ਮੁੰਬਈ (ਬਿਊਰੋ)- ਬਾਲੀਵੁੱਡ ਦੇ ਸਿਰਕੱਢ ਕਲਾਕਾਰ ਸਲਮਾਨ ਖਾਨ ਆਪਣੀ ਆਉਣ ਵਾਲੀ ਫਿਲਮ ਰਾਧੇ ’ਚ ਜ਼ਬਰਦਸਤ ਐਕਸ਼ਨ ਕਰਦੇ ਨਜ਼ਰ ਆਉਣਗੇ। ਸਲਮਾਨ ਖਾਨ ਇਨ੍ਹੀਂ ਦਿਨੀਂ ਪ੍ਰਭੂਦੇਵਾ ਦੇ ਨਿਰਦੇਸ਼ਨ ਹੇਠ ਬਣ ਰਹੀ ਫਿਲਮ ਰਾਧੇ ’ਚ ਕੰਮ ਕਰ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਇਸ ਫਿਲਮ ’ਚ ਸਲਮਾਨ ਦੇ ਸਟਾਈਲਿਸ਼ ਐਕਸ਼ਨ ਨਜ਼ਰ ਆਉਣਗੇ।
ਇਸ ਫਿਲਮ ’ਚ ਸਲਮਾਨ ਖਾਨ ਇਕ ਨਹੀਂ ਸਗੋਂ 3 ਖਲਨਾਇਕਾਂ ਦੇ ਸਾਹਮਣੇ ਨਜ਼ਰ ਆਉਣਗੇ। ਇਸ ਫਿਲਮ ਲਈ 3 ਐਕਸ਼ਨ ਨਿਰਦੇਸ਼ਕ ਫਿਲਮ ਦੇ ਸਟੰਟਾਂ ’ਤੇ ਕੰਮ ਕਰ ਰਹੇ ਹਨ। ਸਲਮਾਨ ਖਾਨ ਫਿਲਮ ’ਚ ਮੁੰਬਈ ਦੇ ਪੁਲਸ ਇੰਸਪੈਕਟਰ ਦਾ ਕਿਰਦਾਰ ਨਿਭਾਉਣਗੇ, ਜਿਹੜਾ ਜੁਰਮ ਅਤੇ ਮੁਜਰਮ ਦਾ ਖਾਤਮਾ ਕਰੇਗਾ। ਇਸ ਫਿਲਮ ’ਚ ਸਲਮਾਨ ਦੇ ਨਾਲ ਦਿਸ਼ਾ ਪਟਾਨੀ ਨਜ਼ਰ ਆਵੇਗੀ। ਇਹ ਫਿਲਮ ਇਸ ਵਰ੍ਹੇ ਈਦ ਦੇ ਮੌਕੇ ’ਤੇ ਰਿਲੀਜ਼ ਹੋ ਸਕਦੀ ਹੈ।