ਮੁੰਬਈ(ਬਿਊਰੋ)— ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' ਇਨ੍ਹੀਂ ਦਿਨੀਂ ਇਕ ਵੱਖਰੇ ਹੀ ਪੜਾਅ 'ਤੇ ਹੈ। ਘਰ 'ਚ ਹੋਲੀ-ਹੋਲੀ ਕਾਫੀ ਧਮਾਕੇ ਦੇਖਣ ਨੂੰ ਮਿਲ ਰਹੇ ਹਨ। ਦੂਜੇ ਹਫਤਾ ਬੀਤਣ ਤੋਂ ਬਾਅਦ ਸ਼ੋਅ ਦੇ ਹੋਸਟ ਸਲਮਾਨ ਖਾਨ ਨੇ ਸ਼ਨੀਵਾਰ ਦੀ ਰਾਤ 'ਵੀਕੈਂਡ ਦਾ ਵਾਰ' 'ਚ ਘਰਵਾਲਿਆਂ ਦੀ ਕਲਾਸ ਲਾਈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਿਸੇ ਨੂੰ ਪਤਾ ਹੀ ਨਹੀਂ ਚੱਲ ਰਿਹਾ ਕਿ ਘਰ 'ਚ ਆਖਿਰ ਹੋ ਕੀ ਰਿਹਾ ਹੈ। ਸਾਰੇ ਫੇਰਵੇਵਿਜ਼ਮ ਨੂੰ ਹਵਾ ਦੇ ਰਹੇ ਹਨ ਅਤੇ ਭੇੜ ਚਾਲ ਕਰ ਰਹੇ ਹਨ।
ਸਲਮਾਨ ਨੇ ਹੁਣ ਤੱਕ ਦੇ ਖੇਡ 'ਤੇ ਨਾਰਾਜ਼ਗੀ ਜਤਾਉਂਦੇ ਹੋਏ ਕਿਹਾ ਕਿ ਕੋਈ ਵੀ ਘਰ 'ਚ ਟਿਕ ਰਹਿਣ ਲਈ ਨਹੀਂ ਖੇਡ ਰਿਹਾ ਹੈ। ਇਨ੍ਹਾਂ ਹੀ ਨਹੀਂ ਸਲਮਾਨ ਖਾਨ ਨੇ ਕੰਟੈਸਟੇਂਟ ਨੂੰ ਇਕ-ਦੂਜੇ 'ਤੇ ਦੋਸ਼ ਲਾਉਣ ਦਾ ਵੀ ਮੌਕਾ ਦਿੱਤਾ, ਜਿਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਅਨੂਪ ਜਲੋਟਾ ਘਰ 'ਚ ਸਭ ਤੋਂ ਵੱਡਾ ਹੈ, ਫਿਰ ਵੀ ਉਹ ਸਟੈਂਡ ਨਹੀਂ ਲੈ ਰਿਹਾ। ਦੂਜੇ ਪਾਸੇ ਜਸਲੀਨ ਲਈ ਕਿਹਾ, ਉਹ ਹਮੇਸ਼ਾ ਜਿਸਦਾ ਲੜ ਭਾਰਾ ਹੁੰਦਾ ਹੈ, ਉਸੇ ਵੱਲ ਚਲੀ ਜਾਂਦੀ ਹੈ।
ਸਲਮਾਨ ਨੇ ਇਸ ਤੋਂ ਬਾਅਦ ਦੀਪਕ ਤੇ ਉਰਵਸ਼ੀ ਨੂੰ ਕਠਘਰੇ 'ਚ ਬੁਲਾਇਆ। ਸਲਮਾਨ ਨੇ ਦੀਪਕ 'ਤੇ ਦੋਸ਼ ਲਾਇਆ ਕਿ ਉਹ 'ਚ ਸਾਰਿਆਂ ਨੂੰ ਮੱਖਣ ਲਾਉਂਦੇ ਰਹਿੰਦੇ ਹਨ। ਸ਼ਨੀਵਾਰ ਨੂੰ ਹੀ ਘਰ 'ਚ ਗੈਸਟ ਦੇ ਰੂਪ 'ਚ ਆਯੁਸ਼ਮਾਨ ਖੁਰਾਨਾ ਤੇ ਤੱਬੂ ਪਹੁੰਚੇ। ਉਨ੍ਹਾਂ ਨੇ ਸ਼੍ਰੀਸੰਤ ਦਾ ਕਾਫੀ ਮਜ਼ਾਕ ਉਡਾਇਆ। ਉਹ ਆਪਣੀ ਫਿਲਮ 'ਅੰਧਾਧੁਨ' ਦੀ ਪ੍ਰਮੋਸ਼ਨ ਲਈ ਗਏ ਸਨ।
ਉਥੇ ਉਨ੍ਹਾਂ ਨੇ ਇਕ ਜੋੜੀ ਨੂੰ ਘਰ ਤੋਂ ਵੀ ਬਾਹਰ ਕੱਢ ਦਿੱਤਾ। ਇਸ ਵਾਰ ਸਿੰਗਲ ਤੇ ਦੋ ਜੋੜੀਆਂ ਨੂੰ ਨਾਮੀਨੇਟ ਕੀਤਾ ਗਿਆ ਸੀ। ਦੀਪਿਕਾ ਕੱਕੜ, ਕਰਣਵੀਰ ਬੋਹਰਾ, ਕ੍ਰਿਤੀ ਵਰਮਾ-ਰੋਸ਼ਮੀ ਬਨਿਕ, ਨਿਰਮਲ ਸਿੰਘ-ਰੌਮਿਲ ਚੌਧਰੀ ਨਾਮੀਨੇਟ ਹੋਏ ਸਨ।
ਸਲਮਾਨ ਖਾਨ ਨੇ ਪਹਿਲਾ ਕਰਨਵੀਰ ਦਾ ਨਾਂ ਲੈ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਸਾਰਿਆਂ ਨੇ ਕਿਹਾ ਕਿ ਇਹ ਨਹੀਂ ਹੋ ਸਕਦਾ। ਕਰਨਵੀਰ ਵੀ ਖੁਦ ਨੂੰ ਘਰ ਤੋਂ ਬਾਹਰ ਮੰਨ ਚੁੱਕੇ ਸਨ।
ਉਨ੍ਹਾਂ ਨੇ ਸਾਰਿਆਂ ਨੂੰ ਅਲਵਿਦਾ ਤੱਕ ਆਖ ਦਿੱਤਾ ਸੀ ਪਰ ਬਾਅਦ 'ਚ ਉਨ੍ਹਾਂ ਨੇ ਕ੍ਰਿਤੀ ਤੇ ਰੋਸ਼ਮੀ ਦਾ ਨਾਂ ਬਾਹਰ ਜਾਣ ਵਾਲੇ ਕੰਟੈਸਟੇਂਟ ਜੋੜੀ ਦੇ ਰੂਪ 'ਚ ਲਿਆ।
ਦੱਸ ਦੇਈਏ ਕਿ ਅੱਜ ਯਾਨੀ ਐਤਵਾਰ ਨੂੰ ਵੀ ਇਕ ਕੰਟੈਸਟੇਂਟ ਹੋਰ ਨਿਕਲੇਗਾ। ਖਬਰਾਂ ਦੀ ਮੰਨੀਏ ਤਾਂ ਅੱਜ ਘਰ 'ਚੋਂ ਨਿਰਮਲ ਸਿੰਘ ਜਾ ਸਕਦਾ ਹੈ।