ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਸੁਪਰਸਟਾਰ ਸਲਮਾਨ ਖਾਨ ਦੀ ਫਿਲਮ 'ਰੇਸ 3' ਇੰਨੀ ਦਿਨੀਂ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਹੈ। ਇੰਨੀ ਵੱਡੀ ਸਟਾਰ ਕਾਸਟ ਤੇ ਮਹਿੰਗਾ ਬਜਟ ਹੋਣ ਦੇ ਬਾਵਜੂਦ ਵੀ ਇਹ ਫਿਲਮ ਦਰਸ਼ਕਾਂ ਦੇ ਦਿਲਾਂ ਨੂੰ ਜਿੱਤਣ 'ਚ ਅਸਫਲ ਰਹੀ ਹੈ। ਹੁਣ ਫਿਲਮ ਨੂੰ ਇਕ ਹੋਰ ਝਟਕਾ ਲੱਗਾ, ਜਿਸ ਨੂੰ ਜਾਣ ਕੇ ਸਲਮਾਨ ਖਾਨ ਦੇ ਫੈਨਜ਼ ਨਿਰਾਸ਼ ਤੇ ਹੈਰਾਨ ਵੀ ਹੋ ਸਕਦੇ ਹਨ। ਹਾਲ ਹੀ 'ਚ ਸਿਨੇਮਾ ਸਨਾਲ ਜੁੜੇ ਸਾਰੇ ਰਿਕਾਰਡ ਨੂੰ ਤਿਆਰ ਕਰਨ ਵਾਲੀ ਆਈ. ਐੱਮ. ਡੀ. ਬੀ. ਨੇ ਫਿਲਮਾਂ ਨੂੰ ਲੈ ਕੇ ਆਪਣੀ ਰੇਟਿੰਗ ਲਿਸਟ ਜਾਰੀ ਕੀਤੀ ਹੈ। ਇਸ ਰੇਟਿੰਗ ਲਿਸਟ 'ਚ 'ਰੇਸ 3' ਨੂੰ ਵੱਡਾ ਝਟਕਾ ਲਗਾ ਹੈ। ਇਕ ਵੈੱਬਸਾਈਟ ਨੇ 'ਰੇਸ 3' ਨੂੰ ਭਾਰਤ ਦੀਆਂ 100 ਬੇਕਾਰ ਤੇ ਘੱਟ ਰੇਟਿੰਗ ਵਾਲੀ ਫਿਲਮਾਂ 'ਚ ਸ਼ਾਮਲ ਕੀਤਾ ਹੈ। ਇਸ ਦੀ ਰੇਟਿੰਗ ਇਨ੍ਹਾਂ ਫਿਲਮਾਂ ਦੇ ਰਿਵਿਊ ਤੇ ਸੋਸ਼ਲ ਮੀਡੀਆ 'ਤੇ ਯੂਜ਼ਰਸ ਦੀਆਂ ਪ੍ਰਤੀਕਿਰਿਆਵਾਂ ਮੁਤਾਬਕ ਤੈਅ ਕੀਤੀ ਗਈ ਹੈ। ਖਰਾਬ ਰੇਟਿੰਗ ਵਾਲੀ ਇਸ ਫਿਲਮ ਲਿਸਟ 'ਚ ਭਾਰਤ ਦੀ ਫਿਲਮ 'ਦ੍ਰੋਣਾ', 'ਹਿੰਮਤਵਾਲਾ', 'ਹਮਸ਼ਕਲ', 'ਕਿਯਾ ਕੂਲ ਹੈ ਹਮ 3' ਤੇ 'ਤੀਸ ਮਾਰ ਖਾਂ' ਵਰਗੀਆਂ ਫਿਲਮਾਂ ਦੇ ਨਾਂ ਸ਼ਾਮਲ ਹਨ। ਅਜਿਹੀ 'ਚ 'ਰੇਸ 3' ਦੀ ਇਸ ਲਿਸਟ 'ਚ ਸ਼ਾਮਲ ਹੋਣ ਨਾਲ ਸਲਮਾਨ ਖਾਨ ਦੇ ਫੈਨਜ਼ ਵੀ ਹੈਰਾਨ ਹਨ। ਦੱਸ ਦੇਈਏ ਕਿ 'ਰੇਸ 3' ਨੂੰ ਲੈ ਕੇ ਦਰਸ਼ਕਾਂ ਦੇ ਵੱਖ-ਵੱਖ ਰਿਵਿਊ ਸੁਣਨ ਨੂੰ ਮਿਲੇ ਸਨ। ਇਸ ਫਿਲਮ ਨੇ ਹੁਣ ਤੱਕ ਕਰੀਬ 270 ਕਰੋੜ ਦਾ ਕਾਰੋਬਾਰ ਕੀਤਾ ਹੈ। ਸਲਮਾਨ ਦੀ 'ਰੇਸ 3' 'ਚ ਜੈਕਲੀਨ ਫਰਨਾਂਡੀਜ਼, ਅਨਿਲ ਕਪੂਰ, ਬੌਬੀ ਦਿਓਲ, ਡੇਜ਼ੀ ਸ਼ਾਹ, ਸਾਕਿਬ ਸਲੀਮ ਵਰਗੇ ਕਲਾਕਾਰ ਮੁੱਖ ਭੂਮਿਕਾ 'ਚ ਹਨ। ਇਸ ਫਿਲਮ ਨੂੰ ਰੇਮੋ ਡਿਸੂਜਾ ਨੇ ਡਾਇਰੈਕਟ ਕੀਤਾ ਹੈ।