾ, ਲੰਬੇ ਸਮੇਂ ਤੋਂ ਸਲਮਾਨ ਨਾਲ ਕੰਮ ਕਰ ਰਹੇ ਹਾਂ। ਸਲਮਾਨ ਨੇ ਸਾਲ 1988 'ਚ ਫਿਲਮ 'ਬੀਵੀ ਹੋ ਤੋ ਐਸੀ' ਨਾਲ ਇਕ ਸਪੋਰਟਿੰਗ ਐਕਟਰ ਵਜੋਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
ਇਸ ਗੱਲ 'ਚ ਕੋਈ ਸ਼ੱਕ ਨਹੀਂ ਕਿ ਸਲਮਾਨ ਨੇ 30 ਸਾਲਾਂ 'ਚ ਕਈ ਰਿਕਾਰਡ ਆਪਣੇ ਨਾਂ ਕੀਤੇ ਹਨ, ਜੋ ਸ਼ਾਹਿਦ ਹੀ ਕੋਈ ਬਾਲੀਵੁੱਡ ਸਟਾਰ ਹੁਣ ਤੱਕ ਕਰ ਸਕਿਆ ਹੈ। ਸਲਮਾਨ ਦਾ ਨਾਂ ਉਨ੍ਹਾ ਬਾਲੀਵੁੱਡ ਸਟਾਰਸ 'ਚ ਗਿਣਿਆ ਜਾਂਦਾ ਹੈ, ਜੋ ਬਲਾਕਬਸਟਰ ਫਿਲਮ ਦੀ ਗਾਰੰਟੀ ਹਨ।
ਉਨ੍ਹਾਂ ਦੀ ਕੋਈ ਫਿਲਮ ਫਲਾਪ ਹੋਣ ਤੋਂ ਬਾਅਦ ਵੀ 100 ਕਰੋੜ ਦਾ ਬਿਜ਼ਨੈੱਸ ਕਰ ਹੀ ਲੈਂਦੀ ਹੈ। ਆਪਣੀ ਹਰ ਫਿਲਮ ਨਾਲ ਉਹ ਬਾਕਸ ਆਫਿਸ 'ਤੇ ਨਵੇਂ ਰਿਕਾਰਡ ਬਣਾਉਂਦੇ ਹਨ।
ਉਨ੍ਹਾਂ ਨੇ ਬੈਕ ਟੂ ਬੈਕ ਬਾਕਸ ਆਫਿਸ 'ਤੇ ਕਈ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਸਲਮਾਨ ਅਸਲ 'ਚ ਬਾਕਸ ਆਫਿਸ ਦੇ ਕਿੰਗ ਹਨ। ਫਿਲਮੀ ਇੰਡਸਟਰੀ 'ਚ 30 ਸਾਲ ਪੂਰੇ ਹੋਣ 'ਤੇ ਸਾਡੀ ਸਾਰੀ ਟੀਮ ਵਲੋਂ ਇਸ ਸਿਕੰਦਰ ਨੂੰ ਵਧਾਈ।
