ਮੁੰਬਈ(ਬਿਊਰੋ)- ਗਣਪਤੀ ਬੱਪਾ ਦੀ ਪੂਜਾ ਪਾਠ ’ਚ ਬਾਲੀਵੁੱਡ ਦੇ ਹਰ ਸਿਤਾਰੇ ਨੇ ਜੀਅ ਜਾਨ ਲਗਾ ਦਿੱਤੀ। ਸਾਰਿਆਂ ਦੇ ਘਰ ਵਿਚ ਇਕ ਤੋਂ ਵਧ ਕੇ ਇਕ ਪੰਡਾਲ ਦੇਖਣ ਨੂੰ ਮਿਲੇ। ਸਲਮਾਨ ਖਾਨ ਦੇ ਘਰ ਵੀ ਗਣਪਤੀ ਬੱਪਾ ਆਏ। ਸਲਮਾਨ ਦੇ ਪੂਰੇ ਪਰਿਵਾਰ ਨੇ ਵਧੀਆ ਤਰੀਕੇ ਨਾਲ ਗਣਪਤੀ ਜੀ ਦਾ ਸਵਾਗਤ ਕੀਤਾ ਪਰ ਸਲਮਾਨ ਖਾਨ ਕੋਲੋਂ ਇਕ ਛੋਟੀ ਸੀ ਗਲਤੀ ਹੋ ਗਈ। ਇਸ ਗਲਤੀ ਕਾਰਨ ਸੋਸ਼ਲ ਮੀਡੀਆ ’ਤੇ ਲੋਕ ਉਨ੍ਹਾਂ ਦੀ ਕਾਫੀ ਖਿਚਾਈ ਕਰ ਰਹੇ ਹਨ।
ਦਰਅਸਲ ਹੋਇਆ ਇਹ ਕਿ ਸਲਮਾਨ ਖਾਨ ਨੇ ਭਗਵਾਨ ਦੀ ਆਰਤੀ ਕਰਦੇ ਸਮੇਂ ਆਹਿਲ ਨੂੰ ਗੋਦ ’ਚ ਲਿਆ ਹੋਇਆ ਸੀ। ਇਸ ਕਾਰਨ ਉਨ੍ਹਾਂ ਨੇ ਆਰਤੀ ਦੀ ਥਾਲੀ ਗਲਤ ਦਿਸ਼ਾ ’ਚ ਘੁਮਾ ਦਿੱਤੀ। ਬਸ ਇਹੀ ਗਲਤੀ ਲੋਕਾਂ ਦੀਆਂ ਅੱਖਾਂ ’ਚ ਖਟਕਣ ਲੱਗੀ ਅਤੇ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਭਰਾ ਦੀ ਕਲਾਸ ਲਗਾ ਦਿੱਤੀ।
ਇੰਸਟਾਗ੍ਰਾਮ ਯੂਜ਼ਰ ਸੰਜੀਦਾ ਨੇ ਸਲਮਾਨ ਦੀ ਗਲਤੀ ’ਤੇ ਪਵਾਇੰਟ ਕਰਦੇ ਹੋਏ ਲਿਖਿਆ,‘‘ਆਖ਼ਿਰਕਾਰ ਇਹ ਮੁਸਲਮਾਨ ਹਨ।’’ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘‘ਇਹ ਕੀ ਕਰ ਰਿਹਾ ਹੈ ਇਹ, ਮੁਸਲਮਾਨ ਅਜਿਹੇ ਕਿਵੇਂ ਕਰ ਸਕਦਾ ਹੈ?’’ ਕਰੀਮ ਨੇ ਲਿਖਿਆ,‘‘ਮੈਂ ਸਲਮਾਨ ਅਤੇ ਉਨ੍ਹਾਂ ਦੇ ਪਰਿਵਾਰ ਕੋਲੋਂ ਬੇਹੱਦ ਨਿਰਾਸ਼ ਹਾਂ।’’