ਮੁੰਬਈ(ਬਿਊਰੋ)— ਬਾਲੀਵੁੱਡ ਸਟਾਰ ਸਲਮਾਨ ਖਾਨ ਸੋਸ਼ਲ ਮੀਡੀਆ ‘ਤੇ ਆਪਣੇ ਫੈਨਜ਼ ਨੂੰ ਆਪਣੀ ਫਿਟਨੈੱਸ ਰੂਟੀਨ ਦੀ ਝਲਕ ਦਿਖਾ ਚੁੱਕੇ ਹਨ। ਹੁਣ ਸਲਮਾਨ ਐਸਕੇ-27 ਜਿਮ ਫ੍ਰੈਂਚਾਇਜ਼ੀ ਲੌਂਚ ਕਰਨ ਲਈ ਵੀ ਤਿਆਰ ਹਨ। ਦੱਸ ਦੇਈਏ ਕਿ ਸਲਮਾਨ ਖਾਨ ਸਾਲ 2020 ਤੱਕ ਦੇਸ਼ ਭਰ ‘ਚ 300 ਜਿਮ ਖੋਲ੍ਹਣ ਦੀ ਪਲਾਨਿੰਗ ਕਰ ਰਹੇ ਹਨ। ਖਬਰ ਮੁਤਾਬਕ ’ਬੀਇੰਗ ਹਿਊਮਨ’ ਚੇਨ ਤੇ ਬੀਇੰਗ ਸਟ੍ਰਾਂਗ ਫਿਟਨੈੱਸ ਉਪਕਰਨਾਂ ਤੋਂ ਬਾਅਦ ਸਲਮਾਨ ਜਿਮ ਤੇ ਫਿਟਨੈੱਸ ਸੈਂਟਰ ਖੋਲ੍ਹਣਗੇ।
ਐਸਕੇ 27 ਦਾ ਮੁੱਖ ਮਕਸਦ ਫਿਟਨੈੱਸ ਇੰਡੀਆ ਮੂਵਮੈਂਟ ਦਾ ਸੁਨੇਹਾ ਫੈਲਾਉਣ ਦੇ ਨਾਲ ਹਰ ਇੱਕ ਨੂੰ ਫਿਟ ਤੇ ਸਿਹਤਮੰਦ ਰੱਖਣਾ ਹੈ। ਇਸ ਤੋਂ ਇਲਾਵਾ ਫਿਟਨੈੱਸ ਟਰੇਨਰ ਤੇ ਲੋੜਮੰਦਾਂ ਲਈ ਰੁਜ਼ਗਾਰ ਦੇ ਮੌਕੇ ਖੁੱਲ੍ਹਣਗੇ।ਅਪਰੈਲ ‘ਚ ਸਲਮਾਨ ਨੇ ਆਪਣਾ ਫਿਟਨੈੱਸ ਉਪਕਰਨ ਬ੍ਰਾਂਡ ਬੀਇੰਗ ਸਟ੍ਰਾਂਗ ਲੌਂਚ ਕੀਤਾ ਸੀ। ਇਸ ਦੇ ਨਾਲ ਸਲਮਾਨ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਹਨ।
ਅਕਸਰ ਉਹ ਆਪਣੇ ਅਕਾਊਂਟ ‘ਤੇ ਜਿਮ ਦੀਆਂ ਤਸਵੀਰਾਂ ਤੇ ਵੀਡੀਓ ਸ਼ੇਅਰ ਕਰਦੇ ਰਹਿੰਦੇ ਹਨ। ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੀ ਹਾਲ ਹੀ ‘ਚ ਆਈ ਫਿਲਮ ‘ਭਾਰਤ’ ਨੇ ਬਾਕਸ ਆਫਿਸ ‘ਤੇ 200 ਕਰੋੜ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ। ਹੁਣ ਸਲਮਾਨ ਆਪਣੀ ਅਗਲੀ ਫਿਲਮ ‘ਦਬੰਗ-3’ ਦੀ ਸ਼ੂਟਿੰਗ ’ਚ ਰੁੱਝੇ ਹੋਏ ਹਨ।